[1014] Yo hissa bhante samādhi tadassa samādhindriyaṁ.
Saddhassa hi bhante ariyasāvakassa āraddhaviriyassa upaṭṭhitassatino
sammāsamāhitacittassa 1 etaṁ pāṭikaṅkhaṁ yaṁ evaṁ pajānissati
anamataggo kho saṁsāro pubbā koṭi nappaññāyati avijjānīvaraṇānaṁ
sattānaṁ taṇhāsaññojanānaṁ sandhāvataṁ saṁsarataṁ avijjāya tveva
tamokāyassa asesavirāganirodho santametaṁ padaṁ paṇītametaṁ padaṁ
yadidaṁ sabbasaṅkhārasamatho sabbūpadhipaṭinissaggo taṇhakkhayo 2 virāgo
nirodho nibbānaṁ.

[1015] Yā hissa bhante paññā tadassa paññindriyaṁ. Sakho 3
so bhante ariyasāvako evaṁ padahitvā padahitvā evaṁ saritvā
saritvā evaṁ samādahitvā samādahitvā evaṁ pajānitvā pajānitvā
evaṁ abhisaddahati ime kho te dhammā ye me pubbe sutāva 4 ahesuṁ
1 Ma. Yu. samāhitacittassa. evamupari. 2 Ma. taṇhākkhayo. 3 Ma. Yu. saddho.
evamupari. 4 Po. Ma. Yu. sutavā. evamupari.
Tenāhaṁ etarahi kāyena ca phusitvā viharāmi paññāya ca
ativijjha 1 passāmīti.

[1016] Yā hissa bhante saddhā tadassa saddhindriyanti.

[1017] Sādhu sādhu sārīputta yo so sārīputta ariyasāvako
tathāgate ekantagato abhippasanno na so tathāgate vā tathāgatasāsane
vā kaṅkheyya vā vicikiccheyya vā. Saddhassa hi sārīputta
ariyasāvakassa etaṁ pāṭikaṅkhaṁ yaṁ āraddhaviriyo viharissati akusalānaṁ
dhammānaṁ pahānāya kusalānaṁ dhammānaṁ upasampadāya thāmavā daḷhaparakkamo
anikkhittadhuro kusalesu dhammesu.

[1018] Yaṁ hissa sārīputta viriyaṁ tadassa viriyindriyaṁ. Saddhassa
hi sārīputta ariyasāvakassa āraddhaviriyassa etaṁ pāṭikaṅkhaṁ yaṁ
satimā bhavissati paramena satinepakkena samannāgato cirakatampi
cirabhāsitampi saritā anussaritā.

[1019] Yā hissa sārīputta sati tadassa satindriyaṁ.
Saddhassa hi sārīputta ariyasāvakassa āraddhaviriyassa upaṭṭhitassatino
etaṁ pāṭikaṅkhaṁ yaṁ vossaggārammaṇaṁ karitvā labhissati samādhiṁ
labhissati cittassa ekaggataṁ.

[1020] Yo hissa sārīputta samādhi tadassa samādhindriyaṁ.
Saddhassa hi sārīputta ariyasāvakassa āraddhaviriyassa upaṭṭhitassatino
1 Ma. paṭivijjha.
Sammāsamāhitacittassa etaṁ pāṭikaṅkhaṁ yaṁ evaṁ pajānissati
anamataggo kho saṁsāro pubbā koṭi nappaññāyati avijjānīvaraṇānaṁ
sattānaṁ taṇhāsaññojanānaṁ sandhāvataṁ saṁsarataṁ avijjāya tveva
tamokāyassa asesavirāganirodho santametaṁ padaṁ paṇītametaṁ padaṁ
yadidaṁ sabbasaṅkhārasamatho sabbūpadhipaṭinissaggo taṇhakkhayo virāgo
nirodho nibbānaṁ.

[1021] Yā hissa sārīputta paññā tadassa paññindriyaṁ.
Sakho so sārīputta ariyasāvako evaṁ padahitvā padahitvā evaṁ
saritvā saritvā evaṁ samādahitvā samādahitvā evaṁ pajānitvā
pajānitvā evaṁ abhisaddahati ime kho te dhammā ye me pubbe
sutāva ahesuṁ tenāhaṁ etarahi kāyena ca phusitvā viharāmi
paññāya ca ativijjha passāmīti.

[1022] Yā hissa sārīputta saddhā tadassa saddhindriyanti.
Jarāvaggo pañcamo.
Tassuddānaṁ
jarā uṇṇābho brāhmaṇo sāketo pubbakoṭṭhako
pubbārāme ca cattāri piṇḍolo saddhena 1 te dasāti.
-----------
Sūkarakhātavaggo chaṭṭho

[1023] Evamme sutaṁ ekaṁ samayaṁ bhagavā kosalesu viharati
kosalāyaṁ 1 brāhmaṇagāme. Tatra kho bhagavā bhikkhū āmantesi