[241] Seyyathāpi bhikkhave uppalaṁ vā padumaṁ vā puṇḍarīkaṁ vā
udake jātaṁ udake saṁvaḍḍhaṁ 1 udakā accuggamma ṭhāti anupalittaṁ
udakena. Evameva kho bhikkhave tathāgato loke jāto 2 loke
saṁvaḍḍho 3 lokaṁ abhibhuyya viharati anupalitto lokenāti.

[242] Ekaṁ samayaṁ bhagavā ayujjhāyaṁ 4 viharati gaṅgāya nadiyā
tīre. Tatra kho bhagavā bhikkhū āmantesi seyyathāpi bhikkhave
ayaṁ gaṅgā nadī mahantaṁ pheṇapiṇḍaṁ 5 āvaheyya tamenaṁ cakkhumā
puriso passeyya nijjhāyeyya yoniso upaparikkheyya tassa 6 passato
nijjhāyato yoniso upaparikkhato rittakaññeva khāyeyya tucchakaññeva
khāyeyya asārakaññeva khāyeyya kiñhi siyā bhikkhave pheṇapiṇḍe
sāro. Evameva kho bhikkhave yaṅkiñci rūpaṁ atītānāgatapaccuppannaṁ 7
.pe. Yaṁ dūre santike vā taṁ bhikkhu passati nijjhāyati yoniso
upaparikkhati tassa passato nijjhāyato yoniso upaparikkhato
rittakaññeva khāyati tucchakaññeva khāyati asārakaññeva khāyati
kiñhi siyā bhikkhave rūpe sāro.

[243] Seyyathāpi bhikkhave saradasamaye thullaphusitake deve vassante
udake udakapubbuḷaṁ 8 uppajjati ceva nirujjhati ca tamenaṁ cakkhumā
1 saṁvaddhanti pāṭho. 2 Po. Yu. loke jātoti dve pāṭhā na dissati.
3 saṁvaddhoti vā pāṭho. 4 Yu. ayojjhāyaṁ. 5 Po. pheṇupiṇḍaṁ.
6 Ma. Yu. tanti dissati. 7 Yu. atitānāgataṁ. 8 udakabubbuḷantipi pāṭho.
Puriso passeyya nijjhāyeyya yoniso upaparikkheyya tassa passato
nijjhāyato yoniso upaparikkhato rittakaññeva khāyeyya tucchakaññeva
khāyeyya asārakaññeva khāyeyya kiñhi siyā bhikkhave udakapubbuḷe
sāro. Evameva kho bhikkhave yā kāci vedanā atītānāgatapaccuppannā
.pe. Yā dūre santike vā taṁ bhikkhu passati nijjhāyati
yoniso upaparikkhati tassa passato nijjhāyato yoniso upaparikkhato
rittakaññeva khāyati tucchakaññeva khāyati asārakaññeva
khāyati kiñhi siyā bhikkhave vedanāya sāro.

[244] Seyyathāpi bhikkhave gimhānaṁ pacchime māse ṭhite
majjhantike kāle marīci 1 phandati tamenaṁ cakkhumā puriso passeyya
nijjhāyeyya yoniso upaparikkheyya tassa passato nijjhāyato
yoniso upaparikkhato rittakaññeva khāyeyya .pe. Kiñhi siyā
bhikkhave marīcikāya sāro. Evameva kho bhikkhave yā kāci
saññā .pe.

[245] Seyyathāpi bhikkhave puriso sāratthiko sāragavesī
sārapariyesanaṁ caramāno tiṇhaṁ kudhāriṁ ādāya vanaṁ paviseyya so tattha
passeyya mahantaṁ kadalikkhandhaṁ ujuṁ navaṁ akukkujakajātaṁ 2 tamenaṁ
mūle chindeyya mūle chetvā agge chindeyya agge chetvā
pattavaṭṭiṁ vinibbhujjeyya so tattha pattavaṭṭiṁ vinibbhujjanto
1 Ma. Yu. marīcikā. 2 Sī. akukkajātaṁ. Po. akatajajātaṁ. Ma. akukkukajātaṁ.
Phegguṁpi nādhigaccheyya kuto sāraṁ tamenaṁ cakkhumā puriso passeyya
nijjhāyeyya yoniso upaparikkheyya tassa passato nijjhāyato
yoniso upaparikkhato rittakaññeva khāyeyya tucchakaññeva khāyeyya
asārakaññeva khāyeyya kiñhi siyā bhikkhave kadalikkhandhe sāro.
Evameva kho bhikkhave ye keci saṅkhārā atītānāgatapaccuppannā
.pe. Ye dūre santike vā taṁ bhikkhu passati nijjhāyati yoniso
upaparikkhati tassa passato nijjhāyato yoniso upaparikkhato
rittakaññeva khāyati tucchakaññeva khāyati asārakaññeva khāyati
kiñhi siyā bhikkhave saṅkhāresu sāro.

[246] Seyyathāpi bhikkhave māyākāro vā māyākārantevāsī
vā cātummahāpathe 1 māyaṁ vidaṁseyya tamenaṁ cakkhumā puriso passeyya
nijjhāyeyya yoniso upaparikkheyya tassa passato nijjhāyato
yoniso upaparikkhato rittakaññeva khāyeyya tucchakaññeva khāyeyya
asārakaññeva khāyeyya kiñhi siyā bhikkhave māyāya sāro.
Evameva kho bhikkhave yaṅkiñci viññāṇaṁ atītānāgatapaccuppannaṁ
.pe. Yaṁ dūre santike vā taṁ bhikkhu passati nijjhāyati yoniso
upaparikkhati tassa passato nijjhāyato yoniso upaparikkhato
rittakaññeva khāyati tucchakaññeva khāyati asārakaññeva khāyati
kiñhi siyā bhikkhave viññāṇe sāro. Evaṁ passaṁ bhikkhave
sutavā ariyasāvako rūpasmiṁpi nibbindati vedanāyapi. Saññāyapi.
1 Yu. mahāpathe.
Saṅkhāresupi. Viññāṇasmiṁpi nibbindati nibbindaṁ virajjati virāgā
vimuccati. Vimuttasmiṁ vimuttamiti ñāṇaṁ hoti .pe. Nāparaṁ
itthattāyāti pajānātīti.
Idamavoca bhagavā idaṁ vatvāna sugato athāparaṁ etadavoca
satthā

[247] Pheṇapiṇḍūpamaṁ rūpaṁ vedanā pubbuḷūpamā
marīcikūpamā saññā saṅkhārā kadalūpamā
māyūpamañca viññāṇaṁ desitādiccabandhunā 1 .
Yathā 2 yathā nijjhāyati yoniso upaparikkhati
rittakaṁ tucchakaṁ hoti yo naṁ passati yoniso.
Imañca kāyaṁ ārabbha bhūripaññena desitaṁ
pahānaṁ 3 tiṇṇaṁ dhammānaṁ rūpaṁ passatha chaḍḍitaṁ.
Āyu usmā ca viññāṇaṁ yadā kāyaṁ jahantimaṁ
apaviṭṭho tadā seti parabhattaṁ acetanaṁ.
Etādisāyaṁ santāno māyāyaṁ bālalāpinī
vadhako eko 4 akkhāto sāro ettha na vijjati.
Evaṁ khandhe avekkheyya bhikkhu āraddhavīriyo
divā vā yadi vā ratti 5 sampajāno paṭissato.
Pajahe 6 sabbasaṁyogaṁ kareyya saraṇattano
careyyādittasīsova patthayaṁ accutaṁ padanti.
1 Yu. dīpitādiccabandhunā. 2 Po. yathā naṁ nijjhati. 3 Po. pahāsi. Ma. pahānā.
4 Ma. esa. Yu. eso. 5 Ma. Yu. rattiṁ. 6 Ma. Yu. jaheyya.

[248] Sāvatthī. Atha kho aññataro bhikkhu .pe. Ekamantaṁ
nisinno kho so bhikkhu bhagavantaṁ etadavoca atthi nu kho bhante
kiñci rūpaṁ yaṁ rūpaṁ niccaṁ dhuvaṁ sassataṁ avipariṇāmadhammaṁ sassatisamaṁ
tatheva ṭhassati. Atthi nu kho bhante kāci vedanā yā vedanā
niccā dhuvā sassatā avipariṇāmadhammā sassatisamaṁ tatheva ṭhassati.
Atthi nu kho bhante kāci saññā yā saññā .pe. Atthi
nu kho bhante keci saṅkhārā ye saṅkhārā niccā dhuvā sassatā
avipariṇāmadhammā sassatisamaṁ tatheva ṭhassanti. Atthi nu kho bhante
kiñci viññāṇaṁ yaṁ viññāṇaṁ niccaṁ dhuvaṁ sassataṁ avipariṇāmadhammaṁ
sassatisamaṁ tatheva ṭhassatīti. Natthi kho bhikkhu kiñci rūpaṁ yaṁ
rūpaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassati.
Natthi kho bhikkhu kāci vedanā. Kāci saññā. Keci saṅkhārā.
Kiñci viññāṇaṁ yaṁ viññāṇaṁ niccaṁ dhuvaṁ sassataṁ avipariṇāmadhammaṁ
sassatisamaṁ tatheva ṭhassati 1 .

[249] Atha kho bhagavā parittaṁ gomayapiṇḍaṁ pāṇinā gahetvā
taṁ bhikkhuṁ etadavoca ettakopi kho bhikkhu attabhāvapaṭilābho
natthi nicco dhuvo sassato avipariṇāmadhammo sassatisamaṁ tatheva
ṭhassati. Ettako cepi bhikkhu attabhāvapaṭilābho abhavissa nicco
dhuvo sassato avipariṇāmadhammo na yidaṁ brahmacariyavāso paññāyetha
sammādukkhakkhayāya. Yasmā ca kho bhikkhu ettakopi
1 Ma. Yu. ṭhassatīti.
Attabhāvapaṭilābho natthi nicco dhuvo sassato avipariṇāmadhammo tasmā
brahmacariyavāso paññāyati sammādukkhakkhayāya.

[250] Bhūtapubbāhaṁ bhikkhu rājā ahosiṁ khattiyo muddhāvasitto.
Tassa mayhaṁ bhikkhu rañño sato khattiyassa muddhāvasittassa
caturāsīti nagarasahassāni ahesuṁ kusāvatirājadhānippamukhāni 1 .
Tassa mayhaṁ bhikkhu rañño sato khattiyassa muddhāvasittassa caturāsīti
pāsādasahassāni ahesuṁ dhammapāsādappamukhāni. Tassa mayhaṁ bhikkhu
rañño sato khattiyassa muddhāvasittassa caturāsīti kūṭāgārasahassāni
ahesuṁ mahābyūhakūṭāgārappamukhāni. Tassa mayhaṁ bhikkhu rañño
sato khattiyassa muddhāvasittassa caturāsīti pallaṅkasahassāni ahesuṁ
dantamayāni sāramayāni sovaṇṇamayāni rūpiyamayāni gonakatthatāni
paṭikatthatāni paṭalikatthatāni kadalimigapavarapaccattharaṇāni 2 sauttaracchadāni
ubhatolohitakūpadhānāni. Tassa mayhaṁ bhikkhu rañño sato
khattiyassa muddhāvasittassa caturāsīti nāgasahassāni ahesuṁ sovaṇṇālaṅkārāni
sovaṇṇadhajāni hemajālapaṭicchannāni uposathanāgarājappamukhāni.
Tassa mayhaṁ bhikkhu rañño sato khattiyassa
muddhāvasittassa caturāsīti assasahassāni ahesuṁ sovaṇṇālaṅkārāni
sovaṇṇadhajāni hemajālapaṭicchannāni valāhakāssarājappamukhāni.
Tassa mayhaṁ bhikkhu rañño sato khattiyassa muddhāvasittassa caturāsīti
rathasahassāni ahesuṁ sovaṇṇālaṅkārāni sovaṇṇadhajāni hemajālapaṭicchannāni
1 Yu. kusāvatināma. 2 Po. kadalipittapaccattharaṇāni.
Paṭicchannāni vejayantarathappamukhāni. Tassa mayhaṁ bhikkhu rañño
sato khattiyassa muddhāvasittassa caturāsīti maṇisahassāni ahesuṁ
maṇiratanappamukhāni. Tassa mayhaṁ bhikkhu rañño sato khattiyassa
muddhāvasittassa caturāsīti itthīsahassāni ahesuṁ bhaddādevippamukhāni 1 .
Tassa mayhaṁ bhikkhu .pe. Caturāsīti khattiyasahassāni ahesuṁ
anuyantāni pariṇāyakaratanappamukhāni. Tassa mayhaṁ bhikkhu .pe.
Caturāsīti dhenusahassāni ahesuṁ dukulasandanāni kaṁsūpadharaṇāni 2 . Tassa
mayhaṁ bhikkhu .pe. Caturāsīti vatthakoṭisahassāni ahesuṁ
khomasukhumāni koseyyasukhumāni kambalasukhumāni kappāsikasukhumāni. Tassa
mayhaṁ bhikkhu .pe. Caturāsīti thālipākasahassāni ahesuṁ sāyaṁ
pātaṁ bhattābhihāro abhihariyittha.