[230] Ekadhamma bhikkhave bhāvite bahulīkate avijjā pahīyati
vijjā uppajjati asmimāno pahīyati anusayā samugghātaṁ gacchanti
saññojanā pahīyanti katamasmiṁ ekadhamme kāyagatāsatiyā imasmiṁ
kho bhikkhave ekadhamme bhāvite bahulīkate avijjā pahīyati vijjā
uppajjati asmimāno pahīyati anusayā samugghātaṁ gacchanti
saññojanā pahīyantīti.

[231] Ekadhammo bhikkhave bhāvito bahulīkato paññāppabhedāya
saṁvattati anupādāparinibbānāya saṁvattati katamo ekadhammo kāyagatāsati
ayaṁ kho bhikkhave ekadhammo bhāvito bahulīkato paññāppabhedāya
saṁvattati anupādāparinibbānāya saṁvattatīti.

[232] Ekadhamme bhikkhave bhāvite bahulīkate anekadhātupaṭivedho
hoti nānādhātupaṭivedho hoti anekadhātupaṭisambhidā hoti katamasmiṁ
ekadhamme kāyagatāsatiyā imasmiṁ kho bhikkhave ekadhamme
bhāvite bahulīkate anekadhātupaṭivedho hoti nānādhātupaṭivedho hoti
anekadhātupaṭisambhidā hotīti.

[233] Ekadhammo bhikkhave bhāvito bahulīkato sotāpattiphalasacchikiriyāya
Saṁvattati sakadāgāmiphalasacchikiriyāya saṁvattati anāgāmiphalasacchikiriyāya
saṁvattati arahattaphalasacchikiriyāya saṁvattati katamo
ekadhammo kāyagatāsati ayaṁ kho bhikkhave ekadhammo bhāvito bahulīkato
sotāpattiphalasacchikiriyāya saṁvattati sakadāgāmiphalasacchikiriyāya saṁvattati
anāgāmiphalasacchikiriyāya saṁvattati arahattaphalasacchikiriyāya saṁvattatīti.

[234] Ekadhammo bhikkhave bhāvito bahulīkato paññāpaṭilābhāya
saṁvattati paññāvuḍḍhiyā saṁvattati paññāvepullāya saṁvattati
mahāpaññatāya saṁvattati puthupaññatāya saṁvattati vipulapaññatāya
saṁvattati gambhīrapaññatāya saṁvattati asamatthapaññatāya 1 saṁvattati
bhūripaññatāya saṁvattati paññābāhullāya saṁvattati sīghapaññatāya
saṁvattati lahupaññatāya saṁvattati hāsapaññatāya saṁvattati javanapaññatāya
saṁvattati tikkhapaññatāya saṁvattati nibbedhikapaññatāya
saṁvattati katamo ekadhammo kāyagatāsati ayaṁ kho bhikkhave ekadhammo
bhāvito bahulīkato paññāpaṭilābhāya saṁvattati paññāvuḍḍhiyā
saṁvattati paññāvepullāya saṁvattati mahāpaññatāya saṁvattati
puthupaññatāya saṁvattati vipulapaññatāya saṁvattati gambhīrapaññatāya
saṁvattati asamatthapaññatāya 2 saṁvattati bhūripaññatāya saṁvattati
paññābāhullāya saṁvattati sīghapaññatāya saṁvattati lahupaññatāya
saṁvattati hāsapaññatāya saṁvattati javanapaññatāya saṁvattati tikkhapaññatāya
saṁvattati nibbedhikapaññatāya saṁvattatīti.
1-2 Ma. asamantapaññatāya. Yu. asāmanuta ......

[235] Amatante bhikkhave na paribhuñjanti ye kāyagatāsatiṁ na
paribhuñjanti. Amatante bhikkhave paribhuñjanti ye kāyagatāsatiṁ
paribhuñjantīti.

[236] Amatantesaṁ bhikkhave aparibhuttaṁ yesaṁ kāyagatāsati
aparibhuttā. Amatantesaṁ bhikkhave paribhuttaṁ yesaṁ kāyagatāsati
paribhuttāti.

[237] Amatantesaṁ bhikkhave parihīnaṁ yesaṁ kāyagatāsati parihīnā.
Amatantesaṁ bhikkhave aparihīnaṁ yesaṁ kāyagatāsati aparihīnāti.

[238] Amatantesaṁ bhikkhave viraddhaṁ yesaṁ kāyagatāsati viraddhā.
Amatantesaṁ bhikkhave āraddhaṁ yesaṁ kāyagatāsati āraddhāti.

[239] Amatante bhikkhave pamādiṁsu ye kāyagatāsatiṁ pamādiṁsu.
Amatante bhikkhave na pamādiṁsu ye kāyagatāsatiṁ na pamādiṁsūti.