[89] Athakho kokāliko 3 bhikkhu yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ nisīdi ekamantaṁ
nisinno kho kokāliko bhikkhu bhagavantaṁ etadavoca pāpicchā bhante
sārīputtamoggallānā pāpikānaṁ icchānaṁ vasaṅgatāti. Mā hevaṁ kokālika
mā hevaṁ kokālika pasādehi kokālika sārīputtamoggallānesu cittaṁ
pesalā sārīputtamoggallānāti. Dutiyampi kho kokāliko bhikkhu bhagavantaṁ
etadavoca kiñcāpi me bhante bhagavā saddhāyiko paccayiko athakho
pāpicchāva sārīputtamoggallānā pāpikānaṁ icchānaṁ vasaṅgatāti. Mā
hevaṁ kokālika mā hevaṁ kokālika pasādehi kokālika sārīputtamoggallānesu
1 Ma. ṭhānametaṁ avakāso. 2 Ma. ... byasanānaṁ aññataraṁ bayasanaṁ nigaccheyya.
Yu. aññataraṁ .... 3 Po. kokāliyo bhikkhu. sabbattha evaṁ ñātabbaṁ.
Cittaṁ pesalā sārīputtamoggallānāti. Tatiyampi
kho kokāliko bhikkhu bhagavantaṁ etadavoca kiñcāpi kho me bhante
bhagavā saddhāyiko paccayiko athakho pāpicchāva sārīputtamoggallānā
pāpikānaṁ icchānaṁ vasaṅgatāti. Mā hevaṁ kokālika mā hevaṁ
kokālika pasādehi kokālika sārīputtamoggallānesu cittaṁ pesalā
sārīputtamoggallānāti. Athakho kokāliko bhikkhu uṭṭhāyāsanā bhagavantaṁ
abhivādetvā padakkhiṇaṁ katvā pakkāmi acirapakkantassa ca kokālikassa
bhikkhuno sāsapamattīhi piḷakāhi sabbo kāyo phuṭṭho ahosi sāsapamattiyo
hutvā muggamattiyo ahesuṁ muggamattiyo hutvā kāḷāyamattiyo 1
ahesuṁ kāḷāyamattiyo hutvā kolaṭṭhimattiyo ahesuṁ kolaṭṭhimattiyo
hutvā kolamattiyo ahesuṁ kolamattiyo hutvā āmalakamattiyo
ahesuṁ āmalakamattiyo hutvā [2]- veluvasalāṭukamattiyo 3 ahesuṁ
veluvasalāṭukamattiyo hutvā villamattiyo ahesuṁ villamattiyo hutvā
pabhijjiṁsu pubbañca lohitañca pagghariṁsu svāssudaṁ kaddalipattesu
seti macchova visakalikato 4 . Athakho tudipaccekabrahmā 5 yena kokāliko
bhikkhu tenupasaṅkami upasaṅkamitvā vehāse ṭhatvā kokālikaṁ bhikkhuṁ
etadavoca pasādehi kokālika sārīputtamoggallānesu cittaṁ pesalā
sārīputtamoggallānāti. Kosi tvaṁ āvusoti. Ahaṁ tudipaccekabrahmāti.
Nanu tvaṁ āvuso bhagavatā anāgāmī byākato atha
kiñcarahi idhāgato passa yāvañca te idaṁ aparaddhanti. Athakho
1 Po. kaḷāyamattiyo. Ma. Yu. kalāyamattiyo. 2 Ma. tiṇḍukmattiyo ahesuṁ
tiṇḍukamattiyo hutvā. 3 Ma. Yu. beḷuvasilāṭkamattiyo. 4 Po. visakalekato.
Ma. Yu. visagilito. 5 Ma. tulūpaccekabrahmā. Yu. tudupaccekabrahmā.
Tudipaccekabrahmā kokālikaṁ bhikkhuṁ gāthāya 1 ajjhabhāsi
purisassa hi jātassa kudhārī jāyate mukhe
yāya chindati attānaṁ bālo dubbhāsitaṁ bhaṇaṁ.
Yo nindiyaṁ pasaṁsati taṁ vā nindati yo pasaṁsiyo
vicināti mukhena so kaliṁ kalinā tena sukhaṁ na vindati.
Appamatto ayaṁ kali
yo akkhesu dhanaparājayo
(sabbassāpi sahāpi attanā)
ayameva mahattaro 2 kali
yo sugatesu manaṁ padosaye 3 .
Sataṁ sahassānaṁ nirabbudānaṁ
chattiṁsati pañca ca abbudāni
yamariyagarahī nirayaṁ upeti
vācaṁ manañca 4 paṇidhāya pāpakanti.
Athakho kokāliko bhikkhu tenevābādhena kālamakāsi kālakato
ca kokāliko bhikkhu padumanirayaṁ upapajjati sārīputtamoggallānesu cittaṁ
āghāṭetvā. Athakho brahmā sahampati abhikkantāya rattiyā abhikkantavaṇṇo
kevalakappaṁ jetavanaṁ obhāsetvā yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ aṭṭhāsi
ekamantaṁ ṭhito kho brahmā sahampati bhagavantaṁ etadavoca kokāliko
1 Ma. gāthāhi. 2 Po. mahantataro. 3 Po. Ma. padūsaye. 4 Po. vācāmanañca.
Bhante bhikkhu kālakato kālakato ca bhante kokāliko bhikkhu padumanirayaṁ
upapanno sārīputtamoggallānesu cittaṁ āghāṭetvāti idamavoca
brahmā sahampati idaṁ vatvā bhagavantaṁ abhivādetvā padakkhiṇaṁ katvā
tatthevantaradhāyi. Athakho bhagavā tassā rattiyā accayena bhikkhū
āmantesi imaṁ bhikkhave rattiṁ brahmā sahampati abhikkantāya rattiyā
abhikkantavaṇṇo kevalakappaṁ jetavanaṁ obhāsetvā yenāhaṁ tenupasaṅkami
upasaṅkamitvā maṁ abhivādetvā ekamantaṁ aṭṭhāsi ekamantaṁ ṭhito
kho bhikkhave brahmā sahampati maṁ etadavoca kokāliko bhante
bhikkhu kālakato kālakato ca bhante kokāliko bhikkhu padumanirayaṁ
upapanno sārīputtamoggallānesu cittaṁ āghāṭetvāti idamavoca
bhikkhave brahmā sahampati idaṁ vatvā maṁ abhivādetvā padakkhiṇaṁ katvā
tatthevantaradhāyīti.
Evaṁ vutte aññataro bhikkhu bhagavantaṁ etadavoca kīvadīghaṁ
nu kho bhante padumaniraye āyuppamāṇanti. Dīghaṁ kho bhikkhu padumaniraye
āyuppamāṇaṁ taṁ na sukaraṁ saṅkhātuṁ ettakāni vassānīti vā
ettakāni vassasatānīti vā ettakāni vassasahassānīti vā ettakāni
vassasatasahassānīti vāti. Sakkā pana bhante upamā 1 kātunti.
Sakkā bhikkhūti bhagavā avoca seyyathāpi bhikkhave vīsatikhāriko kosalako
tilavāho tato puriso vassasatasahassassa accayena ekamekaṁ tilaṁ
uddhareyya khippataraṁ kho so bhikkhu vīsatikhāriko kosalako tilavāho
1 Ma. .. upamaṁ.
Iminā upakkamena parikkhayaṁ pariyādānaṁ gaccheyya na tveva eko
abbudo nirayo seyyathāpi bhikkhu vīsati abbudā nirayā evameko
nirabbudo nirayo seyyathāpi bhikkhu vīsati nirabbudā nirayā evameko
ababbo 1 nirayo seyyathāpi bhikkhu vīsati ababbā nirayā evameko
ahaho nirayo seyyathāpi bhikkhu vīsati ahahā nirayā evameko
aṭaṭo nirayo seyyathāpi bhikkhu vīsati aṭaṭā nirayā evameko
kumudo nirayo seyyathāpi bhikkhu vīsati kumudā nirayā evameko
sogandhiko nirayo seyyathāpi bhikkhu vīsati sogandhikā nirayā evameko
uppalo 2 nirayo seyyathāpi bhikkhu uppalā nirayā evameko puṇḍarīko
nirayo seyyathāpi bhikkhu vīsati puṇḍarīkā nirayā evameko padumo
nirayo padumaṁ kho pana bhikkhu nirayaṁ kokāliko bhikkhu upapanno
sārīputtamoggallānesu cittaṁ āghāṭetvāti idamavoca bhagavā idaṁ
vatvāna sugato athāparaṁ etadavoca satthā
purisassa hi jātassa kudhārī jāyate mukhe
yāya chindati attānaṁ bālo dubbhāsitaṁ bhaṇaṁ.
Yo nindiyaṁ pasaṁsati taṁ vā nindati yo pasaṁsiyo
vicināti mukhena so kaliṁ kalinā tena sukhaṁ na vindati.
Appamatto ayaṁ kali yo akkhesu dhanaparājayo
(sabbassāpi sahāpi attanā)
ayameva mahattaro kali
1 Ma. Yu. abubo. 2 Ma. Yu. uppalako.
Yo sugatesu manaṁ padosaye.
Sataṁ sahassānaṁ nirabbudānaṁ
chattiṁsati pañca ca abbudāni
yamariyagarahī nirayaṁ upeti
vācaṁ manañca paṇidhāya pāpakanti.

[90] Athakho āyasmā sārīputto yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ nisīdi. Ekamantaṁ
nisinnaṁ kho āyasmantaṁ sārīputtaṁ bhagavā etadavoca kati nu kho
sārīputta khīṇāsavassa bhikkhuno balāni yehi balehi samannāgato
khīṇāsavo bhikkhu āsavānaṁ khayaṁ paṭijānāti khīṇā me āsavāti.
Dasa bhante khīṇāsavassa bhikkhuno balāni yehi balehi samannāgato
khīṇāsavo bhikkhu āsavānaṁ khayaṁ paṭijānāti khīṇā me āsavāti.
Katamāni dasa idha bhante khīṇāsavassa bhikkhuno aniccato sabbe
saṅkhārā yathābhūtaṁ sammappaññāya sudiṭṭhā honti yampi bhante
khīṇāsavassa bhikkhuno aniccato sabbe saṅkhārā yathābhūtaṁ sammappaññāya
sudiṭṭhā honti idampi bhante khīṇāsavassa bhikkhuno balaṁ hoti
yaṁ balaṁ āgamma khīṇāsavo bhikkhu āsavānaṁ khayaṁ paṭijānāti khīṇā
me āsavāti. Puna caparaṁ bhante khīṇāsavassa bhikkhuno aṅgārakāsūpamā
kāmā yathābhūtaṁ sammappaññāya sudiṭṭhā honti yampi bhante
khīṇāsavassa bhikkhuno aṅgārakāsūpamā kāmā yathābhūtaṁ sammappaññāya
Sudiṭṭhā honti idampi bhante khīṇāsavassa bhikkhuno balaṁ hoti yaṁ balaṁ
āgamma khīṇāsavo bhikkhu āsavānaṁ khayaṁ paṭijānāti khīṇā me
āsavāti. Puna caparaṁ bhante khīṇāsavassa bhikkhuno vivekaninnaṁ cittaṁ
hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ byantībhūtaṁ
sabbaso āsavaṭṭhāniyehi dhammehi yampi bhante khīṇāsavassa bhikkhuno
vivekaninnaṁ cittaṁ hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ
byantībhūtaṁ sabbaso āsavaṭṭhāniyehi dhammehi idampi bhante
khīṇāsavassa bhikkhuno balaṁ hoti yaṁ balaṁ āgamma khīṇāsavo bhikkhu
āsavānaṁ khayaṁ paṭijānāti khīṇā me āsavāti. Puna caparaṁ bhante
khīṇāsavassa bhikkhuno cattāro satipaṭṭhānā bhāvitā honti subhāvitā
yampi bhante khīṇāsavassa bhikkhuno cattāro satipaṭṭhānā bhāvitā honti
subhāvitā idampi bhante khīṇāsavassa bhikkhuno balaṁ hoti yaṁ balaṁ
āgamma khīṇāsavo bhikkhu āsavānaṁ khayaṁ paṭijānāti khīṇā me
āsavāti. Puna caparaṁ bhante khīṇāsavassa bhikkhuno cattāro sammappadhānā
bhāvitā honti subhāvitā ... Cattāro iddhippādā bhāvitā
honti subhāvitā ... Pañcindriyāni pañca balāni bhāvitāni honti
subhāvitāni ... Satta bojjhaṅgā bhāvitā honti subhāvitā ... Ariyo
aṭṭhaṅgiko maggo bhāvito hoti subhāvito yampi bhante khīṇāsavassa
bhikkhuno ariyo aṭṭhaṅgiko maggo bhāvito hoti subhāvito idampi
bhante khīṇāsavassa bhikkhuno balaṁ hoti yaṁ balaṁ āgamma khīṇāsavo
Bhikkhu āsavānaṁ khayaṁ paṭijānāti khīṇā me āsavāti. Imāni
kho bhante dasa khīṇāsavassa bhikkhuno balāni yehi balehi samannāgato
khīṇāsavo bhikkhu āsavānaṁ khayaṁ paṭijānāti khīṇā me āsavāti.
Theravaggo catuttho.
Tassuddānaṁ
vāhuno cānando ca 1 puṇṇiyo ca byākaraṇaṁ
katthī aññādhikaraṇaṁ kokāliko ca balāni ca 2 .
------------
Upāsakavaggo pañcamo

[91] Ekaṁ samayaṁ bhagavā sāvatthiyaṁ viharati jetavane anāthapiṇḍikassa
ārāme. Athakho anāthapiṇḍiko gahapati yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca dasayime
gahapati kāmabhogino santo saṁvijjamānā lokasmiṁ katame dasa idha
gahapati ekacco kāmabhogī adhammena bhoge pariyesati sāhasena adhammena
bhoge pariyesitvā sāhasena na attānaṁ sukheti [3]- pineti na saṁvibhajati
na puññāni karoti idha pana gahapati ekacco kāmabhogī adhammena
bhoge pariyesati sāhasena adhammena bhoge pariyesitvā sāhasena
attānaṁ sukheti pineti na saṁvibhajati na puññāni karoti idha
1 Ma. vāhanānando puṇṇiyo byākaraṇaṁ katthi māniko na piyakko sakokāli khīṇāsavabalena
cāti. 2 Ma. Yu. cāti. 3 Ma. na saddo atthi.
Pana gahapati ekacco kāmabhogī adhammena bhoge pariyesati sāhasena
adhammena bhoge pariyesitvā sāhasena attānaṁ sukheti pineti saṁvibhajati
puññāni karoti idha pana gahapati ekacco kāmabhogī dhammādhammena
bhoge pariyesati sāhasenapi asāhasenapi dhammādhammena bhoge pariyesitvā
sāhasenapi asāhasenapi na attānaṁ sukheti pineti na saṁvibhajati
na puññāni karoti idha pana gahapati ekacco kāmabhogī dhammādhammena
bhoge pariyesati sāhasenapi asāhasenapi dhammādhammena bhoge
pariyesitvā sāhasenapi asāhasenapi attānaṁ sukheti pineti na saṁvibhajati
na puññāni karoti idha pana gahapati ekacco kāmabhogī dhammādhammena
bhoge pariyesati sāhasenapi asāhasenapi dhammādhammena bhoge
pariyesitvā sāhasenapi asāhasenapi attānaṁ sukheti pineti saṁvibhajati
puññāni karoti idha pana gahapati ekacco kāmabhogī dhammena
bhoge pariyesati asāhasena dhammena bhoge pariyesitvā asāhasena
na attānaṁ sukheti pineti na saṁvibhajati na puññāni karoti
idha pana gahapati ekacco kāmabhogī dhammena bhoge pariyesati asāhasena
dhammena bhoge pariyesitvā asāhasena attānaṁ sukheti pineti na
saṁvibhajati na puññāni karoti idha pana gahapati ekacco kāmabhogī
dhammena bhoge pariyesati asāhasena dhammena bhoge pariyesitvā
asāhasena attānaṁ sukheti pineti saṁvibhajati puññāni karoti te
ca bhoge gadhito mucchito ajjhāpanno 1 anādīnavadassāvī anissaraṇapañño
1 Ma. ajjhopanno.
Paribhuñjati idha pana gahapati ekacco kāmabhogī dhammena
bhoge pariyesati asāhasena dhammena bhoge pariyesitvā asāhasena
attānaṁ sukheti pineti saṁvibhajati puññāni karoti te ca bhoge
agadhito amucchito anajjhāpanno ādīnavadassāvī nissaraṇapañño paribhuñjati
tatra gahapati yvāyaṁ kāmabhogī adhammena bhoge pariyesati
sāhasena adhammena bhoge pariyesitvā sāhasena na attānaṁ sukheti
pineti na saṁvibhajati na puññāni karoti ayaṁ gahapati kāmabhogī
tīhi ṭhānehi gārayho adhammena bhoge pariyesati sāhasenāti iminā
paṭhamena ṭhānena gārayho na attānaṁ sukheti pinetīti iminā dutiyena
ṭhānena gārayho na saṁvibhajati na puññāni karotīti iminā tatiyena
ṭhānena gārayho ayaṁ gahapati kāmabhogī imehi tīhi ṭhānehi
gārayho tatra gahapati yvāyaṁ kāmabhogī adhammena bhoge pariyesati
sāhasena adhammena bhoge pariyesitvā sāhasena attānaṁ sukheti
pineti na saṁvibhajati na puññāni karoti ayaṁ gahapati kāmabhogī
dvīhi ṭhānehi gārayho ekena ṭhānena pāsaṁso adhammena bhoge
pariyesati sāhasenāti iminā paṭhamena ṭhānena gārayho attānaṁ
sukheti pinetīti iminā ekena ṭhānena pāsaṁso na saṁvibhajati na
puññāni karotīti iminā dutiyena ṭhānena gārayho ayaṁ gahapati
kāmabhogī imehi dvīhi ṭhānehi gārayho iminā ekena ṭhānena
pāsaṁso tatra gahapati yvāyaṁ kāmabhogī adhammena bhoge pariyesati
Sāhasena adhammena bhoge pariyesitvā sāhasena attānaṁ sukheti
pineti saṁvibhajati puññāni karoti ayaṁ gahapati kāmabhogī ekena
ṭhānena gārayho dvīhi ṭhānehi pāsaṁso adhammena bhoge pariyesati
sāhasenāti iminā ekena ṭhānena gārayho attānaṁ sukheti pinetīti
iminā paṭhamena ṭhānena pāsaṁso saṁvibhajati puññāni karotīti iminā
dutiyena ṭhānena pāsaṁso ayaṁ gahapati kāmabhogī iminā ekena
ṭhānena gārayho imehi dvīhi ṭhānehi pāsaṁso tatra gahapati
yvāyaṁ kāmabhogī dhammādhammena bhoge pariyesati sāhasenapi asāhasenapi
dhammādhammena bhoge pariyesitvā sāhasenapi asāhasenapi na attānaṁ
sukheti pineti na saṁvibhajati na puññāni karoti ayaṁ gahapati
kāmabhogī ekena ṭhānena pāsaṁso tīhi ṭhānehi gārayho dhammena
bhoge pariyesati asāhasenāti iminā ekena ṭhānena pāsaṁso adhammena
bhoge pariyesati sāhasenāti iminā paṭhamena ṭhāne gārayho na
attānaṁ sukheti pinetīti iminā dutiyena ṭhānena gārayho na saṁvibhajati
na puññāni karotīti iminā tatiyena ṭhānena gārayho ayaṁ gahapati
kāmabhogī iminā paṭhamena ṭhānena pāsaṁso imehi tīhi ṭhānehi
gārayho tatra gahapati yvāyaṁ kāmabhogī dhammādhammena bhoge pariyesati
sāhasenapi asāhasenapi dhammādhammena bhoge pariyesitvā sāhasenapi
asāhasenapi attānaṁ sukheti pineti na saṁvibhajati na puññāni
karoti ayaṁ gahapati kāmabhogī dvīhi ṭhānehi pāsaṁso dvīhi ṭhānehi
Gārayho dhammena bhoge pariyesati asāhasenāti iminā paṭhamena
ṭhānena pāsaṁso adhammena bhoge sāhasenāti iminā paṭhamena ṭhānena
gārayho attānaṁ sukheti pinetīti iminā dutiyena ṭhānena pāsaṁso
na saṁvibhajati na puññāni karotīti iminā dutiyena ṭhānena gārayho
ayaṁ gahapati kāmabhogī imehi dvīhi ṭhānehi pāsaṁso imehi dvīhi
ṭhānehi gārayho tatra gahapati yvāyaṁ kāmabhogī dhammādhammena bhoge
pariyesati sāhasenapi asāhasenapi dhammādhammena bhoge pariyesitvā
sāhasenapi asāhasenapi attānaṁ sukheti pineti saṁvibhajati puññāni
karoti ayaṁ gahapati kāmabhogī tīhi ṭhānehi pāsaṁso ekena ṭhānena
gārayho dhammena bhoge pariyesati asāhasenāti iminā paṭhamena
ṭhānena pāsaṁso adhammena bhoge pariyesati sāhasenāti iminā ekena
ṭhānena gārayho attānaṁ sukheti pinetīti iminā dutiyena ṭhānena
pāsaṁso saṁvibhajati puññāni karotīti iminā tatiyena ṭhānena pāsaṁso
ayaṁ gahapati kāmabhogī imehi tīhi ṭhānehi pāsaṁso iminā ekena
ṭhānena gārayho tatra gahapati yvāyaṁ kāmabhogī dhammena bhoge
pariyesati asāhasena dhammena bhoge pariyesitvā asāhasena na
attānaṁ sukheti pineti na saṁvibhajati na puññāni karoti ayaṁ
gahapati kāmabhogī ekena ṭhānena pāsaṁso dvīhi ṭhānehi gārayho
dhammena bhoge pariyesati asāhasenāti iminā ekena ṭhānena pāsaṁso
na attānaṁ sukheti pinetīti iminā paṭhamena ṭhānena gārayho na
Saṁvibhajati na puññāni karotīti iminā dutiyena ṭhānena gārayho ayaṁ
gahapati kāmabhogī iminā ekena ṭhānena pāsaṁso imehi dvīhi
ṭhānehi gārayho tatra gahapati yvāyaṁ kāmabhogī dhammena bhoge
pariyesati asāhasena dhammena bhoge pariyesitvā asāhasena attānaṁ
sukheti pineti na saṁvibhajati na puññāni karoti ayaṁ gahapati
kāmabhogī dvīhi ṭhānehi pāsaṁso ekena ṭhānena gārayho dhammena
bhoge pariyesati asāhasenāti iminā paṭhamena ṭhānena pāsaṁso attānaṁ
sukheti pinetīti iminā dutiyena ṭhānena pāsaṁso na saṁvibhajati na
puññāni karotīti iminā ekena ṭhānena gārayho ayaṁ gahapati
kāmabhogī imehi dvīhi ṭhānehi pāsaṁso iminā ekena ṭhānena
gārayho tatra gahapati yvāyaṁ kāmabhogī dhammena bhoge pariyesati
asāhasena dhammena bhoge pariyesitvā asāhasena attānaṁ sukheti
pineti saṁvibhajati puññāni karoti te ca bhoge gadhito mucchito
ajjhāpanno anādīnavadassāvī anissaraṇapañño paribhuñjati ayaṁ
gahapati kāmabhogī tīhi ṭhānehi pāsaṁso ekena ṭhānena gārayho
dhammena bhoge pariyesati asāhasenāti iminā paṭhamena ṭhānena pāsaṁso
attānaṁ sukheti pinetīti iminā dutiyena ṭhānena pāsaṁso saṁvibhajati
puññāni karotīti iminā tatiyena ṭhānena pāsaṁso te ca bhoge
gadhito mucchito ajjhāpanno anādīnavadassāvī anissaraṇapañño
Paribhuñjatīti iminā ekena ṭhānena gārayho ayaṁ gahapati kāmabhogī
imehi tīhi ṭhānehi pāsaṁso iminā ekena ṭhānena gārayho tatra
gahapati yvāyaṁ kāmabhogī dhammena bhoge pariyesati asāhasena dhammena
bhoge pariyesitvā asāhasena attānaṁ sukheti pineti saṁvibhajati
puññāni karoti te ca bhoge agadhito amucchito anajjhāpanno
ādīnavadassāvī nissaraṇapañño paribhuñjati ayaṁ gahapati kāmabhogī
catūhi ṭhānehi pāsaṁso dhammena bhoge pariyesati asāhasenāti iminā
paṭhamena ṭhānena pāsaṁso attānaṁ sukheti pinetīti iminā dutiyena
ṭhānena pāsaṁso saṁvibhajati puññāni karotīti iminā tatiyena ṭhānena
pāsaṁso te ca bhoge agadhito amucchito anajjhāpanno ādīnavadassāvī
nissaraṇapañño paribhuñjatīti iminā catutthena ṭhānena pāsaṁso
ayaṁ gahapati kāmabhogī imehi catūhi ṭhānehi pāsaṁso ime kho
gahapati dasa kāmabhogino santo saṁvijjamānā lokasmiṁ imesaṁ kho
gahapati dasannaṁ kāmabhogīnaṁ yvāyaṁ kāmabhogī dhammena bhoge pariyesati
asāhasena dhammena bhoge pariyesitvā asāhasena attānaṁ sukheti
pineti saṁvibhajati puññāni karoti te ca bhoge agadhito amucchito
anajjhāpanno ādīnavadassāvī nissaraṇapañño paribhuñjati ayaṁ imesaṁ
dasannaṁ kāmabhogīnaṁ aggo ca seṭṭho ca pāmokkho ca uttamo ca
pavaro ca seyyathāpi gahapati gavā khīraṁ khīramhā dadhi dadhimhā navanītaṁ
navanītamhā sappi sappimhā sappimaṇḍo tattha aggamakkhāyati evameva
Kho gahapati imesaṁ dasannaṁ kāmabhogīnaṁ yvāyaṁ kāmabhogī dhammena bhoge
pariyesati asāhasena dhammena bhoge pariyesitvā asāhasena attānaṁ
sukheti pineti saṁvibhajati puññāni karoti te ca bhoge agadhito
amucchito anajjhāpanno ādīnavadassāvī nissaraṇapañño paribhuñjati
ayaṁ imesaṁ dasannaṁ kāmabhogīnaṁ aggo ca seṭṭho ca pāmokkho ca
uttamo ca pavaro cāti.

[92] Athakho anāthapiṇḍiko gahapati yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ nisīdi. Ekamantaṁ
nisinnaṁ kho anāthapiṇḍikaṁ gahapatiṁ bhagavā etadavoca yato
kho gahapati ariyasāvakassa pañca bhayāni verāni vūpasantāni honti
catūhi [1]- sotāpattiyaṅgehi samannāgato hoti ariyo cassa ñāyo
paññāya sudiṭṭho hoti suppaṭividdho so ākaṅkhamāno attanāva
attānaṁ byākareyya khīṇanirayomhi khīṇatiracchānayoni khīṇapittivisayo
khīṇāpāyaduggativinipāto sotāpannohamasmi avinipātadhammo niyato
sambodhiparāyanoti. Katamāni pañca bhayāni verāni vūpasantāni honti
yaṁ gahapati pāṇātipātī pāṇātipātapaccayā diṭṭhadhammikampi bhayaṁ veraṁ
pasavati samparāyikampi bhayaṁ veraṁ pasavati cetasikampi dukkhaṁ domanassaṁ
paṭisaṁvedeti pāṇātipātā paṭivirato neva diṭṭhadhammikaṁ 2 bhayaṁ veraṁ
pasavati na samparāyikaṁ bhayaṁ veraṁ pasavati na cetasikaṁ dukkhaṁ domanassaṁ
paṭisaṁvedeti pāṇātipātā paṭiviratassa evantaṁ bhayaṁ veraṁ vūpasantaṁ
1 Ma. casaddo dissati. 2 Ma. sabbatthavāresu diṭṭhadhammikampi ...
samparāyikampi ... cetasikampi.
Hoti yaṁ gahapati adinnādāyī ... Kāmesu micchācārī ... Musāvādī ...
Surāmerayamajjapamādaṭṭhāyī surāmerayamajjapamādaṭṭhānapaccayā diṭṭhadhammikampi
bhayaṁ veraṁ pasavati samparāyikampi bhayaṁ veraṁ pasavati cetasikampi
dukkhaṁ domanassaṁ paṭisaṁvedeti surāmerayamajjapamādaṭṭhānā paṭivirato
neva diṭṭhadhammikaṁ bhayaṁ veraṁ pasavati na samparāyikaṁ bhayaṁ veraṁ pasavati
na cetasikaṁ dukkhaṁ domanassaṁ paṭisaṁvedeti surāmerayamajjapamādaṭṭhānā
paṭiviratassa evantaṁ bhayaṁ veraṁ vūpasantaṁ hoti imāni pañca bhayāni
verāni vūpasantāni honti. Katamehi catūhi sotāpattiyaṅgehi samannāgato
hoti idha gahapati ariyasāvako buddhe aveccappasādena samannāgato
hoti itipi so bhagavā arahaṁ sammāsambuddho vijjācaraṇasampanno
sugato lokavidū anuttaro purisadammasārathi satthā devamanussānaṁ buddho
bhagavāti dhamme aveccappasādena samannāgato hoti svākkhāto
bhagavatā dhammo sandiṭṭhiko akāliko ehipassiko opanayiko paccattaṁ
veditabbo viññūhīti saṅghe aveccappasādena samannāgato hoti
supaṭipanno bhagavato sāvakasaṅgho ujupaṭipanno bhagavato sāvakasaṅgho
ñāyapaṭipanno bhagavato sāvakasaṅgho sāmīcipaṭipanno bhagavato sāvakasaṅgho
yadidaṁ cattāri purisayugāni aṭṭha purisapuggalā esa bhagavato
sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṁ
puññakkhettaṁ lokassāti ariyakantehi sīlehi samannāgato hoti
akhaṇḍehi acchiddehi asabalehi akammāsehi bhujjissehi viññūpasaṭṭhehi
Aparāmaṭṭhehi samādhisaṁvattanikehi imehi catūhi sotāpattiyaṅgehi
samannāgato hoti. Katamo cassa ariyo ñāyo paññāya sudiṭṭho hoti
suppaṭividdho idha gahapati ariyasāvako iti paṭisañcikkhati iti
imasmiṁ sati idaṁ hoti imassuppādā idaṁ uppajjati imasmiṁ
asati idaṁ na hoti imassa nirodhā idaṁ nirujjhati yadidaṁ
avijjāpaccayā saṅkhārā saṅkhārapaccayā viññāṇaṁ viññāṇapaccayā
nāmarūpaṁ nāmarūpapaccayā saḷāyatanaṁ saḷātanapaccayā phasso phassapaccayā
vedanā vedanāpaccayā taṇhā taṇhāpaccayā upādānaṁ
upādānapaccayā bhavo bhavapaccayā jāti jātipaccayā jarāmaraṇaṁ
sokaparidevadukkhadomanassupāyāsā sambhavanti evametassa kevalassa
dukkhakkhandhassa samudayo hoti avijjāya tveva asesavirāganirodhā
saṅkhāranirodho saṅkhāranirodhā viññāṇanirodho viññāṇanirodhā
nāmarūpanirodho nāmarūpanirodhā saḷāyatananirodho saḷāyatananirodhā
phassanirodho phassanirodhā vedanānirodho vedanānirodhā taṇhānirodho
taṇhānirodhā upādānanirodho upādānanirodhā bhavanirodho bhavanirodhā
jātinirodho jātinirodhā jarāmaraṇaṁ sokaparidevadukkhadomanassupāyāsā
nirujjhanti evametassa kevalassa dukkhakkhandhassa nirodho hoti ayañcassa
ariyo ñāyo paññāya sudiṭṭho hoti suppaṭividdho. Yato kho
gahapati ariyasāvakassa imāni pañca bhayāni verāni vūpasantāni honti
imehi catūhi sotāpattiyaṅgehi samannāgato hoti ayañcassa ariyo
Ñāyo paññāya sudiṭṭho hoti suppaṭividdho so ākaṅkhamāno
attanāva attānaṁ byākareyya khīṇanirayomhi khīṇatiracchānayoni
khīṇapittivisayo khīṇāpāyaduggativinipāto sotāpannohamasmi
avinipātadhammo niyato sambodhiparāyanoti.

[93] Ekaṁ samayaṁ bhagavā sāvatthiyaṁ viharati jetavane
anāthapiṇḍikassa ārāme. Athakho anāthapiṇḍiko gahapati divādivassa
sāvatthiyā nikkhami bhagavantaṁ dassanāya athakho anāthapiṇḍikassa
gahapatissa etadahosi akālo kho tāva bhagavantaṁ dassanāya paṭisallīno
bhagavā manobhāvanīyānampi bhikkhūnaṁ akālo dassanāya paṭisallīnā
manobhāvanīyā bhikkhū yannūnāhaṁ yena aññatitthiyānaṁ paribbājakānaṁ
ārāmo tenupasaṅkameyyanti athakho anāthapiṇḍiko gahapati yena
aññatitthiyānaṁ paribbājakānaṁ ārāmo tenupasaṅkami. Tena kho
pana samayena aññatitthiyā paribbājakā saṅgamma samāgamma unnādino
uccāsaddā mahāsaddā 1 anekavihitaṁ tiracchānakathaṁ kathentā nisinnā
honti addasaṁsu kho te aññatitthiyā paribbājakā anāthapiṇḍikaṁ
gahapatiṁ dūratova āgacchantaṁ disvāna aññamaññaṁ saṇṭhapesuṁ
appasaddā bhonto hontu mā bhonto saddamakattha ayaṁ
anāthapiṇḍiko gahapati [2]- āgacchati samaṇassa gotamassa sāvako
yāvatā kho pana samaṇassa gotamassa sāvakā gihī odātavasanā sāvatthiyaṁ
paṭivasanti ayaṁ tesaṁ aññataro anāthapiṇḍiko gahapati
1 Ma. uccāsaddamahāsaddā. 2 Ma. ārāmanti dissati.
Appasaddakāmā kho pana te āyasmanto appasaddavinītā appasaddassa
vaṇṇavādino appeva nāma appasaddaṁ parisaṁ viditvā upasaṅkamitabbaṁ
maññeyyāti athakho te [1]- paribbājakā tuṇhī ahesuṁ. Athakho
anāthapiṇḍiko gahapati yena te [2]- paribbājakā tenupasaṅkami
upasaṅkamitvā tehi aññatitthiyehi paribbājakehi saddhiṁ sammodi
sammodanīyaṁ kathaṁ sārāṇīyaṁ vītisāretvā ekamantaṁ nisīdi. Ekamantaṁ
nisinnaṁ kho anāthapiṇḍikaṁ te aññatitthiyā paribbājakā etadavocuṁ
vadehi gahapati kiṁdiṭṭhiko samaṇo gotamoti. Na kho ahaṁ bhante bhagavato
sabbaṁ diṭṭhiṁ jānāmīti. Idāni kira tvaṁ gahapati na samaṇassa gotamassa
sabbaṁ diṭṭhiṁ jānāsi vadehi gahapati kiṁdiṭṭhikā bhikkhūti. Bhikkhūnaṁpi
kho ahaṁ bhante na sabbaṁ diṭṭhiṁ jānāmīti. Iti kira tvaṁ gahapati
na samaṇassa gotamassa sabbaṁ diṭṭhiṁ jānāsi napi bhikkhūnaṁ sabbaṁ
diṭṭhiṁ jānāsi vadehi gahapati kiṁdiṭṭhikosi tuvanti. Etaṁ kho bhante
amhehi na dukkaraṁ byākātuṁ yaṁdiṭṭhikā mayanti iṅgha tāva āyasmanto
yathāsakāni diṭṭhigatāni byākarontu pacchāpetaṁ amhehi na dukkaraṁ
bhavissati byākātuṁ yaṁdiṭṭhikā mayanti. Evaṁ vutte aññataro
paribbājako anāthapiṇḍikaṁ gahapatiṁ etadavoca sassato loko idameva
saccaṁ moghamaññanti evaṁdiṭṭhiko ahaṁ gahapatīti. Aññataropi
kho paribbājako anāthapiṇḍikaṁ gahapatiṁ etadavoca asassato loko
idameva saccaṁ moghamaññanti evaṁdiṭṭhiko ahaṁ gahapatīti. Aññataropi
1-2 Ma. aññatitthiyāti dissati.
Kho paribbājako anāthapiṇḍikaṁ gahapatiṁ etadavoca antavā loko ...
Anantavā loko ... Taṁ jīvaṁ taṁ sarīraṁ ... Aññaṁ jīvaṁ aññaṁ sarīraṁ ...
Hoti tathāgato parammaraṇā ... Na hoti tathāgato parammaraṇā ... Hoti
ca na ca hoti tathāgato parammaraṇā ... Neva hoti na na hoti
tathāgato parammaraṇā idameva saccaṁ moghamaññanti evaṁdiṭṭhiko
ahaṁ gahapatīti. Evaṁ vutte anāthapiṇḍiko gahapati te paribbājake
etadavoca yvāyaṁ bhante āyasmā evamāha sassato loko
idameva saccaṁ moghamaññanti evaṁdiṭṭhiko ahaṁ gahapatīti imassa
ayamāyasmato diṭṭhi attano vā ayoniso manasikārahetu uppannā
paraghosapaccayā 1 vā sā kho panesā diṭṭhi bhūtā saṅkhatā cetayitā
paṭiccasamuppannā yaṁ kho pana kiñci bhūtaṁ saṅkhataṁ cetayitaṁ
paṭiccasamuppannaṁ tadaniccaṁ yadaniccaṁ taṁ dukkhaṁ yaṁ dukkhaṁ tadeva 2
so āyasmā allīno tadeva so āyasmā ajjhūpagato yopāyaṁ
bhante āyasmā evamāha asassato loko idameva saccaṁ
moghamaññanti evaṁdiṭṭhiko ahaṁ gahapatīti imassāpi ayamāyasmato
diṭṭhi attano vā ayoniso manasikārahetu uppannā paraghosapaccayā
vā sā kho panesā diṭṭhi bhūtā saṅkhatā cetayitā paṭiccasamuppannā yaṁ
kho pana kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ yadaniccaṁ
taṁ dukkhaṁ yaṁ dukkhaṁ tadeva so āyasmā allīno tadeva so
āyasmā ajjhūpagato yopāyaṁ bhante āyasmā evamāha antavā
1 Po. Ma. sabbatthavāresu parato ghosapaccayā. 2 Po. Ma. tadeveso.
Loko ... Anantavā loko ... Taṁ jīvaṁ taṁ sarīraṁ ... Aññaṁ jīvaṁ aññaṁ
sarīraṁ ... Hoti tathāgato parammaraṇā ... Na hoti tathāgato parammaraṇā ...
Hoti ca na ca hoti tathāgato parammaraṇā ... Neva hoti na na
hoti tathāgato parammaraṇā idameva saccaṁ moghamaññanti
evaṁdiṭṭhiko ahaṁ gahapatīti imassāpi ayamāyasmato diṭṭhi attano vā
ayoniso manasikārahetu uppannā paraghosapaccayā vā sā kho panesā
diṭṭhi bhūtā saṅkhatā cetayitā paṭiccasamuppannā yaṁ kho pana kiñci
bhūtaṁ saṅkhataṁ cetayitaṁ paṭiccasamuppannaṁ tadaniccaṁ yadaniccaṁ taṁ dukkhaṁ
yaṁ dukkhaṁ tadeva so āyasmā allīno tadeva so āyasmā
ajjhūpagatoti. Evaṁ vutte te paribbājakā anāthapiṇḍikaṁ gahapatiṁ
etadavocuṁ byākatāni kho gahapati amhehi sabbeheva yathāsakāni
diṭṭhigatāni vadehi gahapati kiṁdiṭṭhikosi tuvanti. Yaṁ kho pana 1
bhante kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ yadaniccaṁ
taṁ dukkhaṁ yaṁ dukkhaṁ taṁ netaṁ mama nesohamasmi na meso
attāti evaṁdiṭṭhiko kho ahaṁ bhanteti. Yaṁ kho gahapati kiñci bhūtaṁ
saṅkhataṁ cetayitaṁ paṭiccasamuppannaṁ tadaniccaṁ yadaniccaṁ taṁ dukkhaṁ
yaṁ dukkhaṁ tadeva tvaṁ gahapati allīno tadeva tvaṁ gahapati
ajjhūpagatoti. Yaṁ kho pana bhante kiñci bhūtaṁ saṅkhataṁ cetayitaṁ
paṭiccasamuppannaṁ tadaniccaṁ yadaniccaṁ taṁ dukkhaṁ yaṁ dukkhaṁ taṁ netaṁ mama
nesohamasmi na meso attāti evametaṁ yathābhūtaṁ sammappaññāya
1 Ma. Yu. panasaddo natthi.
Sudiṭṭhaṁ tassa ca uttariṁ 1 nissaraṇaṁ yathābhūtaṁ pajānāmīti. Evaṁ
vutte te paribbājakā tuṇhībhūtā maṅkubhūtā pattakkhandhā adhomukhā
pajjhāyantā appaṭibhāṇā nisīdiṁsu athakho anāthapiṇḍiko gahapati te
paribbājake tuṇhībhūte maṅkubhūte pattakkhandhe adhomukhe pajjhāyante
appaṭibhāṇe viditvā uṭṭhāyāsanā yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ nisīdi ekamantaṁ nisinno
kho anāthapiṇḍiko gahapati yāvatako ahosi tehi aññatitthiyehi
paribbājakehi saddhiṁ kathāsallāpo taṁ sabbaṁ bhagavato ārocesi.
Sādhu sādhu gahapati evaṁ kho te gahapati moghapurisā kālena kālaṁ
sahadhammena suniggahitaṁ niggahetabbāti athakho bhagavā anāthapiṇḍikaṁ
gahapatiṁ dhammiyā kathāya sandassesi samādapesi samuttejesi sampahaṁsesi.
Athakho anāthapiṇḍiko gahapati bhagavatā dhammiyā kathāya sandassito
samādapito samuttejito sampahaṁsito uṭṭhāyāsanā bhagavantaṁ abhivādetvā
padakkhiṇaṁ katvā pakkāmi. Athakho bhagavā acirapakkante anāthapiṇḍike
gahapatimhi bhikkhū āmantesi yopi kho bhikkhave bhikkhu 2 dīgharattaṁ
avedhidhammo imasmiṁ dhammavinaye sopi evamevaṁ 3 aññatitthiye paribbājake
sahadhammena suniggahitaṁ niggaheyya 4 yathātaṁ anāthapiṇḍikena gahapatinā
niggahitāti.

[94] Ekaṁ samayaṁ bhagavā campāyaṁ viharati gaggarāya pokkharaṇiyā
tīre. Athakho vajjiyamāhito gahapati divādivassa campāya nikkhami
1 Po. Ma. uttari. 2 Ma. Yu. bhikkhu vassasatupasampanno imasmiṁ dhammavinaye.
3 Po. Ma. evameva. sabbattha īdisameva. 4 Po. Ma. Yu. niggaṇheyya.
sabbattha īdisameva.
Bhagavantaṁ dassanāya athakho vajjiyamāhitassa gahapatissa etadahosi
akālo kho tāva bhagavantaṁ dassanāya paṭisallīno bhagavā
manobhāvanīyānaṁ 1 bhikkhūnaṁ akālo dassanāya paṭisallīnā manobhāvanīyā
bhikkhū yannūnāhaṁ yena aññatitthiyānaṁ paribbājakānaṁ ārāmo
tenupasaṅkameyyanti athakho vajjiyamāhito gahapati yena aññatitthiyānaṁ
paribbājakānaṁ ārāmo tenupasaṅkami. Tena kho pana samayena
aññatitthiyā paribbājakā saṅgamma samāgamma unnādino uccāsaddā
mahāsaddā anekavihitaṁ tiracchānakathaṁ kathentā nisinnā honti addasaṁsu
kho te aññatitthiyā paribbājakā vajjiyamāhitaṁ gahapatiṁ dūratova
āgacchantaṁ disvāna aññamaññaṁ sañṭhapesuṁ appasaddā bhonto hontu
mā bhonto saddamakattha ayaṁ vajjiyamāhito gahapati āgacchati samaṇassa
gotamassa sāvako yāvatā kho pana samaṇassa gotamassa sāvakā
gihī odātavasanā campāyaṁ paṭivasanti ayaṁ tesaṁ aññataro
vajjiyamāhito gahapati appasaddakāmā kho pana te āyasmanto
appasaddavinītā appasaddassa vaṇṇavādino appeva nāma appasaddaṁ
parisaṁ viditvā upasaṅkamitabbaṁ maññeyyāti athakho te [2]- paribbājakā
tuṇhī ahesuṁ. Athakho vajjiyamāhito gahapati yena [3]- paribbājakā
tenupasaṅkami upasaṅkamitvā tehi aññatitthiyehi paribbājakehi saddhiṁ
sammodi sammodanīyaṁ kathaṁ sārāṇīyaṁ vītisāretvā ekamantaṁ nisīdi.
Ekamantaṁ nisinnaṁ kho vajjiyamāhitaṁ gahapatiṁ te [4]- paribbājakā etadavocuṁ
1 Ma. Yu. ... nampi. 2-3-4 aññatitthiyā.
Saccaṁ kira gahapati samaṇo gotamo sabbaṁ tapaṁ garahati sabbaṁ tapassiṁ
lūkhājīviṁ ekaṁsena upakkosati upavadatīti. Na kho bhante bhagavā sabbaṁ
tapaṁ garahati napi sabbaṁ tapassiṁ lūkhājīviṁ ekaṁsena upakkosati upavadati
gārayhaṁ kho bhante bhagavā garahati pasaṁsiyaṁ 1 pasaṁsati gārayhaṁ kho
pana bhante bhagavā garahanto pasaṁsiyaṁ pasaṁsanto vibhajavādī 2 bhagavā na
so bhagavā ettha ekaṁsavādīti 3 . Evaṁ vutte aññataro paribbājako
vajjiyamāhitaṁ gahapatiṁ etadavoca āgamehi tvaṁ gahapati yassa tvaṁ
samaṇassa gotamassa vaṇṇaṁ bhāsasi so 4 samaṇo gotamo venayiko
appaññattikoti. Etthapāhaṁ bhante āyasmante vakkhāmi sahadhammena
idaṁ kusalanti bhante bhagavatā paññattaṁ idaṁ akusalanti bhante
bhagavatā paññattaṁ iti kusalākusalaṁ bhagavā paññāyamāno 5
sappaññattiko na so bhagavā venayiko appaññattikoti. Evaṁ vutte [6]-
paribbājakā tuṇhībhūtā maṅkubhūtā pattakkhandhā adhomukhā pajjhāyantā
appaṭibhāṇā nisīdiṁsu. Athakho vajjiyamāhito gahapati te paribbājake
tuṇhībhūte maṅkubhūte pattakkhandhe adhomukhe pajjhāyante appaṭibhāṇe
viditvā uṭṭhāyāsanā yena bhagavā tenupasaṅkami upasaṅkamitvā
bhagavantaṁ abhivādetvā ekamantaṁ nisīdi ekamantaṁ nisinno kho
vajjiyamāhito gahapati yāvatako ahosi tehi aññatitthiyehi paribbājakehi
saddhiṁ kathāsallāpo taṁ sabbaṁ bhagavato ārocesi. Sādhu sādhu gahapati
1 Ma. pasaṁsitabbaṁ. 2 Po. Ma. Yu. vibhajavādo. 3 Po. Ma. Yu. ekaṁsavādoti.
4 Ma. ayaṁ pāṭho natthi. 5 paññāpayamānotipi pāṭho. 6 Ma. Yu. te.
Evaṁ kho te gahapati moghapurisā kālena kālaṁ sahadhammena suniggahitaṁ
niggahetabbā nāhaṁ gahapati sabbaṁ tapaṁ tapitabbanti vadāmi na panāhaṁ
gahapati sabbaṁ tapaṁ na tapitabbanti vadāmi nāhaṁ gahapati sabbaṁ samādānaṁ
samāditabbanti vadāmi na panāhaṁ gahapati [1]- samādānaṁ na samāditabbanti
vadāmi nāhaṁ gahapati sabbaṁ padhānaṁ padahitabbanti vadāmi na panāhaṁ
gahapati sabbaṁ padhānaṁ na padahitabbanti vadāmi nāhaṁ gahapati sabbaṁ
paṭinissaggaṁ paṭinissajjitabboti 2 vadāmi na panāhaṁ gahapati [1]- paṭinissaggaṁ
na paṭinissajjitabboti vadāmi nāhaṁ gahapati sabbaṁ vimuttiṁ
vimuccitabbāti 3 vadāmi na panāhaṁ gahapati sabbaṁ vimuttiṁ na vimuccitabbāti 3
vadāmi yañhi gahapati tapaṁ tapato akusalā dhammā abhivaḍḍhanti
kusalā dhammā parihāyanti evarūpaṁ tapaṁ na tapitabbanti vadāmi yañca
khvāssa gahapati tapaṁ tapato akusalā dhammā parihāyanti kusalā
dhammā abhivaḍḍhanti evarūpaṁ tapaṁ tapitabbanti vadāmi yañhi gahapati
samādānaṁ samādayato 4 akusalā dhammā abhivaḍḍhanti kusalā dhammā
parihāyanti evarūpaṁ samādānaṁ na samāditabbanti vadāmi yañca
khvāssa gahapati samādānaṁ samādayato 4 akusalā dhammā parihāyanti kusalā
dhammā abhivaḍḍhanti evarūpaṁ samādānaṁ samāditabbanti vadāmi yañhi
gahapati padhānaṁ padahato akusalā dhammā abhivaḍḍhanti kusalā dhammā
parihāyanti evarūpaṁ padhānaṁ na padahitabbanti vadāmi yañca khvāssa
gahapati padhānaṁ padahato akusalā dhammā parihāyanti kusalā dhammā
1 sabbanti padaṁ bhaṭṭhaṁ maññe. 2 Ma. Yu. sabbo paṭinissaggo
paṭinissajjitabboti. ito paraṁ eseva nayo.
3 sabbā vimutti vimuccitabbātipi pāṭho. 4 samādiyatotipi pāṭho.
Abhivaḍḍhanti evarūpaṁ padhānaṁ padahitabbanti vadāmi yañhi gahapati
paṭinissaggaṁ paṭinissajjato akusalā dhammā abhivaḍḍhanti kusalā dhammā
parihāyanti evarūpo paṭinissaggo na paṭinissajjitabboti vadāmi
yañca khvāssa gahapati paṭinissaggaṁ paṭinissajjato akusalā dhammā
parihāyanti kusalā dhammā abhivaḍḍhanti evarūpo paṭinissaggo
paṭinissajjitabboti vadāmi yañhi gahapati vimuttiṁ vimuccato akusalā
dhammā abhivaḍḍhanti kusalā dhammā parihāyanti evarūpā vimutti
na vimuccitabbāti vadāmi yañca khvāssa gahapati vimuttiṁ vimuccato
akusalā dhammā parihāyanti kusalā dhammā abhivaḍḍhanti evarūpā
vimutti vimuccitabbāti vadāmīti. Athakho vajjiyamāhito gahapati bhagavatā
dhammiyā kathāya sandassito samādapito samuttejito sampahaṁsito
uṭṭhāyāsanā bhagavantaṁ abhivādetvā padakkhiṇaṁ katvā pakkāmi. Athakho
bhagavā acirapakkante vajjiyamāhite gahapatimhi bhikkhū āmantesi yopi
kho 1 bhikkhu dīgharattaṁ apparajakkho imasmiṁ dhammavinaye sopi evamevaṁ
aññatitthiye paribbājake sahadhammena suniggahitaṁ niggaheyya yathātaṁ
vajjiyamāhitena gahapatinā niggahitāti.

[95] Athakho uttiyo paribbājako yena bhagavā tenupasaṅkami
upasaṅkamitvā bhagavatā saddhiṁ sammodi sammodanīyaṁ kathaṁ sārāṇīyaṁ
vītisāretvā ekamantaṁ nisīdi ekamantaṁ nisinno kho uttiyo
paribbājako bhagavantaṁ etadavoca kiṁ nu kho bho gotama sassato loko
1 Po. Yu. so. Ma. so bhikkhave bhikkhu.
Idameva saccaṁ moghamaññanti. [1]- Abyākataṁ kho etaṁ uttiya mayā
sassato loko idameva saccaṁ moghamaññanti. Kiṁ pana bho
gotama asassato loko idameva saccaṁ moghamaññanti. Etampi
kho uttiya abyākataṁ mayā asassato loko idameva saccaṁ
moghamaññanti. Kiṁ nu kho bho gotama antavā loko ... Anantavā
loko ... Taṁ jīvaṁ taṁ sarīraṁ ... Aññaṁ jīvaṁ aññaṁ sarīraṁ ... Hoti
tathāgato parammaraṇā ... Na hoti tathāgato parammaraṇā ... Hoti ca
na ca hoti tathāgato parammaraṇā ... Neva hoti na na hoti tathāgato
parammaraṇā idameva saccaṁ moghamaññanti. Etampi kho uttiya
abyākataṁ mayā neva hoti na na hoti tathāgato parammaraṇā
idameva saccaṁ moghamaññanti. Kiṁ nu kho bho gotama sassato
loko idameva saccaṁ moghamaññanti iti puṭṭho samāno abyākataṁ
kho etaṁ uttiya mayā sassato loko idameva saccaṁ
moghamaññanti vadesi kiṁ pana bho gotama asassato loko idameva
saccaṁ moghamaññanti iti puṭṭho samāno etampi kho uttiya
abyākataṁ mayā asassato loko idameva saccaṁ moghamaññanti
vadesi kiṁ nu kho bho gotama antavā loko ... Anantavā loko ...
Taṁ jīvaṁ taṁ sarīraṁ ... Aññaṁ jīvaṁ aññaṁ sarīraṁ ... Hoti tathāgato
parammaraṇā ... Na hoti tathāgato parammaraṇā ... Hoti ca na ca hoti
tathāgato parammaraṇā ... Neva hoti na na hoti tathāgato parammaraṇā
1 Po. yanti dissati.
Idameva saccaṁ moghamaññanti iti puṭṭho samāno etampi kho
uttiya abyākataṁ mayā neva hoti na na hoti tathāgato parammaraṇā
idameva saccaṁ moghamaññanti vadesi atha kiñcarahi bhotā gotamena
byākatanti. Abhiññā kho ahaṁ uttiya sāvakānaṁ dhammaṁ desemi
sattānaṁ visuddhiyā sokaparidevānaṁ samatikkamāya dukkhadomanassānaṁ
atthaṅgamāya ñāyassa adhigamāya nibbānassa sacchikiriyāyāti. Yaṁ panetaṁ
bhavaṁ gotamo abhiññā sāvakānaṁ dhammaṁ desesi sattānaṁ visuddhiyā
sokaparidevānaṁ samatikkamāya dukkhadomanassānaṁ atthaṅgamāya ñāyassa
adhigamāya nibbānassa sacchikiriyāya sabbo vā 1 tena loko niyyāssati 2
upaḍḍho vā tibhāgo vā 3 evaṁ vutte bhagavā tuṇhī ahosi. Athakho
āyasmato ānandassa etadahosi māheva 4 kho uttiyo paribbājako
pāpakaṁ diṭṭhigataṁ paṭilabhi 5 sabbaṁ sāmukkaṁsikaṁ vata me samaṇo gotamo
pañhaṁ puṭṭho saṁsādeti no visajjeti nūna na 6 visahatīti tadassa
uttiyassa paribbājakassa dīgharattaṁ ahitāya dukkhāyāti athakho āyasmā
ānando uttiyaṁ paribbājakaṁ etadavoca tenahāvuso uttiya upamante
karissāmi upamāyamidhekacce viññū purisā bhāsitassa atthaṁ ājānanti
seyyathāpi āvuso uttiya rañño paccantimaṁ nagaraṁ taṁ daḷhaddālaṁ 7
daḷhapākāratoraṇaṁ ekadvāraṁ tatrassa dovāriko paṇḍito byatto
medhāvī aññātānaṁ nivāretā 8 ñātānaṁ pavesetā so tassa nagarassa
samantā anupariyāyapathaṁ [9]- anukkamamāno na passeyya pākārasandhiṁ vā
1 Yu. ca. 2 Po. Yu. niyyissati. Ma. nīyati. ito paraṁ evaṁ ñātabbaṁ.
3 Po. upaḍḍho vāti bho gotama vadehīti. Ma. Yu. tibhāgo. 4 Ma. Yu. māhevaṁ.
5 Po. Yu. paṭilabhati. 6 Ma. Yu. na nūna. 7 Ma. nagaraṁ daḷhuddhāpaṁ. Yu. nagaraṁ
daḷhuddāpaṁ. 8 Po. nivāretvā ñātānaṁ pavesetvā. 9 Ma. anukkamati
anupariyāyapathaṁ iti dissati.
Pākāravivaraṁ vā antamaso viḷāranissakanamattampi 1 no ca khvāssa
evaṁ ñāṇaṁ hoti ettakā pāṇā imaṁ nagaraṁ pavisanti vā
nikkhamanti vāti. Atha khvāssa evamettha hoti ye kho keci oḷārikā
pāṇā imaṁ nagaraṁ pavisanti vā nikkhamanti vā sabbe te iminā
dvārena pavisanti vā nikkhamanti vāti evameva kho āvuso uttiya
na tathāgatassa evaṁ ussukkataṁ 2 hoti sabbo vā tena loko niyyāssati
upaḍḍho vā tibhāgo vāti. Athakho evamettha tathāgatassa hoti
ye kho keci lokamhā niyyiṁsu vā niyyanti vā niyyāssanti vā
sabbe te pañca nīvaraṇe pahāya cetaso upakkilese paññāya
dubbalīkaraṇe catūsu satipaṭṭhānesu supatiṭṭhitacittā satta bojjhaṅge
yathābhūtaṁ bhāvetvā evamete lokamhā niyyiṁsu vā niyyanti vā niyyāssanti
vāti. Yadeva kho tvaṁ āvuso 3 uttiya bhagavantaṁ imaṁ 4 pañhaṁ apucchi
tadevetaṁ pañhaṁ bhagavantaṁ aññena pariyāyena apucchi 5 tasmā te
taṁ bhagavā na byākāsīti.

[96] Ekaṁ samayaṁ āyasmā ānando [6]- rattiyā paccūsasamayaṁ
paccuṭṭhāya yena tapodā tenupasaṅkami gattāni parisiñcituṁ tapodāya 7
gattāni parisiñcitvā paccuttaritvā ekacīvaro aṭṭhāsi gattāni
1 Ma. biḷāranikkhamanamattampi. 2 Po. Ma. ussukkaṁ. 3 Po. yadeva khvettha
āvuso imaṁ pañhaṁ apuccha. 4 Ma. Yu. ayaṁ pāṭho natthi. 5 Po. apuccha.
6 Ma. Yu. rājagahe viharati tapodārāme athakho āyasmā ānandoti atthi. 7 Po. Ma.
tapode.
Pubbāpayamāno. Kokanudopi kho paribbājako rattiyā paccūsasamayaṁ
paccuṭṭhāya yena tapodā tenupasaṅkami gattāni parisiñcituṁ addasā
kho kokanudo paribbājako āyasmantaṁ ānandaṁ dūratova āgacchantaṁ
disvāna āyasmantaṁ ānandaṁ etadavoca kvettha 1 āvusoti. Ahamāvuso
bhikkhūti. Katame āvuso bhikkhūti 2 . Samaṇā āvuso sakyaputtiyāti 3 .
Puccheyyāma mayaṁ āyasmantaṁ kiñcideva desaṁ sace āyasmā okāsaṁ
karoti pañhassa veyyākaraṇāyāti pucchāvuso sutvā vedissāmāti kiṁ
nu kho bho sassato loko idameva saccaṁ moghamaññanti
evaṁdiṭṭhiko 4 bhavanti. Na kho ahaṁ āvuso evaṁdiṭṭhiko sassato loko
idameva saccaṁ moghamaññanti. Kiṁ nu kho 5 bho asassato loko
idameva saccaṁ moghamaññanti evaṁdiṭṭhiko bhavanti. Na kho ahaṁ
āvuso evaṁdiṭṭhiko asassato loko idameva saccaṁ moghamaññanti.
Kiṁ nu kho bho antavā loko ... Anantavā loko ... Taṁ
jīvaṁ taṁ sarīraṁ ... Aññaṁ jīvaṁ aññaṁ sarīraṁ ... Hoti tathāgato parammaraṇā ...
Na hoti tathāgato parammaraṇā ... Hoti ca na ca hoti tathāgato
parammaraṇā ... Neva hoti na na hoti tathāgato parammaraṇā idameva
saccaṁ moghamaññanti evaṁdiṭṭhiko bhavanti. Na kho ahaṁ āvuso
evaṁdiṭṭhiko neva hoti na na hoti tathāgato parammaraṇā idameva
saccaṁ moghamaññanti. Tenahi bhavaṁ na jānāti na passatīti.
Na kho ahaṁ āvuso na jānāmi na passāmi jānāmihaṁ āvuso
1 Yu. kavattha. 2 Po. Ma. Yu. katamesaṁ āvuso bhikkhūnanti. 3 Po. Ma. Yu.
samaṇānaṁ āvuso sakyaputtiyānanti. 4 Po. Ma. Yu. evaṁdiṭṭhi. sabbattha
īdisameva. 5 Ma. Yu. kiṁ pana bho.
Passāmīti. Kiṁ nu kho bho sassato loko idameva saccaṁ
moghamaññanti evaṁdiṭṭhiko bhavanti iti puṭṭho samāno na kho ahaṁ
āvuso evaṁdiṭṭhiko sassato loko idameva saccaṁ moghamaññanti
vadesi kiṁ nu kho 1 bho asassato loko idameva saccaṁ moghamaññanti
evaṁdiṭṭhiko bhavanti puṭṭho samāno na kho ahaṁ āvuso
evaṁdiṭṭhiko asassato loko idameva saccaṁ moghamaññanti
vadesi kiṁ nu kho bho antavā loko ... Anantavā loko ... Taṁ
jīvaṁ taṁ sarīraṁ ... Aññaṁ jīvaṁ aññaṁ sarīraṁ ... Hoti tathāgato parammaraṇā ...
Na hoti tathāgato parammaraṇā ... Hoti ca na ca hoti tathāgato
parammaraṇā ... Neva hoti na na hoti tathāgato parammaraṇā idameva
saccaṁ moghamaññanti evaṁdiṭṭhiko bhavanti iti puṭṭho samāno na
kho ahaṁ āvuso evaṁdiṭṭhiko neva hoti na na hoti tathāgato
parammaraṇā idameva saccaṁ moghamaññanti vadesi tenahi bhavaṁ
na jānāti na passatīti iti puṭṭho samāno na kho ahaṁ āvuso
na jānāmi na passāmi jānāmahaṁ āvuso passāmīti vadesi.
Yathākathaṁ panāvuso imassa bhāsitassa attho daṭṭhabboti sassato
loko idameva saccaṁ moghamaññanti kho āvuso diṭṭhigatametaṁ
asassato loko idameva saccaṁ moghamaññanti kho āvuso
diṭṭhigatametaṁ antavā loko ... Anantavā loko ... Taṁ jīvaṁ taṁ
sarīraṁ ... Aññaṁ jīvaṁ aññaṁ sarīraṁ ... Hoti tathāgato parammaraṇā ... Na
1 Po. Ma. Yu. kiṁ pana.
Hoti tathāgato parammaraṇā ... Hoti ca na ca hoti tathāgato
parammaraṇā ... Neva hoti na na hoti tathāgato parammaraṇā idameva
saccaṁ moghamaññanti kho āvuso diṭṭhigatametaṁ yāvatā āvuso
diṭṭhigatā yāvatā diṭṭhiṭṭhānā adhiṭṭhānaṁ pariyuṭṭhānaṁ [1]- samugghāto
tamahaṁ jānāmi tamahaṁ passāmi tamahaṁ jānanto jānāmīti tamahaṁ
passanto passāmīti kyāhaṁ vakkhāmi na jānāmi na passāmīti
jānāmahaṁ āvuso passāmīti. Ko nāma āyasmā kathañca
panāyasmantaṁ sabrahmacārī sañjānantīti. Ānandoti kho me āvuso
nāmaṁ ānandoti ca pana maṁ sabrahmacārī sañjānantīti.
Mahācariyena kira bho saddhiṁ mantayamānā na jānimhā 2 āyasmā
ānandoti. Sace hi mayaṁ sañjāneyyāma ayamāyasmā ānandoti
ettakampi no nappaṭibhāseyya 3 khamatu ca me āyasmā ānandoti.

[97] Dasahi bhikkhave dhammehi samannāgato bhikkhu āhuneyyo 4
pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassa
katamehi dasahi idha bhikkhave bhikkhu sīlavā hoti pātimokkhasaṁvarasaṁvuto
viharati ācāragocarasampanno aṇumattesu vajjesu bhayadassāvī samādāya
sikkhati sikkhāpadesu bahussuto hoti sutadharo sutasannicayo ye
te dhammā ādikalyāṇā majjhekalyāṇā pariyosānakalyāṇā sātthaṁ
sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti tathārūpāssa
dhammā bahussutā honti dhatā vacasā paricitā manasānupekkhitā diṭṭhiyā
1 Po. samuṭṭhānaṁ. Ma. diṭṭhiṭṭhānaṁ diṭṭhiadhiṭṭhānaṁ diṭṭhipariyuṭṭhānaṁ
diṭṭhisamuṭṭhānaṁ diṭṭhisamugghāto. Yu. diṭṭhīṭhāna ... adhiṭṭhāna ...
pariyuṭṭhāna ... samuṭṭhāna ... samugghāto. 2 Ma. Yu. jānimhā.
3 nappaṭibhāseyyunti bhavitabbaṁ. 4 Ma. Yu. hotitī atthi.
Suppaṭividdhā kalyāṇamitto hoti kalyāṇasahāyo kalyāṇasampavaṅko
sammādiṭṭhiko hoti sammādassanena samannāgato anekavihitaṁ iddhividhaṁ
paccanubhoti ekopi hutvā bahudhā hoti bahudhāpi hutvā eko
hoti āvibhāvaṁ tirobhāvaṁ tirokuḍḍaṁ tiropākāraṁ tiropabbataṁ
asajjamāno gacchati seyyathāpi ākāse paṭhaviyāpi ummujjanimmujjaṁ karoti
seyyathāpi udake udakepi abhijjamāne gacchati seyyathāpi paṭhaviyaṁ
ākāsepi pallaṅkena kamati seyyathāpi pakkhī sakuṇo imepi
candimasuriye evaṁmahiddhike evaṁmahānubhāve pāṇinā parāmasati parimajjati
yāva brahmalokāpi kāyena ca 1 vasaṁ vatteti dibbāya sotadhātuyā
visuddhāya atikkantamānusikāya ubho sadde suṇāti dibbe ca mānuse
ca ye dūre santike ca parasattānaṁ parapuggalānaṁ cetasā ceto
paricca pajānāti sarāgaṁ vā cittaṁ sarāgaṁ cittanti pajānāti
vītarāgaṁ vā cittaṁ vītarāgaṁ cittanti pajānāti sadosaṁ vā cittaṁ ...
Vītadosaṁ vā cittaṁ ... Samohaṁ vā cittaṁ ... Vītamohaṁ vā cittaṁ ...
Saṅkhittaṁ vā cittaṁ ... Vikkhittaṁ vā cittaṁ ... Mahaggataṁ vā cittaṁ ...
Amahaggataṁ vā cittaṁ 2 ... Sauttaraṁ vā cittaṁ ... Anuttaraṁ vā cittaṁ ...
Samāhitaṁ vā cittaṁ ... Asamāhitaṁ vā 3 cittaṁ ... Vimuttaṁ vā cittaṁ ...
Avimuttaṁ vā cittaṁ avimuttaṁ cittanti 4 pajānāti anekavihitaṁ
pubbenivāsaṁ anussarati seyyathīdaṁ ekampi jātiṁ dvepi jātiyo
tissopi jātiyo catassopi jātiyo pañcapi jātiyo dasapi jātiyo
1 Ma. Yu. casaddo natthi. 2 Po. Yu. amahaggataṁ ... mahaggataṁ .... 3 Po. Yu.
asamāhitaṁ ... samāhitaṁ .... 4 Po. Yu. avimuttaṁ ... vimuttaṁ ....
Vīsampi jātiyo tiṁsampi jātiyo cattāḷīsampi jātiyo paññāsampi
jātiyo jātisatampi jātisahassampi jātisatasahassampi anekepi saṁvaṭṭakappe
anekepi vivaṭṭakappe anekepi saṁvaṭṭavivaṭṭakappe amutrāsiṁ
evaṁnāmo evaṁgotto evaṁvaṇṇo evamāhāro evaṁsukhadukkhapaṭisaṁvedī
evamāyupariyanto so tato cuto amutra udapādiṁ tatrapāsiṁ 1
evaṁnāmo evaṁgotto evaṁvaṇṇo evamāhāro evaṁsukhadukkhapaṭisaṁvedī
evamāyupariyanto so tato cuto idhuppannoti 2 iti sākāraṁ
sauddesaṁ anekavihitaṁ pubbenivāsaṁ anussarati dibbena cakkhunā visuddhena
atikkantamānusakena satte passati cavamāne upapajjamāne hīne paṇīte
suvaṇṇe dubbaṇṇe sugate duggate yathākammūpage satte pajānāti
ime vata [3]- bhonto sattā kāyaduccaritena samannāgatā vacīduccaritena
samannāgatā manoduccaritena samannāgatā ariyānaṁ upavādakā micchādiṭṭhikā
micchādiṭṭhikammasamādānā te kāyassa bhedā parammaraṇā apāyaṁ
duggatiṁ vinipātaṁ nirayaṁ upapannā ime vā pana bhonto sattā
kāyasucaritena samannāgatā vacīsucaritena samannāgatā manosucaritena samannāgatā
ariyānaṁ anupavādakā sammādiṭṭhikā sammādiṭṭhikammasamādānā
te kāyassa bhedā parammaraṇā sugatiṁ saggaṁ lokaṁ upapannāti iti
dibbena cakkhunā visuddhena atikkantamānusakena satte passati cavamāne
upapajjamāne hīne paṇīte suvaṇṇe dubbaṇṇe sugate duggate
yathākammūpage satte pajānāti āsavānaṁ khayā anāsavaṁ cetovimuttiṁ
1 Po. Yu. tatrāpāsi. 2 Ma. idhūpapannoti. Po. Yu. idhupapannoti.
3 Ma. etthantare khosaddo dissati.
Paññāvimuttiṁ diṭṭheva dhamme sayaṁ abhiññā sacchikatvā upasampajja
viharati imehi kho bhikkhave dasahi dhammehi samannāgato bhikkhu
āhuneyyo hoti pāhuneyyo dakkhiṇeyyo añjalikaraṇīyo anuttaraṁ
puññakkhettaṁ lokassāti.

[98] Dasahi bhikkhave dhammehi samannāgato thero bhikkhu yassaṁ
yassaṁ disāyaṁ viharati phāsuyeva viharati katamehi dasahi thero hoti
rattaññū cirapabbajito sīlavā hoti samādāya sikkhati sikkhāpadesu
bahussuto hoti sutadharo sutasannicayo ye te dhammā ādikalyāṇā
majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ
parisuddhaṁ brahmacariyaṁ abhivadanti tathārūpāssa dhammā bahussutā honti
dhatā vacasā paricitā manasānupekkhitā diṭṭhiyā suppaṭividdhā ubhayāni
kho panassa pātimokkhāni vitthārena svāgatāni honti suvibhattāni
suppavattāni 1 vinicchitāni suttaso anubyañjanaso adhikaraṇasamuppādavūpasamakusalo
hoti dhammakāmo hoti piyasamudāhāro abhidhamme abhivinaye
uḷārapāmujjo 2 santuṭṭho hoti itarītaracīvarapiṇḍapātasenāsanagilāna-
paccayabhesajjaparikkhārena pāsādiko hoti abhikkantapaṭikkante 3
susaṁvuto antaragharepi 4 nisajjāya catunnaṁ jhānānaṁ ābhicetasikānaṁ 5
diṭṭhadhammasukhavihārānaṁ nikāmalābhī hoti akicchalābhī akasiralābhī āsavānañca
khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā
sacchikatvā upasampajja viharati imehi kho bhikkhave dasahi dhammehi
1 Po. Ma. Yu. supavattīni. 2 Po. Ma. uḷārapāmojjo. 3 Po. atikkantapaṭikkanto.
4 pisaddo natthi. 5 Po. Yu. abhicetasikānaṁ.
Samannāgato thero bhikkhu yassaṁ yassaṁ disāyaṁ viharati phāsuyeva viharatīti.