[140] Ekapuggalassa bhikkhave pātubhāvo dullabho lokasmiṁ
katamassa ekapuggalassa tathāgatassa arahato sammāsambuddhassa imassa
kho bhikkhave ekapuggalassa pātubhāvo dullabho sokasminti.

[141] Ekapuggalo bhikkhave loke uppajjamāno uppajjati
acchariyamanusso katamo ekapuggalo tathāgato arahaṁ sammāsambuddho
ayaṁ kho bhikkhave ekapuggalo loke uppajjamāno uppajjati
acchariyamanussoti.

[142] Ekapuggalassa bhikkhave kālakiriyā bahuno janassa
anutappā hoti katamassa ekapuggalassa tathāgatassa arahato
sammāsambuddhassa imassa kho bhikkhave ekapuggalassa kālakiriyā bahuno
janassa anutappā hotīti.

[143] Ekapuggalo bhikkhave loke uppajjamāno uppajjati
adutiyo asahāyo appaṭimo appaṭisamo appaṭibhāgo 1 appaṭipuggalo
asamo asamasamo dipadānaṁ aggo katamo ekapuggalo tathāgato
arahaṁ sammāsambuddho ayaṁ kho bhikkhave ekapuggalo loke
uppajjamāno uppajjati adutiyo asahāyo appaṭimo appaṭisamo
appaṭibhāgo appaṭipuggalo asamo asamasamo dipadānaṁ aggoti.
1 Yu. ayaṁ pāṭho natthi.

[144] Ekapuggalassa bhikkhave pātubhāvo 1 mahato cakkhussa
pātubhāvo hoti mahato ālokassa pātubhāvo hoti mahato obhāsassa
pātubhāvo hoti channaṁ anuttariyānaṁ pātubhāvo hoti catunnaṁ
paṭisambhidānaṁ sacchikiriyā hoti anekadhātupaṭivedho hoti nānādhātupaṭivedho
hoti vijjāvimuttiphalasacchikiriyā hoti sotāpattiphalasacchikiriyā
hoti sakadāgāmiphalasacchikiriyā hoti anāgāmiphalasacchikiriyā
hoti arahattaphalasacchikiriyā hoti katamassa ekapuggalassa tathāgatassa
arahato sammāsambuddhassa imassa kho bhikkhave ekapuggalassa
pātubhāvo 2 mahato cakkhussa pātubhāvo hoti mahato ālokassa
pātubhāvo hoti mahato obhāsassa pātubhāvo hoti channaṁ
anuttariyānaṁ pātubhāvo hoti catunnaṁ paṭisambhidānaṁ sacchikiriyā hoti
anekadhātupaṭivedho hoti nānādhātupaṭivedho hoti vijjāvimuttiphalasacchikiriyā
hoti sotāpattiphalasacchikiriyā hoti sakadāgāmiphalasacchikiriyā
hoti anāgāmiphalasacchikiriyā hoti arahattaphalasacchikiriyā
hotīti.

[145] Nāhaṁ bhikkhave aññaṁ akapuggalampi samanupassāmi yo
evaṁ tathāgatena anuttaraṁ dhammacakkaṁ pavattitaṁ sammadeva anuppavatteti
yathayidaṁ bhikkhave sārīputto sārīputto bhikkhave tathāgatena
anuttaraṁ dhammacakkaṁ pavattitaṁ sammadeva anuppavattetīti.
Puggalavaggo 3 .
1-2 Ma. Yu. pātubhāvā. 3 Ma. Yu. ekapuggalavaggo terasamo.
Etadaggapāli

[146] Etadaggaṁ bhikkhave mama sāvakānaṁ bhikkhūnaṁ rattaññūnaṁ yadidaṁ
aññākoṇḍañño 1 . Mahāpaññānaṁ yadidaṁ sārīputto. Iddhimantānaṁ
yadidaṁ mahāmoggallāno. Dhūtavādānaṁ 2 yadidaṁ mahākassapo.
Dibbacakkhukānaṁ yadidaṁ anuruddho. Uccākulikānaṁ yadidaṁ bhaddiyo
kāḷigodhāyaputto. Mañjussarānaṁ yadidaṁ lakuṇṭakabhaddiyo.
Sīhanādikānaṁ yadidaṁ piṇḍolabhāradvājo. Dhammakathikānaṁ yadidaṁ
puṇṇo mantāniputto. Saṅkhittena bhāsitassa vitthārena atthaṁ
vibhajantānaṁ yadidaṁ mahākaccānoti.
Vaggo paṭhamo.

[147] Etadaggaṁ bhikkhave mama sāvakānaṁ bhikkhūnaṁ manomayaṁ kāyaṁ
abhinimminantānaṁ yadidaṁ cullapanthako. Cetovivaṭṭakusalānaṁ 3 yadidaṁ
cullapanthako. Paññāvivaṭṭakusalānaṁ 4 yadidaṁ mahāpanthako. Araṇavihārīnaṁ
yadidaṁ subhūti. Dakkhiṇeyyānaṁ yadidaṁ subhūti. Āraññakānaṁ yadidaṁ
revato khadiravaniyo. Jhāyīnaṁ yadidaṁ kaṅkhārevato. Āraddhaviriyānaṁ
yadidaṁ soṇo koliviso. Kalyāṇavākkaraṇānaṁ yadidaṁ soṇo
kuṭikaṇṇo. Lābhīnaṁ yadidaṁ sīvalī. Saddhādhimuttānaṁ yadidaṁ
vakkalīti.
Vaggo dutiyo.

[148] Etadaggaṁ bhikkhave mama sāvakānaṁ bhikkhūnaṁ sikkhākāmānaṁ
1 Ma. aññāsikoṇḍañño. 2 Ma. Yu. dhutavādānaṁ. 3 Yu. cetovivaddhakusalānaṁ.
4 Ma. saññāvivaṭṭakusalānaṁ. Yu. saññāvivaddhakusalānaṁ.
Yadidaṁ rāhulo. Saddhāpabbajitānaṁ yadidaṁ raṭṭhapālo. Paṭhamaṁ salākaṁ
gaṇhantānaṁ yadidaṁ kuṇḍadhāno. Paṭibhāṇavantānaṁ yadidaṁ vaṅgīso.
Samantapāsādikānaṁ yadidaṁ upaseno vaṅgantaputto.
Senāsanapaññāpakānaṁ yadidaṁ dabbo mallaputto. Devatānaṁ
piyamanāpānaṁ yadidaṁ pilindavaccho. Khippābhiññānaṁ yadidaṁ bāhiyo
dārucīriyo. Cittakathikānaṁ yadidaṁ kumārakassapo. Paṭisambhidappattānaṁ
yadidaṁ mahākoṭṭhitoti.
Vaggo tatiyo.

[149] Etadaggaṁ bhikkhave mama sāvakānaṁ bhikkhūnaṁ bahussutānaṁ
yadidaṁ ānando. Satimantānaṁ yadidaṁ ānando. Gatimantānaṁ yadidaṁ
ānando. Dhitimantānaṁ yadidaṁ ānando. Upaṭṭhākānaṁ yadidaṁ
ānando. Mahāparisānaṁ yadidaṁ uruvelakassapo. Kulappasādakānaṁ
yadidaṁ kāḷudāyi. Appābādhānaṁ yadidaṁ bakkulo 1 . Pubbenivāsaṁ
anussarantānaṁ yadidaṁ sobhito. Vinayadharānaṁ yadidaṁ upāli.
Bhikkhunovādakānaṁ yadidaṁ nandako. Indriyesu guttadvārānaṁ yadidaṁ
nando. Bhikkhuovādakānaṁ yadidaṁ mahākappino. Tejodhātukusalānaṁ
yadidaṁ sāgato. Paṭibhāṇeyyakānaṁ yadidaṁ rādho. Lūkhacīvaradharānaṁ
yadidaṁ mogharājāti.
Vaggo catuttho.
1 Ma. bākulo.