[169] Kusalañca vo bhikkhave desissāmi akusalañca taṁ suṇātha
sādhukaṁ manasikarotha bhāsissāmīti. Evaṁ bhanteti kho te bhikkhū
bhagavato paccassosuṁ. Bhagavā etadavoca katamañca bhikkhave akusalaṁ
pāṇātipāto .pe. Micchādiṭṭhi idaṁ vuccati bhikkhave akusalaṁ.
1-2 Po. Ma. asādhu ... sādhu. 3 Po. Ma. sādhūti.
Katamañca bhikkhave kusalaṁ pāṇātipātā veramaṇī .pe. Sammādiṭṭhi
idaṁ vuccati bhikkhave kusalanti.

[170] Atthañca vo bhikkhave desissāmi anatthañca taṁ suṇātha
sādhukaṁ manasikarotha bhāsissāmīti. Evaṁ bhanteti kho te bhikkhū
bhagavato paccassosuṁ. Bhagavā etadavoca katamo ca bhikkhave anattho
pāṇātipāto .pe. Micchādiṭṭhi ayaṁ vuccati bhikkhave anattho.
Katamo ca bhikkhave attho pāṇātipātā veramaṇī .pe. Sammādiṭṭhi
ayaṁ vuccati bhikkhave atthoti.

[171] Dhammañca vo bhikkhave desissāmi adhammañca taṁ suṇātha
sādhukaṁ manasikarotha bhāsissāmīti. Evaṁ bhanteti kho te bhikkhū
bhagavato paccassosuṁ. Bhagavā etadavoca katamo ca bhikkhave adhammo
pāṇātipāto .pe. Micchādiṭṭhi ayaṁ vuccati bhikkhave adhammo.
Katamo ca bhikkhave dhammo pāṇātipātā veramaṇī .pe. Sammādiṭṭhi
ayaṁ vuccati bhikkhave dhammoti.

[172] Sāsavañca vo bhikkhave [1]- desissāmi anāsavañca taṁ
suṇātha sādhukaṁ manasikarotha bhāsissāmīti. Evaṁ bhanteti kho te
bhikkhū bhagavato paccassosuṁ. Bhagavā etadavoca katamo ca bhikkhave
sāsavo dhammo pāṇātipāto .pe. Micchādiṭṭhi ayaṁ vuccati
bhikkhave sāsavo dhammo. Katamo ca bhikkhave anāsavo dhammo
pāṇātipātā veramaṇī .pe. Sammādiṭṭhi ayaṁ vuccati bhikkhave
1 Ma. Yu. etthantare dhammanti atthi.
Anāsavo dhammoti.

[173] Sāvajjañca vo bhikkhave [1]- desissāmi anavajjañca taṁ
suṇātha sādhukaṁ manasikarotha bhāsissāmīti. Evaṁ bhanteti kho te
bhikkhū bhagavato paccassosuṁ. Bhagavā etadavoca katamo ca bhikkhave
sāvajjo dhammo pāṇātipāto .pe. Micchādiṭṭhi ayaṁ vuccati
bhikkhave sāvajjo dhammo. Katamo ca bhikkhave anavajjo dhammo
pāṇātipātā veramaṇī .pe. Sammādiṭṭhi ayaṁ vuccati bhikkhave
anavajjo dhammoti.

[174] Tapaniyañca vo bhikkhave dhammaṁ desissāmi atapaniyañca taṁ
suṇātha .pe. Katamo ca bhikkhave tapaniyo dhammo pāṇātipāto .pe.
Micchādiṭṭhi ayaṁ vuccati bhikkhave tapaniyo dhammo. Katamo ca
bhikkhave atapaniyo dhammo pāṇātipātā veramaṇī .pe. Sammādiṭṭhi
ayaṁ vuccati bhikkhave atapaniyo dhammoti.

[175] Ācayagāmiñca vo bhikkhave dhammaṁ desissāmi apacayagāmiñca
taṁ suṇātha sādhukaṁ manasikarotha bhāsissāmīti. Evaṁ bhanteti
kho te bhikkhū bhagavato paccassosuṁ. Bhagavā etadavoca katamo ca
bhikkhave ācayagāmī dhammo pāṇātipāto .pe. Micchādiṭṭhi ayaṁ
vuccati bhikkhave ācayagāmī dhammo. Katamo ca bhikkhave apacayagāmī
dhammo pāṇātipātā veramaṇī .pe. Sammādiṭṭhi ayaṁ vuccati
bhikkhave apacayagāmī dhammoti.
1 Ma. Yu. etthantare dhammanti desessāmi.

[176] Dukkhudrayañca vo bhikkhave dhammaṁ desissāmi sukhudrayañca
taṁ suṇātha sādhukaṁ manasikarotha bhāsissāmīti. Evaṁ bhanteti kho
te bhikkhū bhagavato paccassosuṁ. Bhagavā etadavoca katamo ca
bhikkhave dukkhudrayo dhammo pāṇātipāto .pe. Micchādiṭṭhi ayaṁ
vuccati bhikkhave dukkhudrayo dhammo. Katamo ca bhikkhave sukhudrayo
dhammo pāṇātipātā veramaṇī .pe. Sammādiṭṭhi ayaṁ vuccati
bhikkhave sukhudrayo dhammoti.

[177] Dukkhavipākañca vo bhikkhave dhammaṁ desissāmi sukhavipākañca
taṁ suṇātha sādhukaṁ manasikarotha bhāsissāmīti. Evaṁ bhanteti
kho te bhikkhū bhagavato paccassosuṁ. Bhagavā etadavoca katamo ca
bhikkhave dukkhavipāko dhammo pāṇātipāto .pe. Micchādiṭṭhi ayaṁ
vuccati bhikkhave dukkhavipāko dhammo. Katamo ca bhikkhave sukhavipāko
dhammo pāṇātipātā veramaṇī .pe. Sammādiṭṭhi ayaṁ vuccati
bhikkhave sukhavipāko dhammoti.
Sundaravaggo 1 tatiyo.
---------------
Seṭṭhavaggo catuttho

[178] Ariyamaggañca vo bhikkhave desissāmi anariyamaggañca
taṁ suṇātha .pe. Katamo ca bhikkhave anariyo maggo pāṇātipāto .pe.
Micchādiṭṭhi ayaṁ vuccati bhikkhave anariyo maggo. Katamo
1 Ma. sādhuvaggo tatiyo. Yu. sādhuvaggo aṭṭhamo.
Ca bhikkhave ariyo maggo pāṇātipātā veramaṇī .pe.
Sammādiṭṭhi ayaṁ vuccati bhikkhave ariyo maggoti.