[314] Imāsaṁ kho bhikkhave tissannaṁ vidhānaṁ abhiññāya pariññāya
parikkhayāya pahānāya ariyo aṭṭhaṅgiko maggo bhāvetabbo.
Katamo ariyo aṭṭhaṅgiko maggo. Idha bhikkhave bhikkhu sammādiṭṭhiṁ
bhāveti .pe. Sammāsamādhiṁ bhāveti vivekanissitaṁ virāganissitaṁ
nirodhanissitaṁ vossaggapariṇāmiṁ. Imāsaṁ kho bhikkhave
tissannaṁ vidhānaṁ abhiññāya pariññāya parikkhayāya pahānāya
.pe. Ayaṁ ariyo aṭṭhaṅgiko maggo bhāvetabboti.
(yathā esanā evaṁ vitthāretabbā 1 ) .pe.

[315] Sāvatthīnidānaṁ. Tayome bhikkhave āsavā. Katame
tayo. Kāmāsavo bhavāsavo avijjāsavo. Ime kho bhikkhave
tayo āsavā.

[316] Imesaṁ kho bhikkhave tiṇṇaṁ āsavānaṁ abhiññāya
pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabboti.

[317] Sāvatthīnidānaṁ. Tayome bhikkhave bhavā. Katame tayo.
1 Ma. vitthāretabbaṁ.
Kāmabhavo rūpabhavo arūpabhavo. Ime kho bhikkhave tayo bhavā.

[318] Imesaṁ kho bhikkhave tiṇṇaṁ bhavānaṁ abhiññāya pariññāya
parikkhayāya pahānāya .pe. Ayaṁ ariyo aṭṭhaṅgiko maggo
bhāvetabboti.

[319] Sāvatthīnidānaṁ. Tisso imā bhikkhave dukkhatā.
Katamā tisso. Dukkhadukkhatā saṅkhāradukkhatā vipariṇāmadukkhatā.
Imā kho bhikkhave tisso dukkhatā.

[320] Imāsaṁ kho bhikkhave tissannaṁ dukkhatānaṁ abhiññāya
pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabboti.

[321] Sāvatthīnidānaṁ. Tayome bhikkhave khīlā. Katame
tayo. Rāgo khīlo doso khīlo moho khīlo. Ime kho
bhikkhave tayo khīlā.

[322] Imesaṁ kho bhikkhave tiṇṇannaṁ khīlānaṁ abhiññāya
pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabboti.

[323] Sāvatthīnidānaṁ. Tīṇīmāni bhikkhave malāni. Katamāni
tīṇi. Rāgo malaṁ doso malaṁ moho malaṁ. Imāni kho
bhikkhave tīṇi malāni.