[1074] Katame ca bhikkhave bodhipakkhiyā dhammā. Saddhindriyaṁ
bhikkhave bodhipakkhiyo dhammo taṁ bodhāya saṁvattati. Viriyindriyaṁ
bodhipakkhiyo dhammo taṁ bodhāya saṁvattati. Satindriyaṁ bodhipakkhiyo
Dhammo. Samādhindriyaṁ bodhipakkhiyo dhammo. Paññindriyaṁ
bodhipakkhiyo dhammo taṁ bodhāya saṁvattati.

[1075] Seyyathāpi bhikkhave ye keci devānaṁ tāvatiṁsānaṁ rukkhā
pāricchattako tesaṁ aggamakkhāyati. Evameva kho bhikkhave ye keci
bodhipakkhiyā dhammā paññindriyaṁ tesaṁ aggamakkhāyati yadidaṁ
bodhāyāti.

[1076] Seyyathāpi bhikkhave ye keci asurānaṁ rukkhā cittapāṭalī
tesaṁ aggamakkhāyati. Evameva kho bhikkhave ye keci bodhipakkhiyā
dhammā paññindriyaṁ tesaṁ aggamakkhāyati yadidaṁ bodhāya.

[1077] Katame ca bhikkhave bodhipakkhiyā dhammā. Saddhindriyaṁ
bhikkhave bodhipakkhiyo dhammo taṁ bodhāya saṁvattati .pe. Paññindriyaṁ
bodhipakkhiyo dhammo taṁ bodhāya saṁvattati.

[1078] Seyyathāpi bhikkhave ye keci asurānaṁ rukkhā cittapāṭalī
tesaṁ aggamakkhāyati. Evameva kho bhikkhave ye keci bodhipakkhiyā
dhammā paññindriyaṁ tesaṁ aggamakkhāyati yadidaṁ bodhāyāti.

[1079] Seyyathāpi bhikkhave ye keci supaṇṇānaṁ rukkhā koṭasimbalī 1
tesaṁ aggamakkhāyati. Evameva kho bhikkhave ye keci bodhipakkhiyā
dhammā paññindriyaṁ tesaṁ aggamakkhāyati yadidaṁ bodhāya.

[1080] Katame ca bhikkhave bodhipakkhiyā dhammā. Saddhindriyaṁ
bhikkhave bodhipakkhiyo dhammo taṁ bodhāya saṁvattati .pe. Paññindriyaṁ
1 Ma. Yu. kūṭasimbalī. evamupari.
Bodhipakkhiyo dhammo taṁ bodhāya saṁvattati.

[1081] Seyyathāpi bhikkhave ye keci supaṇṇānaṁ rukkhā koṭasimbalī
tesaṁ aggamakkhāyati. Evameva kho bhikkhave ye keci bodhipakkhiyā
dhammā paññindriyaṁ tesaṁ aggamakkhāyati yadidaṁ bodhāyāti.
Bodhipakkhiyavaggo sattamo.
Tassuddānaṁ
saññojanā anusayā pariññā āsavakkhayā
dve phalā caturo rukkhā vaggo tena pavuccatīti.
-------------
Indriyasaṁyuttassa gaṅgādipeyyālo aṭṭhamo

[1082] Seyyathāpi bhikkhave gaṅgā nadī pācīnaninnā pācīnapoṇā
pācīnapabbhārā. Evameva kho bhikkhave bhikkhu pañcindriyāni bhāvento
pañcindriyāni bahulīkaronto nibbānaninno hoti nibbānapoṇo
nibbānapabbhāro.

[1083] Kathañca bhikkhave bhikkhu pañcindriyāni bhāvento
pañcindriyāni bahulīkaronto nibbānaninno hoti nibbānapoṇo
nibbānapabbhāro. Idha bhikkhave bhikkhu saddhindriyaṁ bhāveti vivekanissitaṁ
virāganissitaṁ nirodhanissitaṁ vossaggapariṇāmiṁ viriyindriyaṁ satindriyaṁ
samādhindriyaṁ paññindriyaṁ bhāveti vivekanissitaṁ virāganissitaṁ nirodhanissitaṁ
vossaggapariṇāmiṁ. Evaṁ kho bhikkhave bhikkhu pañcindriyāni
bhāvento pañcindriyāni bahulīkaronto nibbānaninno hoti nibbānapoṇo
nibbānapabbhāroti.