[1274] Sāketanidānaṁ. Ekamantaṁ nisinno kho āyasmā
sārīputto āyasmantaṁ anuruddhaṁ etadavoca asekkhenāvuso 2 anuruddha
bhikkhunā katame dhammā upasampajja vihātabbāti.

[1275] Asekkhenāvuso sārīputta bhikkhunā cattāro satipaṭṭhānā
upasampajja vihātabbā. Katame cattāro. Idhāvuso bhikkhu kāye
kāyānupassī viharati ātāpī sampajāno satimā vineyya loke
1 sekhenāvusotipi pāṭho. 2 asekhenāvusoti vā pāṭho.
Abhijjhādomanassaṁ. Vedanāsu citte dhammesu dhammānupassī viharati
ātāpī sampajāno satimā vineyya loke abhijjhādomanassaṁ.
Asekkhenāvuso sārīputta bhikkhunā ime cattāro satipaṭṭhānā
upasampajja vihātabbāti.

[1276] Sāketanidānaṁ. Ekamantaṁ nisinno kho āyasmā
sārīputto āyasmantaṁ anuruddhaṁ etadavoca katamesaṁ āyasmā anuruddho
dhammānaṁ bhāvitattā bahulīkatattā mahābhiññattaṁ pattoti.

[1277] Catunnaṁ khvāhaṁ āvuso satipaṭṭhānānaṁ bhāvitattā
bahulīkatattā mahābhiññattaṁ patto. Katamesaṁ catunnaṁ. Idhāhaṁ āvuso
kāye kāyānupassī viharāmi ātāpī sampajāno satimā vineyya
loke abhijjhādomanassaṁ. Vedanāsu citte dhammesu dhammānupassī
viharāmi ātāpī sampajāno satimā vineyya loke
abhijjhādomanassaṁ. Imesaṁ khvāhaṁ āvuso catunnaṁ satipaṭṭhānānaṁ
bhāvitattā bahulīkatattā mahābhiññattaṁ patto. Imesañca panāhaṁ
āvuso catunnaṁ satipaṭṭhānānaṁ bhāvitattā bahulīkatattā sahassalokaṁ
abhijānāmīti.

[1278] Sāvatthīnidānaṁ. Tatra kho āyasmā anuruddho bhikkhū
āmantesi .pe. Etadavoca cattārome āvuso satipaṭṭhānā
bhāvitā bahulīkatā taṇhakkhayāya saṁvattanti. Katame cattāro.
Idhāvuso bhikkhu kāye kāyānupassī viharati. Vedanāsu citte
Dhammesu dhammānupassī viharati ātāpī sampajāno satimā vineyya
loke abhijjhādomanassaṁ. Ime kho āvuso cattāro satipaṭṭhānā
bhāvitā bahulīkatā taṇhakkhayāya saṁvattantīti.

[1279] Ekaṁ samayaṁ āyasmā anuruddho sāvatthiyaṁ viharati
salaḷāgāre. Tatra kho āyasmā anuruddho bhikkhū āmantesi
.pe. Etadavoca seyyathāpi āvuso gaṅgānadī pācīnaninnā pācīnapoṇā
pācīnapabbhārā atha mahājanakāyo āgaccheyya kuddālapiṭakaṁ 1
ādāya mamaṁ imaṁ gaṅgānadiṁ pacchāninnaṁ karissāma pacchāpoṇaṁ
pacchāpabbhāranti. Taṁ kiṁ maññatha āvuso api nu so
mahājanakāyo gaṅgānadiṁ pacchāninnaṁ kareyya pacchāpoṇaṁ pacchāpabbhāranti.
No hetaṁ āvuso. Taṁ kissa hetu. Gaṅgā
āvuso nadī pācīnaninnā pācīnapoṇā pācīnapabbhārā sā na
sukarā pacchāninnaṁ kātuṁ pacchāpoṇaṁ pacchāpabbhāraṁ yāva deva
ca pana mahājanakāyo kilamathassa vighātassa bhāgī assāti.
Evameva kho āvuso bhikkhuṁ cattāro satipaṭṭhāne bhāventaṁ cattāro
satipaṭṭhāne bahulīkarontaṁ rājā 2 vā rājamahāmattā vā mittā
vā amaccā vā ñātī vā sālohitā vā bhogehi abhihaṭṭhuṁ
pavāreyyuṁ ehambho purisa kinte ime kāsāvā anuḍahanti kiṁ
muṇḍo kapālamanusaṁcarasi ehi hīnāyāvattitvā bhoge ca bhuñjassu
puññāni ca karohīti. So vata āvuso bhikkhu cattāro satipaṭṭhāne
1 Ma. kudālapiṭakaṁ. Ma. Yu. rājāno.
Bhāvento cattāro satipaṭṭhāne bahulīkaronto sikkhaṁ
paccakkhāya hīnāyāvattissatīti netaṁ ṭhānaṁ vijjati. Taṁ kissa hetu.
Yaṁ hi [1]- āvuso cittaṁ dīgharattaṁ vivekaninnaṁ vivekapoṇaṁ vivekapabbhāraṁ
tathā 2 hīnāyāvattissatīti netaṁ ṭhānaṁ vijjati.

[1280] Kathañcāvuso bhikkhu cattāro satipaṭṭhāne bhāveti
cattāro satipaṭṭhāne bahulīkaroti [3]-. Idhāvuso bhikkhu kāye kāyānupassī
viharati. Vedanāsu citte dhammesu dhammānupassī viharati
ātāpī sampajāno satimā vineyya loke abhijjhādomanassaṁ.
Evaṁ kho āvuso bhikkhu cattāro satipaṭṭhāne bhāveti cattāro
satipaṭṭhāne bahulīkarotīti.

[1281] Ekaṁ samayaṁ āyasmā ca anuruddho āyasmā ca sārīputto
vesāliyaṁ viharanti ambapālivane. Atha kho āyasmā
sārīputto sāyaṇhasamayaṁ paṭisallānā vuṭṭhito .pe. Ekamantaṁ
nisinno kho āyasmā sārīputto āyasmantaṁ anuruddhaṁ etadavoca
vippasannāni kho te āvuso anuruddha indriyāni parisuddho mukhavaṇṇo
pariyodāto. Katamenāyasmā anuruddho vihārena etarahi
bahulaṁ viharatīti.

[1282] Catūsu khvāhaṁ āvuso satipaṭṭhānesu sūpaṭṭhitacitto 4
etarahi bahulaṁ viharāmi. Katamesu catūsu. Idhāhaṁ āvuso kāye
1 Ma. Yu. taṁ. 2 Ma. Yu. taṁ vata. 3 Ma. itisaddo dissati. 4 Ma.
suppatiṭṭhitacitto.
Kāyānupassī viharāmi ātāpī sampajāno satimā vineyya loke
abhijjhādomanassaṁ. Vedanāsu citte dhammesu dhammānupassī viharāmi
ātāpī sampajāno satimā vineyya loke abhijjhādomanassaṁ. Imesu
khvāhaṁ āvuso catūsu satipaṭṭhānesu sūpaṭṭhitacitto etarahi bahulaṁ
viharāmi. Yo so āvuso bhikkhu arahaṁ khīṇāsavo vusitavā
katakaraṇīyo ohitabhāro anuppattasadattho parikkhīṇabhavasaññojano
sammadaññā vimutto so imesu catūsu satipaṭṭhānesu sūpaṭṭhitacitto
bahulaṁ viharatīti. Lābhā [1]- no āvuso suladdhaṁ [2]- no
āvuso ye mayaṁ āyasmato anuruddhassa sammukhāva assumha āsabhivācaṁ
bhāsamānassāti.

[1283] Ekaṁ samayaṁ āyasmā anuruddho sāvatthiyaṁ viharati
andhavanasmiṁ ābādhiko dukkhito bāḷhagilāno. Atha kho sambahulā
bhikkhū yenāyasmā anuruddho tenupasaṅkamiṁsu upasaṅkamitvā āyasmantaṁ
anuruddhaṁ etadavocuṁ katamenāyasmato anuruddhassa vihārena viharato
uppannā sārīrikā dukkhā vedanā cittaṁ na pariyādāya tiṭṭhantīti.