[1484] Katamā ca sā bhikkhave udayagāminī paṭipadā yā
ekantanibbidāya .pe. Nibbānāya saṁvattati. Idha bhikkhave
ariyasāvako buddhe aveccappasādena samannāgato hoti itipi so
bhagavā .pe. Satthā devamanussānaṁ buddho bhagavāti. Dhamme
saṅghe. Ariyakantehi sīlehi samannāgato hoti akkhaṇḍehi .pe.
Samādhisaṁvattanikehi. Ayaṁ kho sā bhikkhave udayagāminī paṭipadā yā
ekantanibbidāya virāgāya nirodhāya upasamāya abhiññāya sambodhāya
nibbānāya saṁvattatīti.

[1485] Ekaṁ samayaṁ āyasmā ca sārīputto āyasmā ca
ānando sāvatthiyaṁ viharanti jetavane anāthapiṇḍikassa ārāme.
Atha kho āyasmā sārīputto sāyaṇhasamayaṁ paṭisallānā vuṭṭhito
yena āyasmā ānando tenupasaṅkami upasaṅkamitvā āyasmatā
ānandena saddhiṁ sammodi sammodanīyaṁ kathaṁ sārāṇīyaṁ vītisāretvā
ekamantaṁ nisīdi. Ekamantaṁ nisinno kho āyasmā sārīputto
1 Ma. Yu. paññāpemi.
Āyasmantaṁ ānandaṁ etadavoca katinaṁ nu kho āvuso ānanda
dhammānaṁ pahānā katinaṁ dhammānaṁ samannāgamanahetu evamayaṁ pajā
bhagavatā byākatā sotāpannā avinipātadhammā niyatā sambodhiparāyanāti.

[1486] Catunnaṁ kho āvuso dhammānaṁ pahānā catunnaṁ dhammānaṁ
samannāgamanahetu evamayaṁ pajā bhagavatā byākatā sotāpannā
avinipātadhammā niyatā sambodhiparāyanāti. Katamesaṁ catunnaṁ.
Yathārūpena kho āvuso buddhe appasādena samannāgato
assutavā puthujjano kāyassa bhedā paraṁ maraṇā apāyaṁ duggatiṁ
vinipātaṁ nirayaṁ upapajjati tathārūpassa buddhe appasādo
na hoti. Yathārūpena ca kho āvuso buddhe aveccappasādena
samannāgato sutavā ariyasāvako kāyassa bhedā paraṁ maraṇā sugatiṁ
saggaṁ lokaṁ upapajjati tathārūpassa buddhe aveccappasādo hoti
itipi so bhagavā .pe. Satthā devamanussānaṁ buddho bhagavāti.

[1487] Yathārūpena [1]- kho āvuso dhamme appasādena
samannāgato assutavā puthujjano kāyassa bhedā paraṁ maraṇā apāyaṁ
duggatiṁ vinipātaṁ nirayaṁ upapajjati tathārūpassa dhamme
appasādo na hoti. Yathārūpena ca kho āvuso dhamme aveccappasādena
samannāgato sutavā ariyasāvako kāyassa bhedā paraṁ
maraṇā sugatiṁ saggaṁ lokaṁ upapajjati tathārūpassa dhamme aveccappasādo
1 Ma. ca.
Hoti svākkhāto bhagavatā dhammo .pe.

[1488] Yathārūpena kho āvuso saṅghe appasādena
samannāgato assutavā puthujjano kāyassa bhedā paraṁ maraṇā apāyaṁ
duggatiṁ vinipātaṁ nirayaṁ upapajjati tathārūpassa saṅghe appasādo
na hoti. Yathārūpena ca kho āvuso saṅghe aveccappasādena
samannāgato sutavā ariyasāvako kāyassa bhedā paraṁ maraṇā sugatiṁ
saggaṁ lokaṁ upapajjati tathārūpassa saṅghe aveccappasādo hoti
supaṭipanno bhagavato sāvakasaṅgho .pe. Anuttaraṁ puññakkhettaṁ
lokassāti.

[1489] Yathārūpena kho āvuso dussīlyena samannāgato assutavā
puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ
upapajjati tathārūpassa dussīlyaṁ 1 na hoti. Yathārūpehi ca kho
āvuso ariyakantehi sīlehi samannāgato [2]- ariyasāvako kāyassa bhedā
paraṁ maraṇā sugatiṁ saggaṁ lokaṁ upapajjati tathārūpānissa ariyakantāni
sīlāni honti akkhaṇḍāni .pe. Samādhisaṁvattanikāni.

[1490] Imesaṁ kho āvuso catunnaṁ dhammānaṁ pahānā imesaṁ
catunnaṁ dhammānaṁ samannāgamanahetu evamayaṁ pajā bhagavatā byākatā
sotāpannā avinipātadhammā niyatā sambodhiparāyanāti.

[1491] Catūhi bhikkhave dhammehi samannāgato ariyasāvako sabbaduggatibhayaṁ
samatikkanto hoti. Katamehi catūhi. Idha bhikkhave
1 Yu. dussīlena hoti. 2 Ma. Yu. sutavā.
Ariyasāvako buddhe aveccappasādena samannāgato hoti itipi
so bhagavā .pe. Satthā devamanussānaṁ buddho bhagavāti. Dhamme
saṅghe. Ariyakantehi sīlehi samannāgato hoti akkhaṇḍehi .pe.
Samādhisaṁvattanikehi. Imehi kho bhikkhave catūhi dhammehi
samannāgato ariyasāvako sabbaduggatibhayaṁ samatikkanto hotīti.

[1492] Catūhi bhikkhave dhammehi samannāgato ariyasāvako
sabbaduggativinipātabhayaṁ samatikkanto hoti. Katamehi catūhi. Idha bhikkhave
ariyasāvako buddhe aveccappasādena samannāgato hoti itipi
so bhagavā .pe. Satthā devamanussānaṁ buddho bhagavāti. Dhamme
saṅghe. Ariyakantehi sīlehi samannāgato hoti akkhaṇḍehi .pe.
Samādhisaṁvattanikehi. Imehi kho bhikkhave catūhi dhammehi samannāgato
ariyasāvako sabbaduggativinipātabhayaṁ samatikkanto hotīti.

[1493] Ye te bhikkhave anukampeyyātha ye ca sotabbaṁ
maññeyyuṁ mittā vā amaccā vā ñātī vā sālohitā vā
te bhikkhave catūsu sotāpattiyaṅgesu samādapetabbā nivesetabbā
patiṭṭhāpetabbā. Katamesu catūsu. Buddhe aveccappasāde
samādapetabbā nivesetabbā patiṭṭhāpetabbā itipi so bhagavā
.pe. Satthā devamanussānaṁ buddho bhagavāti. Dhamme saṅghe.
Ariyakantesu sīlesu samādapetabbā nivesetabbā patiṭṭhāpetabbā
akkhaṇḍesu .pe. Samādhisaṁvattanikesu. Ye te bhikkhave
Anukampeyyātha ye ca sotabbaṁ maññeyyuṁ mittā vā amaccā
vā ñātī vā sālohitā vā te bhikkhave imesu catūsu
sotāpattiyaṅgesu samādapetabbā nivesetabbā patiṭṭhāpetabbāti.