[150] Etadaggaṁ bhikkhave mama sāvikānaṁ bhikkhunīnaṁ rattaññūnaṁ
yadidaṁ mahāpajāpatī gotamī. Mahāpaññānaṁ yadidaṁ khemā.
Iddhimantānaṁ yadidaṁ uppalavaṇṇā. Vinayadharānaṁ yadidaṁ paṭācārā.
Dhammakathikānaṁ yadidaṁ dhammadinnā. Jhāyīnaṁ yadidaṁ nandā. Āraddhaviriyānaṁ
yadidaṁ soṇā. Dibbacakkhukānaṁ yadidaṁ sakulā 1 . Khippābhiññānaṁ yadidaṁ
bhaddā kuṇḍalakesā. Pubbenivāsaṁ anussarantīnaṁ yadidaṁ bhaddā kapilānī 2 .
Mahābhiññappattānaṁ yadidaṁ bhaddā kaccānā 3 . Lūkhacīvaradharānaṁ yadidaṁ
kisāgotamī. Saddhādhimuttānaṁ yadidaṁ sigālamātāti 4 .
Vaggo pañcamo.

[151] Etadaggaṁ bhikkhave mama sāvakānaṁ upāsakānaṁ paṭhamaṁ
saraṇaṁ gacchantānaṁ yadidaṁ tapussabhallikā vāṇijā. Dāyakānaṁ yadidaṁ
sudatto gahapati anāthapiṇḍiko. Dhammakathikānaṁ yadidaṁ citto gahapati
macchikasaṇḍiko 5 . Catūhi saṅgahavatthūhi parisaṁ saṁgaṇhantānaṁ yadidaṁ
hatthako āḷavako. Paṇītadāyakānaṁ yadidaṁ mahānāmo sakko.
Manāpadāyakānaṁ yadidaṁ uggo gahapati vesāliko. Saṅghupaṭṭhākānaṁ
yadidaṁ 6 uggato gahapati. Aveccappasannānaṁ yadidaṁ sūro ambaṭṭho 7 .
Puggalappasannānaṁ yadidaṁ jīvako komārabhacco. Vissāsakānaṁ yadidaṁ
nakulapitā gahapatīti.
Vaggo chaṭṭho.
1 Ma. bakulā. 2 Ma. kāpilānī. 3 Ma. bhaddakaccānā. 4 siṅgālakamātā.
5 macchikāsaṇdiko. 6 Ma. hatthigāmako. 7 Ma. surabandho.

[152] Etadaggaṁ bhikkhave mama sāvikānaṁ upāsikānaṁ paṭhamaṁ saraṇaṁ
gacchantīnaṁ yadidaṁ sujātā senānidhītā 1 . Dāyikānaṁ yadidaṁ visākhā
migāramātā. Bahussutānaṁ yadidaṁ khujjuttarā. Mettāvihārīnaṁ yadidaṁ
sāmāvatī. Jhāyīnaṁ yadidaṁ uttarā nandamātā. Paṇītadāyikānaṁ
yadidaṁ suppavāsā koliyadhītā. Gilānupaṭṭhākīnaṁ yadidaṁ suppiyā
upāsikā. Aveccappasannānaṁ yadidaṁ kātiyānī. Vissāsikānaṁ yadidaṁ
nakulamātā gahapatānī. Anussavappannānaṁ yadidaṁ kālī upāsikā
kuraragharikāti 2 .
Vaggo sattamo. 3
Aṭṭhānapāli

[153] Aṭṭhānametaṁ bhikkhave anavakāso yaṁ diṭṭhisampanno
puggalo kañci saṅkhāraṁ niccato upagaccheyya netaṁ ṭhānaṁ vijjati
ṭhānañca kho etaṁ bhikkhave vijjati yaṁ puthujjano kañci saṅkhāraṁ niccato
upagaccheyya ṭhānametaṁ vijjatīti.

[154] Aṭṭhānametaṁ bhikkhave anavakāso yaṁ diṭṭhisampanno
puggalo kañci saṅkhāraṁ sukhato upagaccheyya netaṁ ṭhānaṁ vijjati
ṭhānañca kho etaṁ bhikkhave vijjati yaṁ puthujjano kañci saṅkhāraṁ sukhato
upagaccheyya ṭhānametaṁ vijjatīti.

[155] Aṭṭhānametaṁ bhikkhave anavakāso yaṁ diṭṭhisampanno
1 Ma. seniyadhītā. 2 Ma. kulagharikā. 3 Ma. etadaggavaggo niṭṭhito.
Puggalo kañci dhammaṁ attato upagaccheyya netaṁ ṭhānaṁ vijjati
ṭhānañca kho etaṁ bhikkhave vijjati yaṁ puthujjano kañci dhammaṁ
attato upagaccheyya ṭhānametaṁ vijjatīti.

[156] Aṭṭhānametaṁ bhikkhave anavakāso yaṁ diṭṭhisampanno
puggalo mātaraṁ jīvitā voropeyya netaṁ ṭhānaṁ vijjati ṭhānañca
kho etaṁ bhikkhave vijjati yaṁ puthujjano mātaraṁ jīvitā voropeyya
ṭhānametaṁ vijjatīti.

[157] Aṭṭhānametaṁ bhikkhave anavakāso yaṁ diṭṭhisampanno
puggalo pitaraṁ jīvitā voropeyya netaṁ ṭhānaṁ vijjati ṭhānañca
kho etaṁ bhikkhave vijjati yaṁ puthujjano pitaraṁ jīvitā voropeyya
ṭhānametaṁ vijjatīti.

[158] Aṭṭhānametaṁ bhikkhave anavakāso yaṁ diṭṭhisampanno
puggalo arahantaṁ jīvitā voropeyya netaṁ ṭhānaṁ vijjati ṭhānañca
kho etaṁ bhikkhave vijjati yaṁ puthujjano arahantaṁ jīvitā voropeyya
ṭhānametaṁ vijjatīti.

[159] Aṭṭhānametaṁ bhikkhave anavakāso yaṁ diṭṭhisampanno
puggalo tathāgatassa duṭṭhena cittena 1 lohitaṁ uppādeyya netaṁ ṭhānaṁ
vijjati ṭhānañca kho etaṁ bhikkhave vijjati yaṁ puthujjano tathāgatassa
duṭṭhena cittena 2 lohitaṁ uppādeyya ṭhānametaṁ vijjatīti.
1-2 Ma. paduṭṭhacitto.