[512] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena āyasmato
ānandassa upajjhāyo āyasmā veḷaṭṭhasīso 1 araññe viharati.
So piṇḍāya caritvā bahuṁ piṇḍapātaṁ labhitvā 1 sukkhaṁ kūraṁ ārāmaṁ
haritvā sukkhāpetvā nikkhipati yadā āhārena attho hoti
tadā udakena temetvā bhuñjati cirena gāmaṁ piṇḍāya pavisati.
Bhikkhū āyasmantaṁ veḷaṭṭhasīsaṁ etadavocuṁ kissa tvaṁ āvuso
cirena gāmaṁ piṇḍāya pavisasīti. Athakho āyasmā veḷaṭṭhasīso
bhikkhūnaṁ etamatthaṁ ārocesi. Kiṁ pana tvaṁ āvuso sannidhikārakaṁ
bhojanaṁ bhuñjasīti. Evamāvusoti. Ye te bhikkhū appicchā .pe. Te
ujjhāyanti khīyanti vipācenti kathaṁ hi nāma āyasmā veḷaṭṭhasīso
sannidhikārakaṁ bhojanaṁ bhuñjissatīti .pe. Saccaṁ kira tvaṁ veḷaṭṭhasīsa
sannidhikārakaṁ bhojanaṁ bhuñjasīti. Saccaṁ bhagavāti. Vigarahi buddho
bhagavā kathaṁ hi nāma tvaṁ veḷaṭṭhasīsa sannidhikārakaṁ bhojanaṁ
bhuñjissasi netaṁ veḷaṭṭhasīsa appasannānaṁ vā pasādāya pasannānaṁ
vā bhiyyobhāvāya .pe. Evañca pana bhikkhave imaṁ sikkhāpadaṁ
uddiseyyātha yo pana bhikkhu sannidhikārakaṁ khādanīyaṁ vā bhojanīyaṁ
1 Ma. Yu. belaṭṭhasīso. evamuparipi. 2 Ma. idaṁ pāṭhattayaṁ natthi.
Vā khādeyya vā bhuñjeyya vā pācittiyanti.

[513] Yo panāti yo yādiso .pe. Bhikkhūti .pe. Ayaṁ
imasmiṁ atthe adhippeto bhikkhūti. Sannidhikārakaṁ nāma ajja
paṭiggahitaṁ aparajja khāditaṁ hoti. Khādanīyaṁ nāma pañca bhojanāni
yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ
nāma. Bhojanīyaṁ nāma pañca bhojanāni odano kummāso sattu
maccho maṁsaṁ. Khādissāmi bhuñjissāmīti paṭiggaṇhāti āpatti
dukkaṭassa. Ajjhohāre ajjhohāre āpatti pācittiyassa.

[514] Sannidhikārake sannidhikārakasaññī khādanīyaṁ vā bhojanīyaṁ vā
khādati vā bhuñjati vā āpatti pācittiyassa. Sannidhikārake
vematiko khādanīyaṁ vā bhojanīyaṁ vā khādati vā bhuñjati vā āpatti
pācittiyassa. Sannidhikārake asannidhikārakasaññī khādanīyaṁ vā
bhojanīyaṁ vā khādati vā bhuñjati vā āpatti pācittiyassa.
Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti
āpatti dukkaṭassa. Ajjhohāre ajjhohāre āpatti dukkaṭassa.
Asannidhikārake sannidhikārakasaññī āpatti dukkaṭassa.
Asannidhikārake vematiko āpatti dukkaṭassa. Asannidhikārake
asannidhikārakasaññī anāpatti.

[515] Anāpatti yāvakālikaṁ yāvakāle nidahitvā bhuñjati
yāmakālikaṁ yāme nidahitvā bhuñjati sattāhakālikaṁ sattāhaṁ
Nidahitvā bhuñjati yāvajīvikaṁ sati paccaye paribhuñjati
ummattakassa ādikammikassāti.
Aṭṭhamasikkhāpadaṁ niṭṭhitaṁ.
---------
Navamasikkhāpadaṁ

[516] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena chabbaggiyā
bhikkhū paṇītabhojanāni attano atthāya viññāpetvā bhuñjanti.
Manussā ujjhāyanti khīyanti vipācenti kathaṁ hi nāma samaṇā
sakyaputtiyā paṇītabhojanāni attano atthāya viññāpetvā
bhuñjissanti kassa sampannaṁ na manāpaṁ kassa sāduṁ na ruccatīti.
Assosuṁ kho bhikkhū tesaṁ manussānaṁ ujjhāyantānaṁ khīyantānaṁ
vipācentānaṁ. Ye te bhikkhū appicchā .pe. Te ujjhāyanti
khīyanti vipācenti kathaṁ hi nāma chabbaggiyā bhikkhū paṇītabhojanāni
attano atthāya viññāpetvā bhuñjissantīti .pe. Saccaṁ kira
tumhe bhikkhave paṇītabhojanāni attano atthāya viññāpetvā
bhuñjathāti. Saccaṁ bhagavāti. Vigarahi buddho bhagavā kathaṁ hi
nāma tumhe moghapurisā paṇītabhojanāni attano atthāya viññāpetvā
bhuñjissatha netaṁ moghapurisā appasannānaṁ vā pasādāya
pasannānaṁ vā bhiyyobhāvāya .pe. Evañca pana bhikkhave imaṁ
sikkhāpadaṁ uddiseyyātha yāni kho pana tāni paṇītabhojanāni
seyyathīdaṁ sappi navanītaṁ telaṁ madhu phāṇitaṁ maccho maṁsaṁ khīraṁ dadhi.
Yo pana bhikkhu evarūpāni paṇītabhojanāni attano atthāya
Viññāpetvā bhuñjeyya pācittiyanti. Evañcidaṁ bhagavatā bhikkhūnaṁ
sikkhāpadaṁ paññattaṁ hoti.

[517] Tena kho pana samayena bhikkhū gilānā honti.
Gilānapucchakā bhikkhū gilāne bhikkhū etadavocuṁ kaccāvuso khamanīyaṁ
kacci yāpanīyanti. Pubbe mayaṁ āvuso paṇītabhojanāni attano
atthāya viññāpetvā bhuñjāma tena no phāsu hoti idāni
pana bhagavatā paṭikkhittanti kukkuccāyantā na viññāpema tena
no na phāsu hotīti. Bhagavato etamatthaṁ ārocesuṁ. Athakho
bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū
āmantesi anujānāmi bhikkhave gilānena bhikkhunā paṇītabhojanāni
attano atthāya viññāpetvā bhuñjituṁ evañca pana bhikkhave
imaṁ sikkhāpadaṁ uddiseyyātha yāni kho pana tāni paṇītabhojanāni
seyyathīdaṁ sappi navanītaṁ telaṁ madhu phāṇitaṁ maccho maṁsaṁ khīraṁ dadhi.
Yo pana bhikkhu evarūpāni paṇītabhojanāni agilāno attano atthāya
viññāpetvā bhuñjeyya pācittiyanti.

[518] Yāni kho pana tāni paṇītabhojanānīti sappi nāma
gosappi vā ajikāsappi vā mahisasappi vā 1 yesaṁ maṁsaṁ kappati
tesaṁ sappi. Navanītaṁ nāma tesaṁyeva navanītaṁ. Telaṁ nāma tilatelaṁ
sāsapatelaṁ madhukatelaṁ eraṇḍatelaṁ vasātelaṁ. Madhu nāma makkhikāmadhu
1 Ma. Yu. mahiṁsasappi vā. evamuparipi.
Phāṇitaṁ nāma ucchumhā nibbattaṁ. Maccho nāma udakacaro 1
vuccati. Maṁsaṁ nāma yesaṁ maṁsaṁ kappati tesaṁ maṁsaṁ. Khīraṁ nāma
gokhīraṁ vā ajikākhīraṁ vā mahisakhīraṁ vā yesaṁ maṁsaṁ kappati tesaṁ
khīraṁ. Dadhi nāma tesaṁyeva dadhi.

[519] Yo panāti yo yādiso .pe. Bhikkhūti .pe. Ayaṁ
imasmiṁ atthe adhippeto bhikkhūti. Evarūpāni paṇītabhojanānīti
tathārūpāni paṇītabhojanāni. Agilāno nāma yassa vinā paṇītabhojanāni
phāsu hoti. Gilāno nāma yassa vinā paṇītabhojanāni
na phāsu hoti. Agilāno attano atthāya viññāpeti payoge
dukkaṭaṁ. Paṭilābhena bhuñjissāmīti paṭiggaṇhāti āpatti
dukkaṭassa. Ajjhohāre ajjhohāre āpatti pācittiyassa.

[520] Agilāno agilānasaññī paṇītabhojanāni attano atthāya
viññāpetvā bhuñjati āpatti pācittiyassa. Agilāno vematiko
paṇītabhojanāni attano atthāya viññāpetvā bhuñjati āpatti
pācittiyassa. Agilāno gilānasaññī paṇītabhojanāni attano
atthāya viññāpetvā bhuñjati āpatti pācittiyassa. Gilāno
agilānasaññī āpatti dukkaṭassa. Gilāno vematiko āpatti
dukkaṭassa. Gilāno gilānasaññī anāpatti.
1 sabbattha īdisoyeva pāṭho dissati bhikkhunīvibhaṅgassa pāṭidesanīyakaṇḍe pana
sabbatthāpi odakoti dissati. vicāretvā gahetabbaṁ.

[521] Anāpatti gilānassa gilāno hutvā viññāpetvā
agilāno bhuñjati gilānassa sesakaṁ bhuñjati ñātakānaṁ pavāritānaṁ
aññassatthāya attano dhanena ummattakassa ādikammikassāti.
Navamasikkhāpadaṁ niṭṭhitaṁ.
---------
Dasamasikkhāpadaṁ