[452] Tena kho pana samayena sambahulā bhikkhū ca bhikkhuniyo
Ca sāketā sāvatthiṁ addhānamaggapaṭipannā honti. Athakho tā
bhikkhuniyo te bhikkhū passitvā etadavocuṁ mayaṁpi ayyehi saddhiṁ
gamissāmāti. Na bhagini kappati bhikkhuniyā saddhiṁ saṁvidhāya ekaddhānamaggaṁ
paṭipajjituṁ tumhe vā paṭhamaṁ gacchatha mayaṁ vā gamissāmāti.
Ayyā bhante aggapurisā ayyā va paṭhamaṁ gacchantūti. Athakho
tāsaṁ bhikkhunīnaṁ pacchā gacchantīnaṁ antarāmagge corā acchindiṁsu
ceva dūsesuñca. Athakho tā bhikkhuniyo sāvatthiṁ gantvā bhikkhunīnaṁ
etamatthaṁ ārocesuṁ. Bhikkhuniyo bhikkhūnaṁ etamatthaṁ ārocesuṁ.
Bhikkhū bhagavato etamatthaṁ ārocesuṁ. Athakho bhagavā etasmiṁ
nidāne etasmiṁ pakaraṇe dhammiṁ kathaṁ katvā bhikkhū āmantesi
anujānāmi bhikkhave satthagamanīye magge sāsaṅkasammate sappaṭibhaye
bhikkhuniyā saddhiṁ saṁvidhāya ekaddhānamaggaṁ paṭipajjituṁ evañca pana
bhikkhave imaṁ sikkhāpadaṁ uddiseyyātha yo pana bhikkhu bhikkhuniyā
saddhiṁ saṁvidhāya ekaddhānamaggaṁ paṭipajjeyya antamaso gāmantarampi
aññatra samayā pācittiyaṁ. Tatthāyaṁ samayo satthagamanīyo
hoti maggo sāsaṅkasammato sappaṭibhayo ayaṁ tattha samayoti.

[453] Yo panāti yo yādiso .pe. Bhikkhūti .pe. Ayaṁ
imasmiṁ atthe adhippeto bhikkhūti. Bhikkhunī nāma ubhatosaṅghe
upasampannā. Saddhinti ekato. Saṁvidhāyāti gacchāma bhagini
gacchāma ayya gacchāma ayya 1 gacchāma bhagini ajja vā
1 Ma. gacchāmāyya gacchāmāyya. evamīdisesu ṭhānesu.
Hiyyo vā pare vā gacchāmāti saṁvidahati āpatti dukkaṭassa.
Antamaso gāmantarampīti kukkuṭasampāte gāme gāmantare āpatti
pācittiyassa. Agāmake araññe aḍḍhayojane aḍḍhayojane
āpatti pācittiyassa. Aññatra samayāti ṭhapetvā samayaṁ.
Satthagamanīyo nāma maggo na sakkā hoti vinā satthena gantuṁ.
Sāsaṅkaṁ nāma tasmiṁ magge corānaṁ niviṭṭhokāso dissati bhuttokāso
dissati ṭhitokāso dissati nisinnokāso dissati nipannokāso
dissati. Sappaṭibhayaṁ nāma tasmiṁ magge corehi manussā hatā
dissanti viluttā dissanti ākoṭitā dissanti. Sappaṭibhayaṁ
gantvā appaṭibhayaṁ passitvā 1 uyyojetabbā gacchatha bhaginiyoti.

[454] Saṁvidahite saṁvidahitasaññī ekaddhānamaggaṁ paṭipajjati
antamaso gāmantarampi aññatra samayā āpatti pācittiyassa.
Saṁvidahite vematiko ekaddhānamaggaṁ paṭipajjati antamaso gāmantarampi
aññatra samayā āpatti pācittiyassa. Saṁvidahite asaṁvidahitasaññī
ekaddhānamaggaṁ paṭipajjati antamaso gāmantarampi aññatra
samayā āpatti pācittiyassa. Bhikkhu saṁvidahati bhikkhunī na
saṁvidahati āpatti dukkaṭassa. Asaṁvidahite saṁvidahitasaññī
āpatti dukkaṭassa. Asaṁvidahite vematiko āpatti dukkaṭassa.
Asaṁvidahite asaṁvidahitasaññī anāpatti.

[455] Anāpatti samaye asaṁvidahitvā gacchanti bhikkhunī
1 Ma. dassetvā.
Saṁvidahati bhikkhu na saṁvidahati visaṅketena gacchanti āpadāsu
ummattakassa ādikammikassāti.
Sattamasikkhāpadaṁ niṭṭhitaṁ.
-------
Aṭṭhamasikkhāpadaṁ

[456] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena chabbaggiyā bhikkhū
bhikkhunīhi saddhiṁ saṁvidhāya ekanāvaṁ 1 abhirūhanti. Manussā ujjhāyanti
khīyanti vipācenti yatheva mayaṁ sappajāpatikā ekanāvāya 2 kīḷāma
evamevime samaṇā sakyaputtiyā bhikkhunīhi saddhiṁ saṁvidhāya ekanāvāya 3
kīḷantīti. Assosuṁ kho bhikkhū tesaṁ manussānaṁ ujjhāyantānaṁ
khīyantānaṁ vipācentānaṁ. Ye te bhikkhū appicchā .pe. Te
ujjhāyanti khīyanti vipācenti kathaṁ hi nāma chabbaggiyā bhikkhū
bhikkhunīhi saddhiṁ saṁvidhāya ekanāvaṁ 4 abhirūhissantīti. Athakho ge
bhikkhū bhagavato etamatthaṁ ārocesuṁ. Athakho bhagavā chabbaggiye
bhikkhū paṭipucchi saccaṁ kira tumhe bhikkhave bhikkhunīhi saddhiṁ saṁvidhāya
ekanāvaṁ abhirūhathāti. Saccaṁ bhagavāti. Vigarahi buddho bhagavā
kathaṁ hi nāma tumhe moghapurisā bhikkhunīhi saddhiṁ saṁvidhāya ekanāvaṁ
abhirūhissatha netaṁ moghapurisā appasannānaṁ vā pasādāya .pe.
Evañca pana bhikkhave imaṁ sikkhāpadaṁ uddiseyyātha yo pana bhikkhu
bhikkhuniyā saddhiṁ saṁvidhāya ekanāvaṁ abhirūheyya 5 uddhagāminiṁ 6 vā
1-4 Ma. Yu. ekaṁ nāvaṁ. evamīdisesu padesu. 2-3 Ma. Yu. nāvāya.
5 Ma. abhiruheyya. evamuparipi. 6 uddhaṅgāminintipi pāṭho.
Adhogāminiṁ vā pācittiyanti. Evañcidaṁ bhagavatā bhikkhūnaṁ
sikkhāpadaṁ paññattaṁ hoti.

[457] Tena kho pana samayena sambahulā bhikkhū ca bhikkhuniyo ca
sāketā sāvatthiṁ addhānamaggapaṭipannā honti. Antarāmagge
nadī uttaritabbā 1 hoti. Athakho tā bhikkhuniyo te bhikkhū
etadavocuṁ mayaṁpi ayyehi saddhiṁ uttarissāmāti. Na bhagini kappati
bhikkhuniyā saddhiṁ saṁvidhāya ekanāvaṁ abhirūhituṁ tumhe vā paṭhamaṁ
uttaratha mayaṁ vā uttarissāmāti. Ayyā bhante aggapurisā
ayyā va paṭhamaṁ uttarantūti. Athakho tāsaṁ bhikkhunīnaṁ pacchā
uttarantīnaṁ corā acchindiṁsu ceva dūsesuñca. Athakho tā
bhikkhuniyo sāvatthiṁ gantvā bhikkhunīnaṁ etamatthaṁ ārocesuṁ.
Bhikkhuniyo bhikkhūnaṁ etamatthaṁ ārocesuṁ. Bhikkhū bhagavato etamatthaṁ
ārocesuṁ. Athakho bhagavā etasmiṁ nidāne etasmiṁ pakaraṇe dhammiṁ
kathaṁ katvā bhikkhū āmantesi anujānāmi bhikkhave tiriyantaraṇāya
bhikkhuniyā saddhiṁ saṁvidhāya ekanāvaṁ abhirūhituṁ evañca pana bhikkhave
imaṁ sikkhāpadaṁ uddiseyyātha yo pana bhikkhu bhikkhuniyā saddhiṁ
saṁvidhāya ekanāvaṁ abhirūheyya uddhagāminiṁ vā adhogāminiṁ vā
aññatra tiriyantaraṇāya 2 pācittiyanti.

[458] Yo panāti yo yādiso .pe. Bhikkhūti .pe. Ayaṁ
imasmiṁ atthe adhippeto bhikkhūti. Bhikkhunī nāma ubhatosaṅghe
1 Ma. taritabbā. 2 Ma. tiriyaṁ taraṇāya. evamīdisesu padesu.
Upasampannā. Saddhinti ekato. Saṁvidhāyāti abhirūhāma bhagini
abhirūhāma ayya abhirūhāma ayya abhirūhāma bhagini ajja vā
hiyyo vā pare vā abhirūhāmāti saṁvidahati āpatti dukkaṭassa.
Bhikkhuniyā abhirūḷhe bhikkhu abhirūhati āpatti pācittiyassa.
Bhikkhusmiṁ abhirūḷhe bhikkhunī abhirūhati āpatti pācittiyassa.
Ubhato vā abhirūhati āpatti pācittiyassa. Uddhagāmininti
ujjavanikāya. Adhogāmininti ojavanikāya. Aññatra tiriyantaraṇāyāti
ṭhapetvā tiriyantaraṇaṁ. Kukkuṭasampāte gāme gāmantare
gāmantare āpatti pācittiyassa. Agāmake araññe aḍḍhayojane
aḍḍhayojane āpatti pācittiyassa.

[459] Saṁvidahite saṁvidahitasaññī ekanāvaṁ abhirūhati uddhagāminiṁ
vā adhogāminiṁ vā aññatra tiriyantaraṇāya āpatti pācittiyassa.
Saṁvidahite vematiko ekanāvaṁ abhirūhati uddhagāminiṁ vā adhogāminiṁ
vā aññatra tiriyantaraṇāya āpatti pācittiyassa. Saṁvidahite
asaṁvidahitasaññī ekanāvaṁ abhirūhati uddhagāminiṁ vā adhogāminiṁ vā
aññatra tiriyantaraṇāya āpatti pācittiyassa. Bhikkhu saṁvidahati
bhikkhunī na saṁvidahati āpatti dukkaṭassa. Asaṁvidahite saṁvidahitasaññī
āpatti dukkaṭassa. Asaṁvidahite vematiko āpatti dukkaṭassa.
Asaṁvidahite asaṁvidahitasaññī anāpatti.

[460] Anāpatti tiriyantaraṇāya asaṁvidahitvā abhirūhanti
Bhikkhunī saṁvidahati bhikkhu na saṁvidahati visaṅketena abhirūhanti āpadāsu
ummattakassa ādikammikassāti.
Aṭṭhamasikkhāpadaṁ niṭṭhitaṁ.
-------
Navamasikkhāpadaṁ

[461] Tena samayena buddho bhagavā rājagahe viharati veḷuvane
kalandakanivāpe. Tena kho pana samayena thullanandā bhikkhunī
aññatarassa kulassa kulupikā hoti niccabhattikā. Tena ca
gahapatinā therā bhikkhū nimantitā honti. Athakho thullanandā
bhikkhunī pubbaṇhasamayaṁ nivāsetvā pattacīvaramādāya yena taṁ kulaṁ
tenupasaṅkami upasaṅkamitvā taṁ gahapatiṁ etadavoca kimidaṁ gahapati
pahūtaṁ khādanīyaṁ bhojanīyaṁ paṭiyattanti. Therā mayā ayye nimantitāti.
Ke pana te gahapati therāti. Ayyo sārīputto ayyo
mahāmoggallāno ayyo mahākaccāno ayyo mahākoṭṭhito ayyo
mahākappino ayyo mahācundo ayyo anuruddho ayyo revato
ayyo upāli ayyo ānando ayyo rāhuloti. Kiṁ pana tvaṁ
gahapati mahānāge tiṭṭhamāne cetake nimantesīti. Ke pana te
ayye mahānāgāti. Ayyo devadatto ayyo kokāliko ayyo
katamorakatissako 1 ayyo khaṇḍadeviyā putto ayyo samuddadattoti.
Ayañcarahi thullanandāya bhikkhuniyā antarā kathā vippakatā.
Atha [2]- therā bhikkhū pavisiṁsu. Saccaṁ mahānāgā kho tayā
gahapati nimantitāti. Idāneva kho tvaṁ ayye cetake akāsi
1 Ma. kaṭamodakatissako. 2 Ma. Yu. te.
Idāni mahānāgeti gehato 1 ca nikkaḍḍhi niccabhattañca upacchindi 2 .
Ye te bhikkhū appicchā .pe. Te ujjhāyanti khīyanti vipācenti
kathaṁ hi nāma devadatto jānaṁ bhikkhunīparipācitaṁ piṇḍapātaṁ bhuñjissatīti
.pe. Saccaṁ kira tvaṁ devadatta jānaṁ bhikkhunīparipācitaṁ piṇḍapātaṁ
bhuñjasīti. Saccaṁ bhagavāti. Vigarahi buddho bhagavā kathaṁ hi
nāma tvaṁ moghapurisa jānaṁ bhikkhunīparipācitaṁ piṇḍapātaṁ bhuñjissasi
netaṁ moghapurisa appasannānaṁ vā pasādāya .pe. Evañca
pana bhikkhave imaṁ sikkhāpadaṁ uddiseyyātha yo pana bhikkhu jānaṁ
bhikkhunīparipācitaṁ piṇḍapātaṁ bhuñjeyya pācittiyanti. Evañcidaṁ
bhagavatā bhikkhūnaṁ sikkhāpadaṁ paññattaṁ hoti.