[271] Seyyathāpi bhikkhave yā kāci tārakarūpānaṁ pabhā sabbā
tā candimappabhāya kalaṁ nāgghanti soḷasiṁ candappabhā tāsaṁ
aggamakkhāyati. Evameva kho bhikkhave aniccasaññā bhāvitā .pe.

[272] Seyyathāpi bhikkhave saradasamaye visuddhe 4 vigatabalāhake
deve ādicco nabhaṁ abbhussakkamāno 5 sabbaṁ ākāsagataṁ tamagataṁ 6
abhivihacca bhāsate ca tapate ca virocate ca. Evameva kho
bhikkhave aniccasaññā bhāvitā bahulīkatā sabbaṁ kāmarāgaṁ pariyādiyati
sabbaṁ rūparāgaṁ pariyādiyati sabbaṁ bhavarāgaṁ pariyādiyati sabbaṁ
avijjaṁ pariyādiyati sabbaṁ asmimānaṁ samūhanati 7 .
1 Ma. kālānusārigandho. 2 Po. Yu. maddarājāno kuḍḍarājāno. 3 anuyuttātipi
pāṭho. 4 Ma. Yu. viddhe. 5 Yu. abbhussukkamāno. 6 Po. avitabbaṁ.
7 Po. Yu. sabbavāresu samūhantīti dissati.

[273] Kathaṁ bhāvitā ca bhikkhave aniccasaññā kathaṁ bahulīkatā
sabbaṁ kāmarāgaṁ pariyādiyati .pe. Sabbaṁ asmimānaṁ samūhanati.
Iti rūpaṁ iti rūpassa samudayo iti rūpassa atthaṅgamo iti
vedanā. Iti saññā. Iti saṅkhārā. Iti viññāṇaṁ iti
viññāṇassa samudayo iti viññāṇassa atthaṅgamoti. Evaṁ
bhāvitā kho bhikkhave aniccasaññā evaṁ bahulīkatā sabbaṁ kāmarāgaṁ
pariyādiyati sabbaṁ rūparāgaṁ pariyādiyati sabbaṁ bhavarāgaṁ pariyādiyati
sabbaṁ avijjaṁ pariyādiyati sabbaṁ asmimānaṁ samūhanatīti.
Pupphavaggo pañcamo.
Tassuddānaṁ.
Nadī pupphañca pheṇañca gomayañca nakhasikhaṁ
sāmuddakaṁ dve ca gaddūlā nāvasaññāya te dasāti 1 .
Majjhimapaṇṇāsako samatto.
Tassa majjhimapaṇṇāsakassa vagguddānaṁ
upāyo arahanto ca khajjanitherasavhayaṁ 2
pupphavaggena paṇṇāsa dutiyo 3 tena pavuccati.
--------------
1 Ma. suddhikaṁ dve ca gaddūlā vāsijaṭaṁ aniccatāti. 2 Yu. khajjanitherasambhayaṁ.
3 Ma. Yu. dutiyo tena vuccatīti.
Khandhasaṁyuttassa cullapaṇṇāsake antavaggo paṭhamo

[274] Sāvatthī .pe. Tatra .pe. Avoca cattārome
bhikkhave antā. Katame cattāro. Sakkāyanto sakkāyasamudayanto
sakkāyanirodhanto sakkāyanirodhagāminīpaṭipadanto.

[275] Katamo ca bhikkhave sakkāyanto. Pañcupādānakkhandhātissa
vacanīyaṁ. Katame pañca. Seyyathīdaṁ. Rūpūpādānakkhandho
vedanūpādānakkhandho saññūpādānakkhandho saṅkhārūpādānakkhandho
viññāṇūpādānakkhandho. Ayaṁ vuccati bhikkhave sakkāyanto.

[276] Katamo ca bhikkhave sakkāyasamudayanto. Yāyaṁ taṇhā
ponobbhavikā nandirāgasahagatā tatratatrābhinandinī. Seyyathīdaṁ.
Kāmataṇhā bhavataṇhā vibhavataṇhā. Ayaṁ vuccati bhikkhave sakkāyasamudayanto.

[277] Katamo ca bhikkhave sakkāyanirodhanto. Yo tassā yeva
taṇhāya asesavirāganirodho cāgo paṭinissaggo mutti anālayo.
Ayaṁ vuccati bhikkhave sakkāyanirodhanto.

[278] Katamo ca bhikkhave sakkāyanirodhagāminīpaṭipadanto.
Ayameva 1 ariyo aṭṭhaṅgiko maggo. Seyyathīdaṁ. Sammādiṭṭhi sammā-
saṅkappo sammāvācā sammākammanto sammāājīvo sammāvāyāmo
sammāsati sammāsamādhi. Ayaṁ vuccati bhikkhave sakkāyanirodhagāminīpaṭipadanto.
1 Po. ayamevāti natthi.
Ime kho bhikkhave cattāro antāti.

[279] Sāvatthī. Dukkhañca vo bhikkhave desissāmi 1 dukkhasamudayañca
dukkhanirodhañca dukkhanirodhagāminīpaṭipadañca taṁ suṇātha.

[280] Katamañca bhikkhave dukkhaṁ. Pañcupādānakkhandhātissa
vacanīyaṁ. Katame pañca. Seyyathīdaṁ. Rūpūpādānakkhandho .pe.
Viññāṇūpādānakkhandho. Idaṁ vuccati bhikkhave dukkhaṁ.