[1444] Yadā pana mayaṁ bhante bhagavantaṁ suṇāma vajjīhi malliṁ
cārikaṁ pakkamissatīti hoti no tasmiṁ samaye attamanatā hoti
somanassaṁ āsanne no bhagavā bhavissatīti. Yadā pana mayaṁ
bhante bhagavantaṁ suṇāma vajjīhi malliṁ cārikaṁ pakkantoti hoti
no tasmiṁ samaye attamanatā hoti somanassaṁ āsanne no
bhagavāti.

[1445] Yadā pana mayaṁ bhante bhagavantaṁ suṇāma mallīhi
kosalesu 2 cārikaṁ pakkamissatīti hoti no tasmiṁ samaye attamanatā
1 Ma. Yu. māgadhehi. evamuparipi. 2 Ma. kosale. evamuparipi.
Hoti somanassaṁ āsanne no bhagavā bhavissatīti. Yadā pana
mayaṁ bhante bhagavantaṁ suṇāma mallīhi kosalesu cārikaṁ pakkantoti
hoti no tasmiṁ samaye attamanatā hoti somanassaṁ āsanne
no bhagavāti.

[1446] Yadā pana mayaṁ bhante bhagavantaṁ suṇāma kosalehi
sāvatthiṁ cārikaṁ pakkamissatīti hoti no tasmiṁ samaye attamanatā
hoti somanassaṁ āsanne no bhagavā bhavissatīti. Yadā pana
mayaṁ bhante bhagavantaṁ suṇāma sāvatthiyaṁ viharati jetavane anāthapiṇḍikassa
ārāmeti hoti anappakā no tasmiṁ samaye attamanatā
hoti anappakaṁ somanassaṁ āsanne no bhagavāti.

[1447] Tasmā tiha thapatayo sambādho gharāvāso rajāpatho
abbhokāso pabbajjā alaṁ ca pana vo thapatayo appamādāyāti.

[1448] Atthi kho no bhante etamhā sambādhā añño
sambādho sambādhataro ceva sambādhasaṅkhātataro cāti. Katamo
pana vo thapatayo etamhā sambādhā añño sambādho sambādhataro
ceva sambādhasaṅkhātataro cāti.

[1449] Idha mayaṁ bhante yadā rājā pasenadi kosalo uyyānabhūmiṁ
niyyātukāmo hoti ye te rañño pasenadissa kosalassa
nāgā oparuyhā 1 te kappetvā yā tā rañño pasenadissa
kosalassa pajāpatiyo piyā manāpā tā ekaṁ purato ekaṁ
1 Ma. Yu. opavayhā.
Pacchato nisīdāpema. Tāsaṁ kho pana bhante bhaginīnaṁ evarūpo
gandho hoti seyyathāpi nāma gandhakaraṇḍakassa tāvadeva
vivariyamānassa yathā taṁ rājakaññānaṁ 1 gandhena vibhūsitānaṁ. Tāsaṁ kho
pana bhante bhaginīnaṁ evarūpo kāyasamphasso hoti seyyathāpi nāma
tūlapicuno vā kappāsapicuno vā yathā taṁ rājakaññānaṁ sukheṭhitānaṁ 2 .
Tasmiṁ kho pana bhante samaye nāgopi rakkhitabbo hoti tāpi bhaginiyo
rakkhitabbā honti attāpi rakkhitabbo hoti.

[1450] Na kho pana mayaṁ bhante abhijānāma tāsu bhaginīsu pāpakaṁ
cittaṁ uppādetā. Ayaṁ kho no bhante etamhā sambādhā
añño sambādho sambādhataro ceva sambādhasaṅkhātataro cāti.

[1451] Tasmā tiha thapatayo sambādho gharāvāso rajāpatho
abbhokāso pabbajjā alaṁ ca pana vo thapatayo appamādāya.

[1452] Catūhi kho thapatayo dhammehi samannāgato ariyasāvako
sotāpanno hoti avinipātadhammo niyato sambodhiparāyano.
Katamehi catūhi. Idha thapatayo ariyasāvako buddhe aveccappasādena
samannāgato hoti itipi so bhagavā .pe. Satthā devamanussānaṁ
buddho bhagavāti. Dhamme saṅghe. Vigatamalamaccherena cetasā agāraṁ
ajjhāvasati muttacāgo payatapāṇī vossaggarato yācayogo dānasaṁvibhāgarato.
Imehi kho thapatayo catūhi dhammehi samannāgato
1 Po. rājarahena ... vibhūsitānaṁ. 2 sukhedhitānanti vā pāṭho.
Ariyasāvako sotāpanno hoti avinipātadhammo niyato sambodhiparāyano.

[1453] Tumhe kho thapatayo buddhe aveccappasādena samannāgatā
itipi so bhagavā .pe. Satthā devamanussānaṁ buddho bhagavāti.
Dhamme saṅghe. Yaṁ kho pana kiñci kule deyyadhammaṁ sabbantaṁ
appaṭivibhattaṁ sīlavantehi kalyāṇadhammehi. Taṁ kiṁ maññatha thapatayo.
Kati viya 1 te kosalesu manussā ye tumhākaṁ samasamā yadidaṁ
dānadānasaṁvibhāgehīti 2 . Lābhā no bhante suladdhaṁ no bhante
yesaṁ no bhagavā evaṁ pajānātīti.