[130] Nāhaṁ bhikkhave aññaṁ ekadhammaṁpi samanupassāmi yo
evaṁ saddhammassa ṭhitiyā asammosāya anantaradhānāya saṁvattati yathayidaṁ
bhikkhave anuyogo kusalānaṁ dhammānaṁ ananuyogo akusalānaṁ dhammānaṁ
anuyogo bhikkhave kusalānaṁ dhammānaṁ ananuyogo akusalānaṁ dhammānaṁ
saddhammassa ṭhitiyā asammosāya anantaradhānāya saṁvattatīti. 1
Vaggo dasamo.

[131] Yepi 2 te bhikkhave bhikkhū adhammaṁ dhammoti dīpenti te
bhikkhave bhikkhū bahujanāhitāya paṭipannā bahujanāsukhāya bahuno janassa
anatthāya ahitāya dukkhāya devamanussānaṁ bahuñca te bhikkhave bhikkhū
apuññaṁ pasavanti tecimaṁ saddhammaṁ antaradhāpentīti.

[132] Yepi te bhikkhave bhikkhū dhammaṁ adhammoti dīpenti .pe.
1 Ma. bāttiṁsatimaṁ catukkoṭṭhikaṁ niṭṭhitaṁ. Yu. catukkoṭṭhikaṁ niṭṭhitaṁ.
2 Ma. Yu. sabbattha ye te.
Avinayaṁ vinayoti dīpenti .pe. Vinayaṁ avinayoti dīpenti .pe.
Abhāsitaṁ alapitaṁ tathāgatena bhāsitaṁ lapitaṁ tathāgatenāti dīpenti
.pe. Bhāsitaṁ lapitaṁ tathāgatena abhāsitaṁ alapitaṁ tathāgatenāti
dīpenti .pe. Anāciṇṇaṁ tathāgatena āciṇṇaṁ tathāgatenāti
dīpenti .pe. Āciṇṇaṁ tathāgatena anāciṇṇaṁ tathāgatenāti
dīpenti .pe. Appaññattaṁ tathāgatena paññattaṁ tathāgatenāti
dīpenti .pe. Paññattaṁ tathāgatena appaññattaṁ tathāgatenāti
dīpenti te bhikkhave bhikkhū bahujanāhitāya paṭipannā bahujanāsukhāya
bahuno janassa anatthāya ahitāya dukkhāya devamanussānaṁ bahuñca te
bhikkhave bhikkhū apuññaṁ pasavanti tecimaṁ saddhammaṁ antaradhāpentīti.
[1]-

[133] Yepi te bhikkhave bhikkhū adhammaṁ adhammoti dīpenti te
bhikkhave bhikkhū bahujanahitāya paṭipannā bahujanasukhāya bahuno janassa
atthāya hitāya sukhāya devamanussānaṁ bahuñca te bhikkhave bhikkhū
puññaṁ pasavanti tecimaṁ saddhammaṁ ṭhapentīti.

[134] Yepi te bhikkhave bhikkhū dhammaṁ dhammoti dīpenti .pe.
Avinayaṁ avinayoti dīpenti .pe. Vinayaṁ vinayoti dīpenti .pe.
Abhāsitaṁ alapitaṁ tathāgatena abhāsitaṁ alapitaṁ tathāgatenāti dīpenti
.pe. Bhāsitaṁ lapitaṁ tathāgatena bhāsitaṁ lapitaṁ tathāgatenāti dīpenti
.pe. Anāciṇṇaṁ tathāgatena anāciṇṇaṁ tathāgatenāti dīpenti
.pe. Āciṇṇaṁ tathāgatena āciṇṇaṁ tathāgatenāti dīpenti
1 Ma. dutiyapamādādivaggo dasamo. Yu. adhammādivaggo dasamo.
.pe. Appaññattaṁ tathāgatena appaññattaṁ tathāgatenāti dīpenti
.pe. Paññattaṁ tathāgatena paññattaṁ tathāgatenāti dīpenti te
bhikkhave bhikkhū bahujanahitāya paṭipannā bahujanasukhāya bahuno janassa
atthāya hitāya sukhāya devamanussānaṁ bahuñca te bhikkhave bhikkhū
puññaṁ pasavanti tecimaṁ saddhammaṁ ṭhapentīti.
Vaggo 1 ekādasamo.

[135] Yepi te bhikkhave bhikkhū anāpattiṁ āpattīti dīpenti
.pe. Āpattiṁ anāpattīti dīpenti .pe. Lahukaṁ āpattiṁ
garukā āpattīti dīpenti .pe. Garukaṁ āpattiṁ lahukā āpattīti
dīpenti .pe. Duṭṭhullaṁ āpattiṁ aduṭṭhullā āpattīti dīpenti
.pe. Aduṭṭhullaṁ āpattiṁ duṭṭhullā āpattīti dīpenti .pe.
Sāvasesaṁ āpattiṁ anavasesā āpattīti dīpenti .pe. Anavasesaṁ
āpattiṁ sāvasesā āpattīti dīpenti .pe. Sappaṭikammaṁ āpattiṁ
appaṭikammā āpattīti dīpenti .pe. Appaṭikammaṁ āpattiṁ
sappaṭikammā āpattīti dīpenti te bhikkhave bhikkhū bahujanāhitāya
paṭipannā bahujanāsukhāya bahuno janassa anatthāya ahitāya dukkhāya
devamanussānaṁ bahuñca te bhikkhave bhikkhū apuññaṁ pasavanti tecimaṁ
saddhammaṁ antaradhāpentīti.

[136] Yepi te bhikkhave bhikkhū anāpattiṁ anāpattīti dīpenti
te bhikkhave bhikkhū bahujanahitāya paṭipannā bahujanasukhāya bahuno janassa
1 Ma. adhammavaggo.
Atthāya hitāya sukhāya devamanussānaṁ bahuñca te bhikkhave bhikkhū
puññaṁ pasavanti tecimaṁ saddhammaṁ ṭhapentīti.

[137] Yepi te bhikkhave bhikkhū āpattiṁ āpattīti dīpenti
te bhikkhave bhikkhū bahujanahitāya paṭipannā bahujanasukhāya bahuno janassa
atthāya hitāya sukhāya devamanussānaṁ bahuñca te bhikkhave bhikkhū
puññaṁ pasavanti tecimaṁ saddhammaṁ ṭhapentīti.

[138] Yepi te bhikkhave bhikkhū lahukaṁ āpattiṁ lahukā āpattīti
dīpenti .pe. Garukaṁ āpattiṁ garukā āpattīti dīpenti .pe.
Duṭṭhullaṁ āpattiṁ duṭṭhullā āpattīti dīpenti .p. Aduṭṭhullaṁ
āpattiṁ aduṭṭhullā āpattīti dīpenti .pe. Sāvasesaṁ āpattiṁ
sāvasesā āpattīti dīpenti .pe. Anavasesaṁ āpattiṁ anavasesā
āpattīti dīpenti .pe. Sappaṭikammaṁ āpattiṁ sappaṭikammā
āpattīti dīpenti .pe. Appaṭikammaṁ āpattiṁ appaṭikammā
āpattīti dīpenti te bhikkhave bhikkhū bahujanahitāya paṭipannā
bahujanasukhāya bahuno janassa atthāya hitāya sukhāya devamanussānaṁ
bahuñca te bhikkhave bhikkhū puññaṁ pasavanti tecimaṁ saddhammaṁ ṭhapentīti.
Vaggo 1 dvādasamo.
Ekapuggalapāli

[139] Ekapuggalo bhikkhave loke uppajjamāno uppajjati
bahujanahitāya bahujanasukhāya lokānukampāya atthāya hitāya sukhāya
1 anāpattivaggo.
Devamanussānaṁ katamo ekapuggalo tathāgato arahaṁ sammāsambuddho ayaṁ
kho bhikkhave ekapuggalo loke uppajjamāno uppajjati bahujanahitāya
bahujanasukhāya lokānukampāya atthāya hitāya sukhāya devamanussānanti.