[479] Ekamantaṁ nisinnaṁ kho āyasmantaṁ mahākassapaṁ bhagavā
etadavoca *- jiṇṇosidāni tvaṁ 1 kassapa garukāni ca te imāni
sāṇāni paṁsukūlāni nibbasanāni tasmātiha tvaṁ kassapa gahapatāni
ceva cīvarāni dhārehi nimantanāni ca bhuñjāhi mama [2]- santike viharāhīti.
Ahaṁ kho bhante dīgharattaṁ āraññiko 3 ceva āraññikattassa ca
vaṇṇavādī piṇḍapātiko ceva piṇḍapātikattassa ca vaṇṇavādī
paṁsukūliko ceva paṁsukūlikattassa ca vaṇṇavādī tecīvariko ceva
tecīvarikattassa ca vaṇṇavādī appiccho ceva appicchatāya ca
vaṇṇavādī santuṭṭho ceva santuṭṭhiyā ca vaṇṇavādī pavivitto
ceva pavivekassa ca vaṇṇavādī asaṁsaṭṭho ceva asaṁsaggassa ca
vaṇṇavādī āraddhaviriyo ceva viriyārambhassa ca vaṇṇavādīti.

[480] Kimpana tvaṁ kassapa atthavasaṁ sampassamāno dīgharattaṁ
āraññiko ceva āraññikattassa ca vaṇṇavādī.
[evaṁ peyyālo]
piṇḍapātiko ceva ... Paṁsukūliko ceva ... Tecīvariko ceva ... Appiccho
ceva ... Santuṭṭho ceva ... Pavivittoceva ... Asaṁsaṭṭho ceva ...
Āraddhaviriyo ceva viriyārambhassa ca vaṇṇavādīti.
1 Ma. jiṇṇosi tvaṁ. 2 Ma. Yu. ca. 3 Yu. āraññako. evamuparipi.
* mīkārkkhag edatavoca peḌna etadavoca

[481] Dve khvāhaṁ bhante atthavase sampassamāno dīgharattaṁ
āraññiko ceva āraññikattassa ca vaṇṇavādī .pe. Piṇḍapātiko
ceva ... Paṁsukūliko ceva ... Tecīvariko ceva ... Appiccho
ceva ... Santuṭṭho ceva ... Pavivitto ceva ... Asaṁsaṭṭho ceva ...
Āraddhaviriyo ceva viriyārambhassa ca vaṇṇavādī attano ca
diṭṭhadhammasukhavihāraṁ sampassamāno pacchimañca janataṁ anukampamāno
appevanāma pacchimā janatā diṭṭhānugatiṁ āpajjeyya 1 ye kira te
ahesuṁ buddhānubuddhasāvakā te dīgharattaṁ āraññikā ceva ahesuṁ
āraññikattassa ca vaṇṇavādino .pe. Piṇḍapātikā ceva ahesuṁ ...
Paṁsukūlikā ceva ahesuṁ ... Tecīvarikā ceva ahesuṁ ... Appicchā
ceva ahesuṁ ... Santuṭṭhā ceva ahesuṁ ... Pavivittā ceva ahesuṁ ...
Asaṁsaṭṭhā ceva ahesuṁ ... Āraddhaviriyā ceva ahesuṁ viriyārambhassa
ca vaṇṇavādinoti te tathattāya paṭipajjissanti tesantaṁ bhavissati
dīgharattaṁ hitāya sukhāyāti ime kho ahaṁ bhante dve atthavase
sampassamāno dīgharattaṁ āraññiko ceva āraññikattassa ca
vaṇṇavādī piṇḍapātiko ceva ... Paṁsukūliko ceva ... Tecīvariko
ceva ... Appiccho ceva ... Santuṭṭho ceva ... Pavivitto ceva ...
Asaṁsaṭṭho ceva ... Āraddhaviriyo ceva viriyārambhassa ca vaṇṇavādīti.

[482] Sādhu sādhu kassapa bahujanahitāya kira tvaṁ kassapa
1 Ma. Yu. āpajjeyyuṁ.
Paṭipanno bahujanasukhāya lokānukampāya atthāya hitāya sukhāya
devamanussānaṁ tasmātiha tvaṁ kassapa sāṇāni ceva paṁsukūlāni
dhārehi nibbasanāni piṇḍāya carāhi araññeva 1 viharāhīti.
Pañcamaṁ.

[483] Rājagahe viharati veḷuvane ... Atha kho āyasmā
mahākassapo yena bhagavā tenusaṅkami upasaṅkamitvā bhagavantaṁ
abhivādetvā ekamantaṁ nisīdi. Ekamantaṁ nisinnaṁ kho āyasmantaṁ
mahākassapaṁ bhagavā etadavoca ovada kassapa bhikkhū karohi
kassapa bhikkhūnaṁ dhammiṁ kathaṁ ahaṁ vā kassapa bhikkhū ovadeyyaṁ tvaṁ
vā ahaṁ vā bhikkhūnaṁ dhammiṁ kathaṁ kareyyaṁ tvaṁ vāti.

[484] Dubbacā kho bhante bhagavā 2 etarahi bhikkhū dovacassakaraṇehi
karaṇehi dhammehi samannāgatā akkhamā appadakkhiṇaggāhino
anusāsaniṁ. Idhāhaṁ bhante addasaṁ bhaṇḍañca nāma bhikkhuṁ ānandassa
saddhivihāriṁ ābhijjikañca 3 nāma bhikkhuṁ anuruddhassa saddhivihāriṁ aññamaññaṁ
sutena accāvadante ehi bhikkhu ko bahutaraṁ bhāsissati
ko sundarataraṁ bhāsissati ko cirataraṁ bhāsissatīti.

[485] Atha kho bhagavā aññataraṁ bhikkhuṁ āmantesi ehi
tvaṁ bhikkhu mama vacanena bhaṇḍañca bhikkhuṁ ānandassa saddhivihāriṁ
ābhijjikañca bhikkhuṁ anuruddhassa saddhivihāriṁ āmantehi satthā
āyasmante āmantetīti. Evaṁ bhanteti kho so bhikkhu bhagavato
paṭissuṇitvā yena te bhikkhū tenupasaṅkami upasaṅkamitvā te
1 Ma. Yu. araññe ca. 2 Ma. Yu. bhagavāti pāṭho natthi. 3 Ma. abhijikañca.
Bhikkhū etadavoca satthā āyasmante āmantetīti. Evamāvusoti
kho te bhikkhū tassa bhikkhuno paṭissuṇitvā yena bhagavā tenupasaṅkamiṁsu
upasaṅkamitvā bhagavantaṁ abhivādetvā ekamantaṁ nisīdiṁsu.

[486] Ekamantaṁ nisinne kho te bhikkhū bhagavā etadavoca
saccaṁ kira tumhe bhikkhave aññamaññaṁ sutena accāvadatha ehi
bhikkhu ko bahutaraṁ bhāsissati ko sundarataraṁ bhāsissati ko cirataraṁ
bhāsissatīti. Evaṁ bhanteti. Kinnu me tumhe bhikkhave evaṁ
dhammaṁ desitaṁ ājānātha evaṁ tumhe bhikkhave aññamaññaṁ sutena
accāvadatha ehi bhikkhu ko bahutaraṁ bhāsissati ko sundarataraṁ
bhāsissati ko cirataraṁ bhāsissatīti. No hetaṁ bhante. No ce
kira me tumhe bhikkhave evaṁ dhammaṁ desitaṁ ājānātha atha
kiñcarahi tumhe moghapurisā kiṁ jānantā kiṁ passantā evaṁ svākkhāte
dhammavinaye pabbajitā samānā aññamaññaṁ sutena accāvadatha ehi
bhikkhu ko bahutaraṁ bhāsissati ko sundarataraṁ bhāsissati ko cirataraṁ
bhāsissatīti.

[487] Atha kho te bhikkhū bhagavato pādesu sirasā nipatitvā
bhagavantaṁ etadavocuṁ accayo no bhante accagamā yathābāle
yathāmūḷhe yathāakusale ye mayaṁ evaṁ svākkhāte dhammavinaye
pabbajitā samānā aññamaññaṁ sutena accāvadimhā ehi bhikkhu
ko bahutaraṁ bhāsissati ko sundarataraṁ bhāsissati ko cirataraṁ bhāsissatīti
Tesaṁ no bhante bhagavā accayaṁ accayato paṭiggaṇhātu āyatiṁ
saṁvarāyāti.

[488] Taggha tumhe bhikkhave accayo accagamā yathābāle
yathāmūḷhe yathāakusale ye tumhe evaṁ svākkhāte dhammavinaye
pabbajitā samānā aññamaññaṁ sutena accāvadittha ehi bhikkhu
ko bahutaraṁ bhāsissati ko sundarataraṁ bhāsissati ko cirataraṁ bhāsissatīti
yato ca kho tumhe bhikkhave accayaṁ accayato disvā yathādhammaṁ
paṭikarotha taṁ vo mayaṁ accayaṁ paṭiggaṇhāma vuḍḍhi hesā
bhikkhave ariyassa vinaye yo accayaṁ accayato disvā yathādhammaṁ
paṭikaroti āyatiṁ ca saṁvaraṁ āpajjatīti. Chaṭṭhaṁ.