[430] 184 Dveme bhikkhave dhammā sekhassa bhikkhuno aparihānāya
saṁvattanti katame dve akkodho ca anupanāho ca ... Amakkho ca
apaḷāso ca ... Anissā ca amacchariyañca ... Amāyā ca asātheyyañca
... Hiri ca ottappañca ime kho bhikkhave dve dhammā sekhassa
bhikkhuno aparihānāya saṁvattantīti.

[431] 185 Dvīhi bhikkhave dhammehi samannāgato yathābhataṁ nikkhitto
evaṁ niraye katamehi dvīhi kodhena ca upanāhena ca ... Makkhena ca
paḷāsena ca ... Issāya ca macchariyena ca ... Māyāya ca sātheyyena
ca ... Ahirikena ca anottappena ca imehi kho bhikkhave dvīhi
dhammehi samannāgato yathābhataṁ nikkhitto evaṁ nirayeti.

[432] 186 Dvīhi bhikkhave dhammehi samannāgato yathābhataṁ nikkhitto
evaṁ sagge katamehi dvīhi akkodhena ca anupanāhena ca ...
Amakkhena ca apaḷāsena ca ... Anissāya ca amacchariyena ca ... Amāyāya
Ca asātheyyena ca ... Hiriyā ca ottappena ca imehi kho
bhikkhave dvīhi dhammehi samannāgato yathābhataṁ nikkhitto evaṁ
saggeti.

[433] 187 Dvīhi bhikkhave dhammehi samannāgato idhekacco kāyassa
bhedā parammaraṇā apāyaṁ duggatiṁ vinipātaṁ nirayaṁ upapajjati katamehi
dvīhi kodhena ca upanāhena ca ... Makkhena ca paḷāsena ca ...
... Issāya ca macchariyena ca ... Māyāya ca sātheyyena ca ...
Ahirikena ca anottappena ca imehi kho bhikkhave dvīhi dhammehi
samannāgato idhekacco kāyassa bhedā parammaraṇā apāyaṁ duggatiṁ
vinipātaṁ nirayaṁ upapajjatīti.

[434] 188 Dvīhi bhikkhave dhammehi samannāgato idhekacco kāyassa
bhedā parammaraṇā sugatiṁ saggaṁ lokaṁ upapajjati katamehi dvīhi
akkodhena ca anupanāhena ca ... Amakkhena ca apaḷāsena ca ...
Anissāya ca amacchariyena ca ... Amāyāya ca asātheyyena ca ...
Hiriyā ca ottappena ca imehi kho bhikkhave dvīhi dhammehi samannāgato
idhekacco kāyassa bhedā parammaraṇā sugatiṁ saggaṁ lokaṁ upapajjatīti.

[435] 189 Dveme bhikkhave dhammā akusalā ... Dveme bhikkhave
dhammā kusalā ... Dveme bhikkhave dhammā sāvajjā ... Dveme bhikkhave
dhammā anavajjā ... Dveme bhikkhave dhammā dukkhudrayā ... Dveme
bhikkhave dhammā sukhudrayā ... Dveme bhikkhave dhammā dukkhavipākā ...
Dveme bhikkhave dhammā sukhavipākā ... Dveme bhikkhave dhammā
sabyāpajjhā ... Dveme bhikkhave dhammā abyāpajjhā katame dve akkodho
ca anupanāho ca ... Amakkho ca apaḷāso ca ... Anissā ca amacchariyañca
... Amāyā ca asātheyyañca ... Hiri ca ottappañca ime
kho bhikkhave dve dhammā abyāpajjhāti.

[436] 190 Dveme bhikkhave atthavase paṭicca tathāgatena sāvakānaṁ
sikkhāpadaṁ paññattaṁ katame dve saṅghasuṭṭhutāya saṅghaphāsutāya ...
Dummaṅkūnaṁ puggalānaṁ niggahāya pesalānaṁ bhikkhūnaṁ phāsuvihārāya ...
Diṭṭhadhammikānaṁ āsavānaṁ saṁvarāya samparāyikānaṁ āsavānaṁ paṭighātāya
... Diṭṭhadhammikānaṁ verānaṁ saṁvarāya samparāyikānaṁ verānaṁ paṭighātāya
... Diṭṭhadhammikānaṁ vajjānaṁ saṁvarāya samparāyikānaṁ vajjānaṁ paṭighātāya
... Diṭṭhadhammikānaṁ bhayānaṁ saṁvarāya samparāyikānaṁ bhayānaṁ paṭighātāya ...
Diṭṭhadhammikānaṁ akusalānaṁ dhammānaṁ saṁvarāya samparāyikānaṁ akusalānaṁ
dhammānaṁ paṭighātāya ... Gihīnaṁ anukampāya pāpicchānaṁ [1]- pakkhupacchedāya
... Appasannānaṁ pasādāya pasannānaṁ bhiyyobhāvāya ... Saddhammaṭṭhitiyā
vinayānuggahāya ime kho bhikkhave dve atthavase paṭicca tathāgatena
sāvakānaṁ sikkhāpadaṁ paññattanti.

[437] 191 Dveme bhikkhave atthavase paṭicca tathāgatena sāvakānaṁ
pātimokkhaṁ paññattaṁ ... Pātimokkhuddesā paññattā 2 ...
Pātimokkhaṭṭhapanaṁ paññattaṁ ... Pavāraṇā paññattā ...
Pavāraṇāṭṭhapanaṁ paññattaṁ
1 Ma. bhikkhūnaṁ. 2 Ma. pātimokkhuddeso paññatto.
... Tajjanīyakammaṁ paññattaṁ ... Niyassakammaṁ paññattaṁ ... Pabbājanīyakammaṁ
paññattaṁ ... Paṭisāraṇīyakammaṁ paññattaṁ ... Ukkhepanīyakammaṁ paññattaṁ
... Parivāsadānaṁ paññattaṁ ... Mūlāyapaṭikassanaṁ paññattaṁ ... Mānattadānaṁ
paññattaṁ ... Abbhānaṁ paññattaṁ ... Osāraṇaṁ 1 paññattaṁ ... Nissāraṇaṁ 2
paññattaṁ ... Upasampadā paññattā ... Ñattikammaṁ paññattaṁ ...
Ñattidutiyakammaṁ paññattaṁ ... Ñatticatutthakammaṁ paññattaṁ ... Appaññatte
paññattaṁ ... Paññatte anuppaññattaṁ ... Sammukhāvinayo
paññatto ... Sativinayo paññatto ... Amūḷhavinayo paññatto ...
Paṭiññātakaraṇaṁ paññattaṁ ... Yebhuyyasikā paññattā ... Tassapāpiyasikā
paññattā ... Tiṇavatthārako paññatto katame dve saṅghasuṭṭhutāya
saṅghaphāsutāya ... Dummaṅkūnaṁ puggalānaṁ niggahāya pesalānaṁ bhikkhūnaṁ
phāsuvihārāya ... Diṭṭhadhammikānaṁ āsavānaṁ saṁvarāya samparāyikānaṁ āsavānaṁ
paṭighātāya ... Diṭṭhadhammikānaṁ verānaṁ saṁvarāya samparāyikānaṁ verānaṁ
paṭighātāya ... Diṭṭhadhammikānaṁ vajjānaṁ saṁvarāya samparāyikānaṁ vajjānaṁ
paṭighātāya ... Diṭṭhadhammikānaṁ bhayānaṁ saṁvarāya ... Samparāyikānaṁ bhayānaṁ
paṭighātāya ... Diṭṭhadhammikānaṁ akusalānaṁ dhammānaṁ saṁvarāya samparāyikānaṁ
akusalānaṁ dhammānaṁ paṭighātāya ... Gihīnaṁ anukampāya pāpicchānaṁ [3]-
pakkhupacchedāya ... Appasannānaṁ pasādāya pasannānaṁ bhiyyobhāvāya ...
Saddhammaṭṭhitiyā vinayānuggahāya ime kho bhikkhave dve atthavase
paṭicca tathāgatena sāvakānaṁ tiṇavatthārako paññattoti.
1 Ma. osāraṇīyaṁ. Yu. vosāraṇīyaṁ. 2 Ma. Yu. nissāraṇīyaṁ. 3 Ma. bhikkhūnaṁ.

[438] 192 Rāgassa bhikkhave abhiññāya dve dhammā bhāvetabbā
katame dve samatho ca vipassanā ca rāgassa bhikkhave abhiññāya
ime dve dhammā bhāvetabbāti. Rāgassa bhikkhave pariññāya ...
Parikkhayāya ... Pahānāya ... Khayāya ... Vayāya ... Virāgāya ...
Nirodhāya ... Cāgāya ... Paṭinissaggāya ime dve dhammā bhāvetabbāti.

[439] 193 Dosassa ... Mohassa ... Kodhassa ...
Upanāhassa ... Makkhassa ... Paḷāsassa ... Issāya ... Macchariyassa ...
Māyāya ... Sātheyyassa ... Thambhassa ... Sārambhassa ... Mānassa ...
Atimānassa ... Madassa ... Pamādassa ... Abhiññāya ... Pariññāya ...
Parikkhayāya ... Pahānāya ... Khayāya ... Vayāya ... Virāgāya ...
Nirodhāya ... Cāgāya ... Paṭinissaggāya ime dve dhammā bhāvetabbāti.
[1]- Dukanipāto samatto 2 .
-------------
1 Ma. idamavoca bhagavā attamanā te bhikkhū bhagavato bhāsitaṁ abhinandunti. rāgapeyyālaṁ
niṭṭhitaṁ. 2 Ma. dukanipātapāli niṭṭhitā.
**********************************
* hanā 126 nīmmīkhamūla *
**********************************
Suttantapiṭake aṅguttaranikāyassa
tikanipāto
-----
namo tassa bhagavato arahato sammāsambuddhassa.
Paṭhamapaṇṇāsako
bālavaggo paṭhamo