[104] Katamo ca bhikkhave sāmaññattho. Yo kho
bhikkhave rāgakkhayo dosakkhayo mohakkhayo. Ayaṁ vuccati bhikkhave
sāmaññatthoti.

[105] Sāvatthīnidānaṁ. Brahmaññañca vo bhikkhave desissāmi
1-2 Ma. kho.
Brahmaññaphalāni ca taṁ suṇātha.

[106] Katamañca [1]- bhikkhave brahmaññaṁ. Ayamevāriyo aṭṭhaṅgiko
maggo. Seyyathīdaṁ. Sammādiṭṭhi .pe. Sammāsamādhi. Idaṁ
vuccati bhikkhave brahmaññaṁ.

[107] Katamāni ca bhikkhave brahmaññaphalāni. Sotāpattiphalaṁ
sakadāgāmiphalaṁ anāgāmiphalaṁ arahattaphalaṁ. Imāni vuccanti bhikkhave
brahmaññaphalānīti.

[108] Sāvatthīnidānaṁ. Brahmaññañca vo bhikkhave desissāmi
brahmaññatthañca taṁ suṇātha.

[109] Katamañca bhikkhave brahmaññaṁ. Ayameva ariyo
aṭṭhaṅgiko maggo. Seyyathīdaṁ. Sammādiṭṭhi .pe. Sammāsamādhi.
Idaṁ vuccati bhikkhave brahmaññaṁ.

[110] Katamo ca bhikkhave brahmaññattho. Yo ca 2
bhikkhave rāgakkhayo dosakkhayo mohakkhayo. Ayaṁ vuccati bhikkhave
brahmaññatthoti.

[111] Sāvatthīnidānaṁ. Brahmacariyañca vo bhikkhave desissāmi
brahmacariyaphalāni ca taṁ suṇātha.

[112] Katamañca bhikkhave brahmacariyaṁ. Ayamevāriyo aṭṭhaṅgiko
maggo. Seyyathīdaṁ. Sammādiṭṭhi .pe. Sammāsamādhi. Idaṁ
vuccati bhikkhave brahmacariyaṁ.
1-2 Ma. Yu. kho.

[113] Katamāni ca bhikkhave brahmacariyaphalāni. Sotāpattiphalaṁ
sakadāgāmiphalaṁ anāgāmiphalaṁ arahattaphalaṁ. Imāni vuccanti bhikkhave
brahmacariyaphalānīti.