[802] Sāvatthīnidānaṁ. Tena kho pana samayena chabbaggiyā
bhikkhū kāyaṁ vivaritvā antaraghare gacchanti .pe. Supaṭicchanno
1 Ma. sabbattha itisaddo dissati. 2 Ma. assatiyā. evamuparipi.
3 Ma. paṭhamasikkhāpadaṁ niṭṭhitaṁ. evamīdisesu sikkhāpadesu. 4 yattha sāvatthīnidānaṁ
dissati tattha tena samayena buddho bhagavā sāvatthiyaṁ viharati jetavane anāthapiṇḍikassa
ārāmeti pāli hoti.
Antaraghare gamissāmīti sikkhā karaṇīyā.
Supaṭicchannena antaraghare gantabbaṁ. Yo anādariyaṁ paṭicca
kāyaṁ vivaritvā antaraghare gacchati āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[803] Sāvatthīnidānaṁ. Tena kho pana samayena chabbaggiyā
bhikkhū kāyaṁ vivaritvā antaraghare nisīdanti .pe. Supaṭicchanno
antaraghare nisīdissāmīti sikkhā karaṇīyā.
Supaṭicchannena antaraghare nisīditabbaṁ. Yo anādariyaṁ paṭicca
kāyaṁ vivaritvā antaraghare nisīdati āpatti dukkaṭassa.
Anāpatti asañcicca asatiyā ajānantassa gilānassa
vāsūpagatassa āpadāsu ummattakassa ādikammikassāti.

[804] Sāvatthīnidānaṁ. Tena kho pana samayena chabbaggiyā
bhikkhū hatthampi pādampi kīḷāpentā antaraghare gacchanti .pe.
Susaṁvuto antaraghare gamissāmīti sikkhā karaṇīyā.
Susaṁvutena antaraghare gantabbaṁ. Yo anādariyaṁ paṭicca hatthaṁ
vā pādaṁ vā kīḷāpento antaraghare gacchati āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[805] Sāvatthīnidānaṁ. Tena kho pana samayena chabbaggiyā
Bhikkhū hatthampi pādampi kīḷāpentā antaraghare nisīdanti .pe.
Susaṁvuto antaraghare nisīdissāmīti sikkhā karaṇīyā.
Susaṁvutena antaraghare nisīditabbaṁ. Yo anādariyaṁ paṭicca hatthaṁ
vā pādaṁ vā kīḷāpento antaraghare nisīdati āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[806] Sāvatthīnidānaṁ. Tena kho pana samayena chabbaggiyā
bhikkhū tahaṁ tahaṁ olokentā antaraghare gacchanti .pe. Okkhittacakkhu
antaraghare gamissāmīti sikkhā karaṇīyā.
Okkhittacakkhunā antaraghare gantabbaṁ yugamattaṁ pekkhantena.
Yo anādariyaṁ paṭicca tahaṁ tahaṁ olokento antaraghare gacchati
āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[807] Sāvatthīnidānaṁ. Tena kho pana samayena chabbaggiyā
bhikkhū tahaṁ tahaṁ olokentā antaraghare nisīdanti .pe. Okkhittacakkhu
antaraghare nisīdissāmīti sikkhā karaṇīyā.
Okkhittacakkhunā antaraghare nisīditabbaṁ yugamattaṁ pekkhantena.
Yo anādariyaṁ paṭicca tahaṁ tahaṁ olokento antaraghare nisīdati
āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[808] Sāvatthīnidānaṁ. Tena kho pana samayena chabbaggiyā
bhikkhū ukkhittakāya antaraghare gacchanti .pe. Na ukkhittakāya
antaraghare gamissāmīti sikkhā karaṇīyā.
Na ukkhittakāya antaraghare gantabbaṁ. Yo anādariyaṁ paṭicca
ekato vā ubhato vā ukkhipitvā antaraghare gacchati āpatti
dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[809] Sāvatthīnidānaṁ. Tena kho pana samayena chabbaggiyā
bhikkhū ukkhittakāya antaraghare nisīdanti .pe. Na ukkhittakāya
antaraghare nisīdissāmīti sikkhā karaṇīyā.
Na ukkhittakāya antaraghare nisīditabbaṁ. Yo anādariyaṁ paṭicca
ekato vā ubhato vā ukkhipitvā antaraghare nisīdati āpatti
dukkaṭassa.
Anāpatti asañcicca asatiyā ajānantassa gilānassa
vāsūpagatassa āpadāsu ummattakassa ādikammikassāti.
Parimaṇḍalavaggo paṭhamo.
--------
Ujjagghikavaggo

[810] Sāvatthīnidānaṁ. Tena kho pana samayena chabbaggiyā
bhikkhū mahāhasitaṁ hasantā antaraghare gacchanti .pe. Na ujjagghikāya
antaraghare gamissāmīti sikkhā karaṇīyā.
Na ujjagghikāya antaraghare gantabbaṁ. Yo anādariyaṁ paṭicca
mahāhasitaṁ hasanto antaraghare gacchati āpatti dukkaṭassa.
Anāpatti asañcicca asatiyā ajānantassa gilānassa 1
hasanīyasmiṁ vatthusmiṁ mihitamattaṁ karoti āpadāsu 2 ummattakassa
ādikammikassāti.

[811] Sāvatthīnidānaṁ. Tena kho pana samayena chabbaggiyā
bhikkhū mahāhasitaṁ hasantā antaraghare nisīdanti .pe. Na ujjagghikāya
antaraghare nisīdissāmīti sikkhā karaṇīyā.
Na ujjagghikāya antaraghare nisīditabbaṁ. Yo anādariyaṁ paṭicca
mahāhasitaṁ hasanto antaraghare nisīdati āpatti dukkaṭassa.
Anāpatti asañcicca asatiyā ajānantassa gilānassa 3
hasanīyasmiṁ vatthusmiṁ mihitamattaṁ karoti āpadāsu 4 ummattakassa
ādikammikassāti.
1-2 ime pāṭhā vicāretabbā. gilānassa hi hāsena attho natthi āpadāsu ca
tena kiccaṁ na hoti. 3-4 imepi pāṭhā vuttanayena vicāretabbā.