[140] Cattārome bhikkhave vādī katame cattāro atthi
bhikkhave vādī atthato pariyādānaṁ gacchati no byañjanato atthi
bhikkhave vādī byañjanato pariyādānaṁ gacchati no atthato atthi
bhikkhave vādī atthato ca byañjanato ca pariyādānaṁ gacchati atthi
bhikkhave vādī neva atthato no byañjanato pariyādānaṁ gacchati
ime kho bhikkhave cattāro vādī aṭṭhānametaṁ bhikkhave anavakāso
yaṁ catūhi paṭisambhidāhi samannāgato bhikkhu atthato vā 1 byañjanato
vā 2 pariyādānaṁ gaccheyyāti.
Puggalavaggo catuttho.
[3]-
----------
Ābhāvaggo pañcamo

[141] Catasso imā bhikkhave ābhā katamā catasso
candābhā suriyābhā aggābhā paññābhā imā kho bhikkhave catasso
ābhā etadaggaṁ bhikkhave imāsaṁ catassannaṁ ābhānaṁ yadidaṁ
paññābhāti.

[142] Catasso imā bhikkhave pabhā katamā catasso
1-2 Po. Yu. ca.
3 Ma. saṁyojanaṁ paṭibhāṇo ugghatitaññu uṭṭhānaṁ
sāvajjo dve ca sīlāni nikkaṭṭhadhammavādī cāti.
Candappabhā suriyappabhā aggippabhā paññāppabhā imā kho bhikkhave
catasso pabhā etadaggaṁ bhikkhave imāsaṁ catassannaṁ pabhānaṁ yadidaṁ
paññāppabhāti.

[143] Cattārome bhikkhave ālokā katame cattāro
candāloko suriyāloko aggāloko paññāloko ime kho bhikkhave
cattāro ālokā etadaggaṁ bhikkhave imesaṁ catunnaṁ ālokānaṁ
yadidaṁ paññālokoti.

[144] Cattārome bhikkhave obhāsā katame cattāro candobhāso
suriyobhāso aggobhāso paññobhāso ime kho bhikkhave
cattāro obhāsā etadaggaṁ bhikkhave imesaṁ catunnaṁ obhāsānaṁ
yadidaṁ paññobhāsoti.

[145] Cattārome bhikkhave pajjotā katame cattāro
candappajjoto suriyappajjoto aggippajjoto paññāppajjoto
ime kho bhikkhave cattāro pajjotā etadaggaṁ bhikkhave imesaṁ
catunnaṁ pajjotānaṁ yadidaṁ paññāppajjototi.

[146] Cattārome bhikkhave kālā katame cattāro kālena
dhammassavanaṁ kālena dhammasākacchā kālena samatho 1 kālena vipassanā
ime kho bhikkhave cattāro kālāti.

[147] Cattārome bhikkhave kālā sammābhāviyamānā sammā-
anuparivattiyamānā anupubbena āsavānaṁ khayaṁ pāpenti katame cattāro
kālena dhammassavanaṁ kālena dhammasākacchā kālena samatho kālena
1 Ma. kālena sammasanā. ito paraṁ īdisameva.
Vipassanā ime kho bhikkhave cattāro kālā sammābhāviyamānā
sammāanuparivattiyamānā anupubbena āsavānaṁ khayaṁ pāpenti seyyathāpi
bhikkhave uparipabbate thullaphusitake deve vassante [1]- udakaṁ yathāninnaṁ
pavattamānaṁ pabbatakandarapadarasākhā paripūreti pabbatakandarapadarasākhā
paripūrā kusobbhe paripūrenti kusobbhā paripūrā mahāsobbhe paripūrenti
mahāsobbhā paripūrā kunnadiyo paripūrenti kunnadiyo paripūrā
mahānadiyo paripūrenti mahānadiyo paripūrā samuddasāgaraṁ 2 paripūrenti
evameva kho bhikkhave ime cattāro kālā sammābhāviyamānā
sammāanuparivattiyamānā anupubbena āsavānaṁ khayaṁ pāpentīti.

[148] Cattārīmāni bhikkhave vacīduccaritāni katamāni cattāri
musāvādo pisuṇā vācā pharusā vācā samphappalāpo imāni kho
bhikkhave cattāri vacīduccaritānīti.

[149] Cattārīmāni bhikkhave vacīsucaritāni katamāni cattāri
saccavācā apisuṇavācā saṇhavācā mantābhāsā 3 imāni kho bhikkhave
cattāri vacīsucaritānīti.