[420] 174 Dveme bhikkhave dhammā katame dve sīlavisuddhi
ca diṭṭhivisuddhi ca ime kho bhikkhave dve dhammāti.

[421] 175 Dveme bhikkhave dhammā katame dve diṭṭhivisuddhi
ca yathā diṭṭhissa ca padhānaṁ ime kho bhikkhave dve dhammāti.

[422] 176 Dveme bhikkhave dhammā katame dve asantuṭṭhitā
ca kusalesu dhammesu appaṭivāṇitā ca padhānasmiṁ ime kho bhikkhave
dve dhammāti.

[423] 177 Dveme bhikkhave dhammā katame dve muṭṭhasaccañca
asampajaññañca ime kho bhikkhave dve dhammāti.

[424] 178 Dveme bhikkhave dhammā katame dve sati ca
Sampajaññañca ime kho bhikkhave dve dhammāti.
Samāpattivaggo pañcamo 1 .
Tatiyo paṇṇāsako samatto.
Paṇṇāsakāsaṅgahitā suttantā 2

[425] 179 Dveme bhikkhave dhammā katame dve kodho ca
upanāho ... Makkho ca paḷāso ca ... Issā ca macchariyañca ...
Māyā ca sātheyyañca ... Ahirikañca anottappañca ime kho bhikkhave
dve dhammāti. 3

[426] 180 Dveme bhikkhave dhammā katame dve akkodho ca
anupanāho ca ... Amakkho ca apaḷāso ca ... Anissā ca amacchariyañca
... Amāyā ca asātheyyañca ... Hirī ca ottappañca ime kho bhikkhave
dve dhammāti.

[427] 181 Dvīhi bhikkhave dhammehi samannāgato dukkhaṁ viharati
katamehi dvīhi kodhena ca upanāhena ca ... Makkhena ca paḷāsena ca ...
Issāya ca macchariyena ca ... Māyāya ca sātheyyena ca ... Ahirikena
ca anottappena ca imehi kho bhikkhave dvīhi dhammehi samannāgato
dukkhaṁ viharatīti.

[428] 182 Dvīhi bhikkhave dhammehi samannāgato sukhaṁ viharati
katamehi dvīhi akkodhena ca anupanāhena ca ... Amakkhena ca apaḷāsena
ca ... Anissāya ca amacchariyena ca ... Amāyāya ca asātheyyena
1 Yu. paṇṇarasamo. 2 Ma. kodhapeyyāla. 3 Ma. Yu. sabbattha itisaddo natthi
Ca ... Hiriyā ca ottappena ca imehi kho bhikkhave dvīhi dhammehi
samannāgato sukhaṁ viharatīti.

[429] 183 Dveme bhikkhave dhammā sekhassa bhikkhuno parihānāya
saṁvattanti katame dve kodho ca upanāho ca ... Makkho ca
paḷāso ca ... Issā ca macchariyañca ... Māyā ca sātheyyañca ...
Ahirikañca anottappañca ime kho bhikkhave dve dhammā sekhassa
bhikkhuno parihānāya saṁvattantīti.