[410] 164 Dveme bhikkhave dhammā katame dve khanti ca
soraccaṁ ca ime kho bhikkhave dve dhammāti.

[411] 165 Dveme bhikkhave dhammā katame dve sākhalyañca
paṭisanthāro ca ime kho bhikkhave dve dhammāti.

[412] 166 Dveme bhikkhave dhammā katame dve avihiṁsā 3 ca
soceyyañca ime kho bhikkhave dve dhammāti.

[413] 167 Dveme bhikkhave dhammā katame dve indriyesu
aguttadvāratā ca bhojane amattaññutā ca ime kho bhikkhave dve
dhammāti.

[414] 168 Dveme bhikkhave dhammā katame dve indriyesu
guttadvāratā ca bhojane mattaññutā ca ime kho bhikkhave dve
dhammāti.
1 Yu. cuddasamo. 2 Ma. Yu. ajjavañca. 3 Ma. ahiṁsā ca.

[415] 169 Dveme bhikkhave dhammā katame dve paṭisaṅkhānabalañca
bhāvanābalañca ime kho bhikkhave dve dhammāti.

[416] 170 Dveme bhikkhe dhammā katame dve satibalañca
samādhibalañca ime kho bhikkhave dve dhammāti.

[417] 171 Dveme bhikkhave dhammā katame dve samatho ca
vipassanā ca ime kho bhikkhave dve dhammāti.

[418] 172 Dveme bhikkhave dhammā katame dve sīlavipatti
ca diṭṭhivipatti ca ime kho bhikkhave dve dhammāti.

[419] 173 Dveme bhikkhave dhammā katame dve sīlasampadā
ca diṭṭhisampadā ca ime kho bhikkhave dve dhammāti.