[1464] Puna caparaṁ gahapatayo ariyasāvako iti paṭisañcikkhati
yo kho maṁ pharusāya vācāya samudācareyya na me taṁ assa piyaṁ
manāpaṁ ahañceva kho pana paraṁ pharusāya vācāya samudācareyyaṁ
parassapi taṁ assa appiyaṁ amanāpaṁ yo kho myāyaṁ dhammo
.pe. Evamassāyaṁ vacīsamācāro tikoṭiparisuddho hoti.

[1465] Puna caparaṁ gahapatayo ariyasāvako iti paṭisañcikkhati yo
kho maṁ samphappalāpabhāsena samudācareyya na me taṁ assa piyaṁ manāpaṁ
ahañceva kho pana paraṁ samphappalāpabhāsena samudācareyyaṁ parassapi
taṁ assa appiyaṁ amanāpaṁ yo kho myāyaṁ dhammo appiyo
amanāpo parassapeso dhammo appiyo amanāpo yo kho myāyaṁ
dhammo appiyo amanāpo kathāhaṁ parantena saññojeyyanti. So
iti paṭisaṅkhāya attanā ca samphappalāpā paṭivirato hoti parañca
1 Ma. mitte bhindeyya. evamuparipi.
Samphappalāpā veramaṇiyā samādapeti samphappalāpā veramaṇiyā ca
vaṇṇaṁ bhāsati. Evamassāyaṁ vacīsamācāro tikoṭiparisuddho hoti.

[1466] So buddhe aveccappasādena samannāgato hoti itipi
so bhagavā .pe. Satthā devamanussānaṁ buddho bhagavāti. Dhamme saṅghe
aveccappasādena samannāgato hoti supaṭipanno bhagavato sāvakasaṅgho
.pe. Anuttaraṁ puññakkhettaṁ lokassāti. Ariyakantehi sīlehi
samannāgato hoti akkhaṇḍehi acchiddehi asabalehi akammāsehi
bhujissehi viññūpasatthehi aparāmaṭṭhehi samādhisaṁvattanikehi.

[1467] Yato kho gahapatayo ariyasāvako imehi sattahi
saddhammehi samannāgato hoti imehi catūhi ākaṅkhiyehi ṭhānehi
so ākaṅkhamāno attanāva attānaṁ byākareyya khīṇanirayomhi
khīṇatiracchānayoniyo 1 khīṇapittivisayo khīṇāpāyaduggativinipāto
sotāpannohamasmi avinipātadhammo niyato sambodhiparāyanoti.

[1468] Evaṁ vutte veḷudvāreyyakā brāhmaṇagahapatikā
bhagavantaṁ etadavocuṁ abhikkantaṁ bho gotama .pe. Ete mayaṁ
bhavantaṁ gotamaṁ saraṇaṁ gacchāma dhammañca bhikkhusaṅghañca upāsake
no bhavaṁ gotamo dhāretu ajjatagge pāṇupete saraṇaṅgateti.

[1469] Evamme sutaṁ ekaṁ samayaṁ bhagavā ñātike viharati
giñjakāvasathe. Atha kho āyasmā ānando yena bhagavā
1 Ma. khīṇatiracchānayoni. evamupari. Yu. ...yoniko.
Tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinno kho āyasmā ānando bhagavantaṁ etadavoca
sāḷho nāma bhante bhikkhu kālakato tassa kā gati ko
abhisamparāyo. Nandā nāma bhante bhikkhunī kālakatā tassā kā
gati ko abhisamparāyo. Sudatto nāma bhante upāsako kālakato
tassa kā gati ko abhisamparāyo. Sujātā nāma bhante
upāsikā kālakatā tassā kā gati ko abhisamparāyoti.

[1470] Sāḷho ānanda bhikkhu kālakato āsavānaṁ khayā anāsavaṁ
cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā
upasampajja viharati 1 . Nandā ānanda bhikkhunī kālakatā pañcannaṁ
orambhāgiyānaṁ saññojanānaṁ parikkhayā opapātikā tattha parinibbāyinī
anāvattidhammā tasmā lokā. Sudatto ānanda
upāsako kālakato tiṇṇaṁ saññojanānaṁ parikkhayā rāgadosamohānaṁ
tanuttā sakadāgāmī sakideva imaṁ lokaṁ āgantvā dukkhassantaṁ
karissati. Sujātā ānanda upāsikā kālakatā tiṇṇaṁ saññojanānaṁ
parikkhayā sotāpannā avinipātadhammā niyatā sambodhiparāyanā.

[1471] Anacchariyaṁ kho panetaṁ ānanda yaṁ manussabhūto kālaṁ
kareyya tasmiṁ tasmiṁ ce maṁ kālakate upasaṅkamitvā etamatthaṁ
paṭipucchissatha. Vihesāvesā 2 assa ānanda tathāgatassa.
1 Ma. Yu. vihāsi. 2 Sī. hesā. Ma. Yu. pesā. evamuparipi.
Tasmā tihānanda dhammādāsaṁ nāma dhammapariyāyaṁ desessāmi yena
samannāgato ariyasāvako ākaṅkhamāno attanāva attānaṁ byākareyya
khīṇanirayomhi khīṇatiracchānayoniyo khīṇapittivisayo khīṇāpāyaduggativinipāto
sotāpannohamasmi avinipātadhammo niyato sambodhiparāyano.

[1472] Katamo ca so ānanda dhammādāso dhammapariyāyo yena
samannāgato ariyasāvako ākaṅkhamāno attanāva attānaṁ byākareyya
khīṇanirayomhi khīṇatiracchānayoniyo khīṇapittivisayo
khīṇāpāyaduggativinipāto sotāpannohamasmi avinipātadhammo niyato
sambodhiparāyano. Idha ānanda ariyasāvako buddhe aveccappasādena
samannāgato hoti itipi so bhagavā .pe. Satthā
devamanussānaṁ buddho bhagavāti. Dhamme saṅghe. Ariyakantehi sīlehi
samannāgato hoti akkhaṇḍehi .pe. Samādhisaṁvattanikehi. Ayaṁ
kho so ānanda dhammādāso dhammapariyāyo yena samannāgato ariyasāvako
ākaṅkhamāno attanāva attānaṁ byākareyya khīṇanirayomhi
khīṇatiracchānayoniyo khīṇapittivisayo khīṇāpāyaduggativinipāto
sotāpannohamasmi avinipātadhammo niyato sambodhiparāyanoti.
(tīṇipi suttantāni ekanidānāni).

[1473] Ekamantaṁ nisinno kho āyasmā ānando bhagavantaṁ
etadavoca asoko nāma bhante bhikkhu kālakato tassa kā gati
Ko abhisamparāyo. Asokā nāma bhante bhikkhunī kālakatā .pe.
Asoko nāma bhante upāsako kālakato .pe. Asokā nāma
bhante upāsikā kālakatā tassā kā gati ko abhisamparāyoti.