[94] Katamo ca bhikkhave sammāpaṭipanno. Idha bhikkhave
ekacco sammādiṭṭhiko hoti .pe. Sammāsamādhi. Ayaṁ vuccati
bhikkhave sammāpaṭipannoti.

[95] Sāvatthīnidānaṁ. Yesaṁ kesañci bhikkhave ariyo aṭṭhaṅgiko
maggo viraddho viraddho tesaṁ ariyo aṭṭhaṅgiko maggo sammādukkhakkhayagāmī.
Yesaṁ kesañci bhikkhave ariyo aṭṭhaṅgiko maggo āraddho
āraddho tesaṁ ariyo aṭṭhaṅgiko maggo sammādukkhakkhayagāmī.
1 Yu. ayaṁ pāṭho natthi.

[96] Katamo ca bhikkhave ariyo aṭṭhaṅgiko maggo. Seyyathīdaṁ.
Sammādiṭṭhi .pe. Sammāsamādhi. Yesaṁ kesañci [1]- ariyo aṭṭhaṅgiko
maggo viraddho viraddho tesaṁ ariyo aṭṭhaṅgiko maggo sammādukkhakkhayāgāmī.
Yesaṁ kesañci bhikkhave ariyo aṭṭhaṅgiko maggo
āraddho āraddho tesaṁ ariyo aṭṭhaṅgiko maggo sammādukkhakkhayagāmīti.

[97] Sāvatthīnidānaṁ. Aṭṭhime bhikkhave dhammā bhāvitā
bahulīkatā apārā pāraṁ gamanāya saṁvattanti. Katame aṭṭha.
Seyyathīdaṁ. Sammādiṭṭhi .pe. Sammāsamādhi. Ime kho [2]- aṭṭha
dhammā bhāvitā bahulīkatā apārā pāraṁ gamanāya saṁvattantīti.
Idamavoca bhagavā idaṁ vatvāna sugato athāparaṁ etadavoca
satthā

[98] Appakā te manussesu ye janā pāragāmino
athāyaṁ itarā pajā tīramevānudhāvati.
Ye ca kho sammadakkhāte dhamme dhammānuvattino
te janā pāramessanti maccudheyyaṁ suduttaraṁ.
Kaṇhaṁ dhammaṁ vippahāya sukkaṁ bhāvetha paṇḍito
okā anokamāgamma viveke yattha dūramaṁ
tatrābhiratimiccheyya hitvā kāme akiñcano
pariyodapeyya attānaṁ cittaklesehi paṇḍito.
1 Ma. Yu. bhikkhave ayaṁ .... 2 Po. Ma. Yu. bhikkhave.
Yesaṁ sambodhiyaṅgesu sammā cittaṁ subhāvitaṁ
ādānapaṭinissagge anupādāya ye ratā
khīṇāsavā jutimanto te loke parinibbutāti.

[99] Sāvatthīnidānaṁ. Sāmaññañca vo bhikkhave desessāmi
sāmaññaphalāni ca taṁ suṇātha.

[100] Katamañca [1]- bhikkhave sāmaññaṁ. Ayamevāriyo aṭṭhaṅgiko
maggo. Seyyathīdaṁ. Sammādiṭṭhi .pe. Sammāsamādhi. Idaṁ
vuccati bhikkhave sāmaññaṁ.

[101] Katamāni ca bhikkhave sāmaññaphalāni. Sotāpattiphalaṁ
sakadāgāmiphalaṁ anāgāmiphalaṁ arahattaphalaṁ. Imāni vuccanti bhikkhave
sāmaññaphalāni.

[102] Sāvatthīnidānaṁ. Sāmaññañca vo bhikkhave desissāmi
sāmaññatthañca taṁ suṇātha.

[103] Katamañca [2]- bhikkhave sāmaññaṁ. Ayamevāriyo aṭṭhaṅgiko
maggo. Seyyathīdaṁ. Sammādiṭṭhi .pe. Sammāsamādhi. Idaṁ
vuccati bhikkhave sāmaññaṁ.