[694] Yepi te bhikkhave bhikkhū arahanto khīṇāsavā vusitavanto
katakaraṇīyā ohitabhārā anuppattasadatthā parikkhīṇabhavasaññojanā
sammadaññāvimuttā tepi kāye kāyānupassino viharanti ātāpino
sampajānā ekodibhūtā vippasannacittā samāhitā ekaggacittā
kāyena visaṁyuttā. Vedanāsu vedanānupassino viharanti ātāpino
sampajānā ekodibhūtā vippasannacittā samāhitā ekaggacittā
vedanāhi visaṁyuttā. Citte cittānupassino viharanti ātāpino
sampajānā ekodibhūtā vippasannacittā samāhitā ekaggacittā
cittena visaṁyuttā. Dhammesu dhammānupassino viharanti ātāpino
sampajānā ekodibhūtā vippasannacittā samāhitā ekaggacittā
dhammehi visaṁyuttā.

[695] Yepi te bhikkhave bhikkhū navā acirapabbajitā adhunāgatā
imaṁ dhammavinayaṁ te vo bhikkhave bhikkhū imesaṁ catunnaṁ satipaṭṭhānānaṁ
Bhāvanāya samādapetabbā nivesetabbā patiṭṭhāpetabbāti.

[696] Sāvatthīnidānaṁ. Tatra kho bhagavā .pe. Etadavoca
akusalarāsīti bhikkhave vadamāno pañca nīvaraṇe sammā vadamāno
vadeyya. Kevalo hāyaṁ bhikkhave akusalarāsi yadidaṁ pañca
nīvaraṇā. Katame pañca. Kāmacchandanīvaraṇaṁ byāpādanīvaraṇaṁ
thīnamiddhanīvaraṇaṁ uddhaccakukkuccanīvaraṇaṁ vicikicchānīvaraṇaṁ. Akusalarāsīti
bhikkhave vadamāno ime pañca nīvaraṇe sammā vadamāno
vadeyya. Kevalo hāyaṁ bhikkhave akusalarāsi yadidaṁ pañca nīvaraṇā.

[697] Kusalarāsīti bhikkhave vadamāno cattāro satipaṭṭhāne
sammā vadamāno vadeyya. Kevalo hāyaṁ bhikkhave kusalarāsi
yadidaṁ cattāro satipaṭṭhānā. Katame cattāro. Idha bhikkhave
bhikkhu kāye kāyānupassī viharati ātāpī sampajāno satimā
vineyya loke abhijjhādomanassaṁ. Vedanāsu citte dhammesu
dhammānupassī viharati ātāpī sampajāno satimā vineyya loke
abhijjhādomanassaṁ. Kusalarāsīti bhikkhave vadamāno ime cattāro
satipaṭṭhāne sammā vadamāno vadeyya. Kevalo hāyaṁ bhikkhave
kusalarāsi yadidaṁ cattāro satipaṭṭhānāti.

[698] Bhūtapubbaṁ bhikkhave sakuṇagghī 1 lāpaṁ sakuṇaṁ sahasā
ajjhappattā aggahesi. Atha kho bhikkhave lāpo sakuṇo
sakuṇagghiyā hariyamāno evaṁ paridevesi 2 mayamevamha alakkhikā
1 Ma. Yu. sakuṇagghi. 2 Ma. Yu. paridevasi.
Mayaṁ appapuññā ye mayaṁ agocare carimha paravisaye. Sacajja 1
mayaṁ gocare careyyāma sake pettike visaye na myāyaṁ sakuṇagghī
alaṁ abhavissa yadidaṁ yuddhāyāti. Ko pana te lāpa gocaro
sako pettiko visayoti. Yadidaṁ naṅgalakaṭṭhakaraṇaṁ leḍḍuṭṭhānanti.
Atha kho bhikkhave sakuṇagghī sake bale apatthaddhā sake bale
avādamānā 2 lāpaṁ sakuṇaṁ pamuñci gaccha kho tvaṁ lāpa tatrapi
me gantvā na mokkhasīti. Atha kho bhikkhave lāpo sakuṇo
naṅgalakaṭṭhakaraṇaṁ leḍḍuṭṭhānaṁ gantvā mahantaṁ leḍḍuṁ abhirūhitvā
sakuṇagghiṁ vadamāno aṭṭhāsi ehi khodāni me sakuṇagghi ehi
khodāni me sakuṇagghīti. Atha kho sā bhikkhave sakuṇagghī sake bale
apatthaddhā sake bale avādamānā ubho pakkhe sandhāya 3 lāpaṁ sakuṇaṁ
sahasā ajjhappattā. Yadā kho bhikkhave aññāsi lāpo sakuṇo
bahu āgatā 4 kho myāyaṁ sakuṇagghīti athasseva 5 leḍḍussa antaraṁ
paccupādi. Atha kho bhikkhave sakuṇagghī tattheva uraṁ paccatāḷesi.
Evañhetaṁ 6 bhikkhave hoti yo agocare carati paravisaye.

[699] Tasmā tiha bhikkhave mā agocare carittha paravisaye.
Agocare bhikkhave carataṁ paravisaye lacchati māro otāraṁ lacchati
māro ārammaṇaṁ. Ko ca bhikkhave bhikkhuno agocaro paravisayo.
Yadidaṁ pañca kāmaguṇā. Katame pañca. Cakkhuviññeyyā rūpā
iṭṭhā kantā manāpā piyarūpā kāmūpasañhitā rajaniyā
1 Ma. Yu. sacejja. 2 Ma. Yu. asaṁvadamānā. evamupari. 3 Ma. Yu. sannayha.
4 Po. Ma. āgato. 5 Ma. atha tasseva. 6 Ma. Yu. evaṁ hi taṁ.
Sotaviññeyyā saddā. Ghānaviññeyyā gandhā. Jivhāviññeyyā
rasā. Kāyaviññeyyā phoṭṭhabbā iṭṭhā kantā manāpā piyarūpā
kāmūpasañhitā rajaniyā. Ayaṁ bhikkhave bhikkhuno agocaro paravisayo.

[700] Gocare bhikkhave caratha sake pettike visaye. Gocare
bhikkhave carataṁ sake pettike visaye na lacchati māro otāraṁ
na lacchati māro ārammaṇaṁ. Ko ca bhikkhave bhikkhuno gocaro
sako pettiko visayo. Yadidaṁ cattāro satipaṭṭhānā. Katame
cattāro *-. Idha bhikkhave bhikkhu kāye kāyānupassī viharati ātāpī
sampajāno satimā vineyya loke abhijjhādomanassaṁ. Vedanāsu
citte dhammesu dhammānupassī viharati ātāpī sampajāno satimā
vineyya loke abhijjhādomanassaṁ. Ayaṁ bhikkhave bhikkhuno gocaro
sako pettiko visayoti.

[701] Atthi bhikkhave himavato pabbatarājassa duggā visamā
desā yattha neva makkaṭānaṁ cāri na manussānaṁ. Atthi bhikkhave
himavato pabbatarājassa duggā visamā desā yattha makkaṭānañhi
kho cāri na manussānaṁ. Atthi bhikkhave himavato pabbatarājassa samā
bhūmibhāgā ramaṇīyā yattha makkaṭānañceva cāri manussānaṁ ca.
Tatra kho bhikkhave luddhā makkaṭavīthīsu lepaṁ oḍḍenti makkaṭānaṁ
bādhanāya. Tatra bhikkhave ye te makkaṭā abālajātikā alolajātikā
te taṁ lepaṁ disvā ārakā parivajjenti. Yo pana so
* mīkārkkhag cattaro peḌna cattāro
Hoti makkaṭo bālajātiko lolajātiko so taṁ lepaṁ upasaṅkamitvā
hatthena gaṇhāti so tattha bajjhati hatthaṁ mocessāmīti dutiyena
hatthena gaṇhāti so tattha bajjhati ubho hatthe mocessāmīti
pādena gaṇhāti so tattha bajjhati ubho hatthe mocessāmi
pādaṁ cāti dutiyena pādena gaṇhāti so tattha bajjhati ubho
hatthe mocessāmi pāde cāti tuṇḍena gaṇhāti so tattha
bajjhati. Evaṁ hi so bhikkhave makkaṭo pañcoḍḍito thunaṁ seti
anayaṁ āpanno byasanaṁ āpanno yathā kāmakaraṇīyo luddassa.
Tamenaṁ bhikkhave luddo vijjhitvā tasmiṁyeva makkaṭaṁ uddharitvā
avissajjetvā yena kāmaṁ pakkamati. Evaṁ hetaṁ bhikkhave hoti
yo agocare carati paravisaye.

[702] Tasmā tiha bhikkhave mā agocare carittha paravisaye.
Agocare bhikkhave carataṁ paravisaye lacchati māro otāraṁ lacchati
māro ārammaṇaṁ. Ko ca bhikkhave bhikkhuno agocaro paravisayo.
Yadidaṁ pañca kāmaguṇā. Katame pañca. Cakkhuviññeyyā rūpā
iṭṭhā kantā manāpā piyarūpā kāmūpasañhitā rajaniyā
sotaviññeyyā saddā. Ghānaviññeyyā gandhā. Jivhāviññeyyā
rasā. Kāyaviññeyyā phoṭṭhabbā iṭṭhā kantā manāpā piyarūpā
kāmūpasañhitā rajaniyā. Ayaṁ bhikkhave bhikkhuno agocaro paravisayo.

[703] Gocare bhikkhave caratha sake pettike visaye. Gocare
Bhikkhave carataṁ sake pettike visaye na lacchati māro otāraṁ
na lacchati māro ārammaṇaṁ. Ko ca bhikkhave bhikkhuno gocaro
sako pettiko visayo. Yadidaṁ cattāro satipaṭṭhānā. Katame
cattāro. Idha bhikkhave bhikkhu kāye kāyānupassī viharati ātāpī
sampajāno satimā vineyya loke abhijjhādomanassaṁ. Vedanāsu
citte dhammesu dhammānupassī viharati ātāpī sampajāno satimā
vineyya loke abhijjhādomanassaṁ. Ayaṁ bhikkhave bhikkhuno gocaro
sako pettiko visayoti.