[375] 104 Cha bhikkhave ānisaṁse sampassamānena alameva bhikkhunā
sabbadhammesu anodhiṁ karitvā anattasaññaṁ upaṭṭhapetuṁ katame cha
1 Ma. ... ca me anavatthitā. Yu. ... ca me anavaṭṭhitato .... 2 Ma. gacchissanti.
3 Ma. nibbidasaññā.
Sabbaloke ca atammayo bhavissāmi ahaṅkārā ca me uparujjhissanti
mamaṅkārā ca uparujjhissanti asādhāraṇena ca ñāṇena samannāgato
bhavissāmi hetu ca me sudiṭṭho bhavissati hetusamuppannā
ca dhammā ime kho bhikkhave cha ānisaṁse sampassamānena alameva
bhikkhunā sabbadhammesu anodhiṁ karitvā anattasaññaṁ upaṭṭhapetunti.

[376] 105 Tayome bhikkhave bhavā pahātabbā tīsu sikkhāsu
sikkhitabbaṁ katame tayo bhavā pahātabbā kāmabhavo rūpabhavo arūpabhavo
ime tayo bhavā pahātabbā katamāsu tīsu sikkhāsu sikkhitabbaṁ
adhisīlasikkhāya adhicittasikkhāya adhipaññāsikkhāya imāsu tīsu
sikkhāsu sikkhitabbaṁ yato kho bhikkhave bhikkhuno ime tayo bhavā
pahīnā honti imāsu ca tīsu sikkhāsu sikkhitasikkho hoti ayaṁ
vuccati bhikkhave bhikkhu acchejji taṇhaṁ vivattayi saññojanaṁ sammā
mānābhisamayā antamakāsi dukkhassāti.

[377] 106 Tisso imā bhikkhave taṇhā pahātabbā tayo ca
mānā katamā tisso taṇhā pahātabbā kāmataṇhā bhavataṇhā
vibhavataṇhā imā tisso taṇhā pahātabbā katame tayo mānā
māno omāno atimāno ime tayo mānā [1]- yato kho bhikkhave
bhikkhuno imā tisso taṇhā pahīnā honti ime ca tayo mānā
ayaṁ vuccati bhikkhave bhikkhu acchejji taṇhaṁ vivattayi saññojanaṁ
sammā mānābhisamayā antamakāsi dukkhassāti.
Ānisaṁsavaggo pañcamo.
1 Ma. Yu. pahātabbā.
Tassuddānaṁ
pātubhāvo ānisaṁso aniccaṁ dukkhamanattato 1
nibbānaṁ tayo anodisaṁ vuttā bhavā taṇhāya 2 te dasāti.
Dutiyapaṇṇāsako niṭṭhito.
---------
1 Ma. aniccadukkhānattato. 2 Yu. bhavataṇhāya ....
Paṇṇāsakāsaṅgahito vaggo
tikavaggo paṭhamo

[378] 107 Tayome bhikkhave dhammā katame tayo rāgo doso
moho ime kho bhikkhave tayo dhammā imesaṁ kho bhikkhave
tiṇṇaṁ dhammānaṁ pahānāya tayo dhammā bhāvetabbā katame tayo
rāgassa pahānāya asubhā bhāvetabbā dosassa pahānāya mettā
bhāvetabbā mohassa pahānāya paññā bhāvetabbā imesaṁ kho
bhikkhave tiṇṇaṁ dhammānaṁ pahānāya ime tayo dhammā bhāvetabbāti.

[379] 108 Tayome bhikkhave dhammā katame tayo kāyaduccaritaṁ
vacīduccaritaṁ manoduccaritaṁ ime kho bhikkhave tayo dhammā imesaṁ
kho bhikkhave tiṇṇaṁ dhammānaṁ pahānāya tayo dhammā bhāvetabbā
katame tayo kāyaduccaritassa pahānāya kāyasucaritaṁ bhāvetabbaṁ vacīduccaritassa
pahānāya vacīsucaritaṁ bhāvetabbaṁ manoduccaritassa pahānāya
manosucaritaṁ bhāvetabbaṁ imesaṁ kho bhikkhave tiṇṇaṁ dhammānaṁ pahānāya
ime tayo dhammā bhāvetabbāti.

[380] 109 Tayome bhikkhave dhammā katame tayo kāmavitakko
byāpādavitakko vihiṁsāvitakko ime kho bhikkhave tayo dhammā
imesaṁ kho bhikkhave tiṇṇaṁ dhammānaṁ pahānāya tayo dhammā bhāvetabbā
katame tayo kāmavitakkassa pahānāya nekkhammavitakko bhāvetabbo
Byāpādavitakkassa pahānāya abyāpādavitakko bhāvetabbo vihiṁsāvitakkassa
pahānāya avihiṁsāvitakko bhāvetabbo imesaṁ kho bhikkhave
tiṇṇaṁ dhammānaṁ pahānāya ime tayo dhammā bhāvetabbāti.

[381] 110 Tayome bhikkhave dhammā katame tayo kāmasaññā
byāpādasaññā vihiṁsāsaññā ime kho bhikkhave tayo dhammā
imesaṁ kho bhikkhave tiṇṇaṁ dhammānaṁ pahānāya tayo dhammā bhāvetabbā
katame tayo kāmasaññāya pahānāya nekkhammasaññā bhāvetabbā
byāpādasaññāya pahānāya abyāpādasaññā bhāvetabbā vihiṁsāsaññāya
pahānāya avihiṁsāsaññā bhāvetabbā imesaṁ kho bhikkhave
tiṇṇaṁ dhammānaṁ pahānāya ime tayo dhammā bhāvetabbāti.

[382] 111 Tayome bhikkhave dhammā katame tayo kāmadhātu
byāpādadhātu vihiṁsādhātu ime kho bhikkhave tayo dhammā imesaṁ
kho bhikkhave tiṇṇaṁ dhammānaṁ pahānāya tayo dhammā bhāvetabbā
katame tayo kāmadhātuyā pahānāya nekkhammadhātu bhāvetabbā
byāpādadhātuyā pahānāya abyāpādadhātu bhāvetabbā vihiṁsādhātuyā
pahānāya avihiṁsādhātu bhāvetabbā imesaṁ kho bhikkhave tiṇṇaṁ dhammānaṁ
pahānāya ime tayo dhammā bhāvetabbāti.

[383] 112 Tayome bhikkhave dhammā katame tayo assādadiṭṭhi
attānudiṭṭhi micchādiṭṭhi ime kho bhikkhave tayo dhammā imesaṁ
Kho bhikkhave tiṇṇaṁ dhammānaṁ pahānāya tayo dhammā bhāvetabbā katame
tayo assādadiṭṭhiyā pahānāya aniccasaññā bhāvetabbā attānudiṭṭhiyā
pahānāya anattasaññā bhāvetabbā micchādiṭṭhiyā pahānāya
sammādiṭṭhi bhāvetabbā imesaṁ kho bhikkhave tiṇṇaṁ dhammānaṁ pahānāya
ime tayo dhammā bhāvetabbāti.

[384] 113 Tayome bhikkhave dhammā katame tayo arati vihiṁsā 1
adhammacariyā ime kho bhikkhave tayo dhammā imesaṁ kho bhikkhave
tiṇṇaṁ dhammānaṁ pahānāya tayo dhammā bhāvetabbā katame tayo
aratiyā pahānāya muditā bhāvetabbā vihiṁsāya 1 pahānāya avihiṁsā
bhāvetabbā adhammacariyāya pahānāya dhammacariyā bhāvetabbā imesaṁ
kho bhikkhave tiṇṇaṁ dhammānaṁ pahānāya ime tayo dhammā bhāvetabbāti.