[1434] Sāvatthīnidānaṁ. Tena kho pana samayena sambahulā
bhikkhū bhagavato cīvarakammaṁ karonti niṭṭhitacīvaro bhagavā
temāsaccayena cārikaṁ pakkamissatīti.

[1435] Tena kho pana samayena isidattapurāṇā thapatayo
sādhuke paṭivasanti kenacideva karaṇīyena. Assosuṁ kho isidattapurāṇā
thapatayo sambahulā kira bhikkhū bhagavato cīvarakammaṁ
karonti niṭṭhitacīvaro bhagavā temāsaccayena cārikaṁ pakkamissatīti.
Atha kho isidattapurāṇā thapatayo magge purisaṁ ṭhapesuṁ yadā tvaṁ
ambho purisa passeyyāsi bhagavantaṁ āgacchantaṁ arahantaṁ sammāsambuddhaṁ
atha 2 amhākaṁ āroceyyāsīti. Dvīhaṁ tīhaṁ ṭhito kho
1 Ma. Yu. yo hi sārīputta .... 2 Yu. athakho.
So puriso addasa bhagavantaṁ dūratova āgacchantaṁ disvāna yena
isidattapurāṇā thapatayo tenupasaṅkami upasaṅkamitvā isidattapurāṇe
thapatayo etadavoca ayaṁ so bhante bhagavā āgacchati
arahaṁ sammāsambuddho yassadāni kālaṁ maññathāti.

[1436] Atha kho isidattapurāṇā thapatayo yena bhagavā tenupasaṅkamiṁsu
upasaṅkamitvā bhagavantaṁ abhivādetvā bhagavantaṁ piṭṭhito
paṭṭhito anubandhiṁsu. Atha kho bhagavā maggā okkamma yena aññataraṁ
rukkhamūlaṁ tenupasaṅkami upasaṅkamitvā paññatte āsane nisīdi.
Isidattapurāṇā thapatayo bhagavantaṁ abhivādetvā ekamantaṁ nisīdiṁsu.
Ekamantaṁ nisinnā kho te isidattapurāṇā thapatayo bhagavantaṁ
etadavocuṁ

[1437] Yadā mayaṁ bhante bhagavantaṁ suṇāma sāvatthiyā kosalesu
cārikaṁ pakkamissatīti hoti no tasmiṁ samaye anattamanatā hoti
domanassaṁ dūre no bhagavā bhavissatīti. Yadā pana mayaṁ bhante
bhagavantaṁ suṇāma sāvatthiyā kosalesu cārikaṁ pakkantoti hoti
no tasmiṁ samaye anattamanatā hoti domanassaṁ dūre no
bhagavāti.

[1438] Yadā pana mayaṁ bhante bhagavantaṁ suṇāma kosalehi
malliṁ 1 cārikaṁ pakkamissatīti hoti no tasmiṁ samaye anattamanatā
hoti domanassaṁ dūre no bhagavā bhavissatīti. Yadā pana mayaṁ
1 Ma. mallesu. Yu. malle. evamuparipi.
Bhante bhagavantaṁ suṇāma kosalehi malliṁ cārikaṁ pakkantoti
hoti no tasmiṁ samaye anattamanatā hoti domanassaṁ dūre
no bhagavāti.

[1439] Yadā pana mayaṁ bhante bhagavantaṁ suṇāma mallehi
vajjiṁ 1 cārikaṁ pakkamissatīti hoti no tasmiṁ samaye anattamanatā
hoti domanassaṁ dūre no bhagavā bhavissatīti. Yadā pana mayaṁ
bhante bhagavantaṁ suṇāma mallehi vajjiṁ cārikaṁ pakkantoti hoti
no tasmiṁ samaye anattamanatā hoti domanassaṁ dūre no
bhagavāti.

[1440] Yadā pana mayaṁ bhante bhagavantaṁ suṇāma vajjīhi kāsiṁ 2
cārikaṁ pakkamissatīti hoti no tasmiṁ samaye anattamanatā hoti
domanassaṁ dūre no bhagavā bhavissatīti. Yadā pana mayaṁ bhante
bhagavantaṁ suṇāma vajjīhi kāsiṁ cārikaṁ pakkantoti hoti no
tasmiṁ samaye anattamanatā hoti domanassaṁ dūre no bhagavāti.

[1441] Yadā pana mayaṁ bhante bhagavantaṁ suṇāma kāsīhi
magadhe 3 cārikaṁ pakkamissatīti hoti no tasmiṁ samaye anattamanatā
hoti domanassaṁ dūre no bhagavā bhavissatīti. Yadā pana mayaṁ
bhante bhagavantaṁ suṇāma kāsīhi magadhe cārikaṁ pakkantoti hoti
anappakā no tasmiṁ samaye anattamanatā hoti anappakaṁ domassaṁ
dūre no bhagavāti.
1 Ma. vajjīsu. evamupari. 2 Ma. kāsīsu. evamuparipi. 3 Ma. māgadhe. evamuparipi.

[1442] Yadā pana mayaṁ bhante bhagavantaṁ suṇāma magadhehi 1
kāsiṁ cārikaṁ pakkamissatīti hoti no tasmiṁ samaye attamanatā
hoti somanassaṁ āsanne no bhagavā bhavissatīti. Yadā pana
mayaṁ bhante bhagavantaṁ suṇāma magadhehi kāsiṁ cārikaṁ pakkantoti
hoti no tasmiṁ samaye attamanatā hoti somanassaṁ āsanne
no bhagavāti.

[1443] Yadā pana mayaṁ bhante bhagavantaṁ suṇāma kāsīhi vajjiṁ
cārikaṁ pakkamissatīti hoti no tasmiṁ samaye attamanatā hoti
somanassaṁ āsanne no bhagavā bhavissatīti. Yadā pana mayaṁ
bhante bhagavantaṁ suṇāma kāsīhi vajjiṁ cārikaṁ pakkantoti hoti
no tasmiṁ samaye attamanatā hoti somanassaṁ āsanne no
bhagavāti.