[220] Sabbaso ākāsānañcāyatanaṁ samatikkamma anantaṁ
viññāṇanti viññāṇañcāyatanaṁ upasampajja viharati ...

[221] Sabbaso viññāṇañcāyatanaṁ samatikkamma natthi kiñcīti
Ākiñcaññāyatanaṁ upasampajja viharati ...

[222] Sabbaso ākiñcaññāyatanaṁ samatikkamma nevasaññānāsaññāyatanaṁ
upasampajja viharati ...

[223] Sabbaso nevasaññānāsaññāyatanaṁ samatikkamma
saññāvedayitanirodhaṁ upasampajja viharati ...

[224] Paṭhavīkasiṇaṁ bhāveti ... Āpokasiṇaṁ bhāveti ...
Tejokasiṇaṁ bhāveti ... Vāyokasiṇaṁ bhāveti ... Nīlakasiṇaṁ bhāveti
... Pītakasiṇaṁ bhāveti ... Lohitakasiṇaṁ bhāveti ... Odātakasiṇaṁ
bhāveti ... Ākāsakasiṇaṁ bhāveti ... Viññāṇakasiṇaṁ bhāveti
... Asubhasaññaṁ bhāveti ... Maraṇasaññaṁ bhāveti ... Āhāre
paṭikkūlasaññaṁ bhāveti ... Sabbaloke anabhiratasaññaṁ bhāveti ...
Aniccasaññaṁ bhāveti ... Anicce dukkhasaññaṁ bhāveti ... Dukkhe
anattasaññaṁ bhāveti ... Pahānasaññaṁ bhāveti ... Virāgasaññaṁ
bhāveti ... Nirodhasaññaṁ bhāveti ... Aniccasaññaṁ bhāveti ...
Anattasaññaṁ bhāveti ... Maraṇasaññaṁ bhāveti ... Āhāre paṭikkūlasaññaṁ
bhāveti ... Sabbaloke anabhiratasaññaṁ bhāveti ... Aṭṭhikasaññaṁ
bhāveti ... Puḷavakasaññaṁ bhāveti ... Vinīlakasaññaṁ bhāveti
... Vicchiddakasaññaṁ bhāveti ... Uddhumātakasaññaṁ bhāveti ...
Buddhānussatiṁ bhāveti ... Dhammānussatiṁ bhāveti ... Saṅghānussatiṁ
bhāveti ... Sīlānussatiṁ bhāveti ... Cāgānussatiṁ bhāveti ...
Devatānussatiṁ bhāveti ... Ānāpānasati bhāveti ... Maraṇasatiṁ
bhāveti ... Kāyagatāsatiṁ bhāveti ... Upasamānussatiṁ bhāveti ...
Paṭhamajjhānasahagataṁ saddhindriyaṁ bhāveti ... Viriyindriyaṁ bhāveti ...
Satindriyaṁ bhāveti ... Samādhindriyaṁ bhāveti ... Paññindriyaṁ bhāveti
... Saddhābalaṁ bhāveti ... Viriyabalaṁ bhāveti ... Satibalaṁ bhāveti
... Samādhibalaṁ bhāveti ... Paññābalaṁ bhāveti ... Dutiyajjhānasahagataṁ .pe.
Tatiyajjhānasahagataṁ .pe. Catutthajjhānasahagataṁ .pe. Mettāsahagataṁ
.pe. Karuṇāsahagataṁ .pe. Muditāsahagataṁ .pe. Upekkhāsahagataṁ
saddhindriyaṁ bhāveti ... Viriyindriyaṁ bhāveti ... Satindriyaṁ
bhāveti ... Samādhindriyaṁ bhāveti ... Paññindriyaṁ bhāveti ...
Saddhābalaṁ bhāveti ... Viriyabalaṁ bhāveti ... Satibalaṁ bhāveti ...
Samādhibalaṁ bhāveti ... Paññābalaṁ bhāveti ayaṁ vuccati bhikkhave
bhikkhu arittajjhāno viharati satthusāsanakaro ovādapaṭikaro amoghaṁ
raṭṭhapiṇḍaṁ bhuñjati ko pana vādo ye naṁ bahulīkarontīti.

[225] Yassa kassaci bhikkhave mahāsamuddo cetasā phuṭo antogadhā
tassa kunnadiyo yākāci samuddaṅgamā evameva kho 1 bhikkhave yassa kassaci
kāyagatāsati bhāvitā bahulīkatā antogadhā tassa kusalā dhammā yekeci
vijjābhāgiyāti.

[226] Ekadhammo bhikkhave bhāvito bahulīkato mahato saṁvegāya
saṁvattati mahato atthāya saṁvattati mahato yogakkhemāya saṁvattati
1 Ma. ayaṁ saddo natthi.
Satisampajaññāya saṁvattati ñāṇadassanapaṭilābhāya saṁvattati diṭṭhadhammasukhavihārāya
saṁvattati vijjāvimuttiphalasacchikiriyāya saṁvattati katamo
ekadhammo kāyagatāsati ayaṁ kho bhikkhave ekadhammo bhāvito
bahulīkato mahato saṁvegāya saṁvattati mahato atthāya saṁvattati mahato
yogakkhemāya saṁvattati satisampajaññāya saṁvattati ñāṇadassanapaṭilābhāya
saṁvattati diṭṭhadhammasukhavihārāya saṁvattati vijjāvimuttiphalasacchikiriyāya
saṁvattatīti.

[227] Ekadhamme bhikkhave bhāvite bahulīkate kāyopi passambhati
cittaṁpi passambhati vitakkavicārāpi vūpasammanti kevalāpi vijjābhāgiyā
dhammā bhāvanāpāripūriṁ gacchanti katamasmiṁ ekadhamme kāyagatāsatiyā 1
imasmiṁ kho bhikkhave ekadhamme bhāvite bahulīkate kāyopi
passambhati cittaṁpi passambhati vitakkavicārāpi vūpasammanti kevalāpi
vijjābhāgiyā dhammā bhāvanāpāripūriṁ gacchantīti.

[228] Ekadhamme bhikkhave bhāvite bahulīkate anuppannā ceva
akusalā dhammā nuppajjanti uppannā ca akusalā dhammā pahīyanti
katamasmiṁ ekadhamme kāyagatāsatiyā 2 imasmiṁ kho bhikkhave ekadhamme
bhāvite bahulīkate anuppannā ceva akusalā dhammā nuppajjanti
uppannā ca akusalā dhammā pahīyantīti.

[229] Ekadhamme bhikkhave bhāvite bahulīkate anuppannā ceva
kusalā dhammā uppajjanti uppannā ca kusalā dhammā bhiyyobhāvāya
1-2 Ma. kāyagatāya satiyā. ito paraṁ īdisameva.
Vepullāya saṁvattati katamasmiṁ ekadhamme kāyagatāsatiyā imasmiṁ
kho bhikkhave ekadhamme bhāvite bahulīkate anuppannā ceva kusalā
dhammā uppajjanti uppannā ca kusalā dhammā bhiyyobhāvāya
vepullāya saṁvattantīti.