[324] Imesaṁ kho bhikkhave tiṇṇannaṁ malānaṁ abhiññāya
Pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabboti.

[325] Sāvatthīnidānaṁ. Tayome bhikkhave nīghā 1 . Katame
tayo. Rāgo nīgho doso nīgho moho nīgho. Ime kho
bhikkhave tayo nīghā.

[326] Imesaṁ kho bhikkhave tiṇṇannaṁ nīghānaṁ abhiññāya
pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabboti.

[327] Sāvatthīnidānaṁ. Tisso imā bhikkhave vedanā. Katamā
tisso. Sukhā vedanā dukkhā vedanā adukkhamasukhā vedanā.
Imā kho bhikkhave tisso vedanā.

[328] Imāsaṁ kho bhikkhave tissannaṁ vedanānaṁ abhiññāya
pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabboti.

[329] Tisso imā bhikkhave taṇhā. Katamā tisso.
Kāmataṇhā bhavataṇhā vibhavataṇhā. Imā kho bhikkhave tisso
taṇhā.

[330] Imāsaṁ kho bhikkhave tissannaṁ taṇhānaṁ abhiññāya
pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabbo. Katamo ariyo aṭṭhaṅgiko maggo. Idha
Bhikkhave bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ
vossaggapariṇāmiṁ .pe. Sammāsamādhiṁ bhāveti vivekanissitaṁ
virāganissitaṁ nirodhanissitaṁ vossaggapariṇāmiṁ. Imāsaṁ kho bhikkhave
tissannaṁ taṇhānaṁ abhiññāya pariññāya parikkhayāya pahānāya
.pe. Ayaṁ ariyo aṭṭhaṅgiko maggo bhāvetabboti.

[331] Tisso imā bhikkhave taṇhā 1 .pe.

[332] Imāsaṁ kho bhikkhave tissannaṁ taṇhānaṁ abhiññāya
pariññāya parikkhayāya pahānāya .pe. Rāgavinayapariyosānaṁ
dosavinayapariyosānaṁ mohavinayapariyosānaṁ .pe. Amatogadhaṁ amataparāyanaṁ
amatapariyosānaṁ .pe. Nibbānaninnaṁ nibbānapoṇaṁ nibbānapabbhāraṁ.
Imāsaṁ kho bhikkhave tissannaṁ taṇhānaṁ 2 abhiññāya
pariññāya parikkhayāya pahānāya .pe. Ayaṁ ariyo aṭṭhaṅgiko
maggo bhāvetabboti.
Esanāvaggo niṭṭhito.
Tassuddānaṁ
esanā vidhā āsavo dukkhatā ca tisso khilā
malaṁ nigho ca vedanā duvena taṇhāyena cāti 3 .
---------
1 Ma. Yu. tasinā. 2 Ma. Yu. tasinānaṁ. 3 Ma. Yu. dve taṇhā tasināya cāti.
Oghavaggo terasamo

[333] Sāvatthīnidānaṁ. Cattārome bhikkhave oghā. Katame
cattāro. Kāmogho bhavogho diṭṭhogho avijjogho. Ime
kho bhikkhave cattāro oghā.