พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake saṁyuttanikāyassa dutiyo bhāgo (เล่ม 16)

[389] Sāvatthiyaṁ viharati ... Tatra kho bhagavā ... Dhātusova
bhikkhave sattā saṁsandanti samenti kusītā kusītehi saddhiṁ saṁsandanti
samenti muṭṭhassatino muṭṭhassatīhi saddhiṁ saṁsandanti samenti
duppaññā duppaññehi saddhiṁ saṁsandanti samenti. Āraddhaviriyā
āraddhaviriyehi saddhiṁ saṁsandanti samenti upaṭṭhitassatino
upaṭṭhitassatīhi saddhiṁ saṁsandanti samenti paññavanto paññavantehi
saddhiṁ saṁsandanti samentīti. Dvādasamaṁ. [evaṁ sabbattha
atītānāgatapaccuppannaṁ kātabbaṁ].
Dutiyavaggo dutiyo.
Tassa uddānaṁ
sattimaṁ 1 sanidānañca giñjakāvasathena ca
hīnādhimutti caṅkamaṁ 2 satāpāraddhasattamaṁ 3
assaddhamūlakā pañca cattāro ahirikamūlakā
anottappamūlakā tīṇi dve appassutena ca
kusītaṁ ekakaṁ vuttaṁ suttantā tīṇi pañcakāti 4 .
[5]-
----------
1 Ma. Yu. sattimā. 2 Yu. ca kammaṁ. 3 Ma. sagāthāasaddhasattamaṁ.
Yu. sagāthāsaddhasattamaṁ.
4 Yu. anottappamūlakā tīṇi dve appasasutena ca
kusītaṁ ekakā vututā suttantā tīṇi pañcakā suttaṁ.
5 Ma. Yu. bāvīsati vuttā suttā dutiyo vaggo pavuccatīti.
Dasakammapathavaggo tatiyo

Suttantapiṭake saṁyuttanikāyassa dutiyo bhāgo (เล่ม 16)

[390] Sāvatthiyaṁ viharati ... Tatra kho bhagavā ... Dhātusova
bhikkhave sattā saṁsandanti samenti assaddhā assaddhehi saddhiṁ
saṁsandanti samenti ahirikā ahirikehi saddhiṁ saṁsandanti samenti
anottāpino anottāpīhi saddhiṁ saṁsandanti samenti asamāhitā
asamāhitehi saddhiṁ saṁsandanti samenti duppaññā duppaññehi
saddhiṁ saṁsandanti samenti. Saddhā saddhehi saddhiṁ saṁsandanti
samenti hirimanā hirimanehi saddhiṁ saṁsandanti samenti ottāpino
ottāpīhi saddhiṁ saṁsandanti samenti samāhitā samāhitehi saddhiṁ
saṁsandanti samenti paññavanto paññavantehi saddhiṁ saṁsandanti
samentīti. Paṭhamaṁ.

Suttantapiṭake saṁyuttanikāyassa dutiyo bhāgo (เล่ม 16)

[391] Sāvatthiyaṁ viharati ... Tatra kho bhagavā ... Dhātusova
bhikkhave sattā saṁsandanti samenti assaddhā assaddhehi saddhiṁ
saṁsandanti samenti ahirikā ahirikehi saddhiṁ saṁsandanti samenti
anottāpino anottāpīhi saddhiṁ saṁsandanti samenti dussīlā
dussīlehi saddhiṁ saṁsandanti samenti duppaññā duppaññehi saddhiṁ
saṁsandanti samenti. Saddhā saddhehi saddhiṁ saṁsandanti samenti
hirimanā hirimanehi saddhiṁ saṁsandanti samenti ottāpino
ottāpīhi saddhiṁ saṁsandanti samenti sīlavanto sīlavantehi saddhiṁ
Saṁsandanti samenti paññavanto paññavantehi saddhiṁ saṁsandanti
samentīti. Dutiyaṁ.

Suttantapiṭake saṁyuttanikāyassa dutiyo bhāgo (เล่ม 16)

[392] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme. Tatra kho bhagavā bhikkhū
āmantesi bhikkhavoti. Bhadanteti te bhikkhū bhagavato paccassosuṁ.

Suttantapiṭake saṁyuttanikāyassa dutiyo bhāgo (เล่ม 16)

[393] Bhagavā etadavoca dhātusova bhikkhave sattā saṁsandanti
samenti pāṇātipātino pāṇātipātīhi saddhiṁ saṁsandanti samenti
adinnādāyino adinnādāyīhi saddhiṁ saṁsandanti samenti kāmesumicchācārino
kāmesumicchācārīhi saddhiṁ saṁsandanti samenti musāvādino
musāvādīhi saddhiṁ saṁsandanti samenti surāmerayamajjapamādaṭṭhāyino
surāmerayamajjapamādaṭṭhāyīhi saddhiṁ saṁsandanti samenti.

Suttantapiṭake saṁyuttanikāyassa dutiyo bhāgo (เล่ม 16)

[394] Pāṇātipātā paṭiviratā pāṇātipātā paṭiviratehi saddhiṁ
saṁsandanti samenti adinnādānā paṭiviratā adinnādānā
paṭiviratehi saddhiṁ saṁsandanti samenti kāmesumicchācārā paṭiviratā
kāmesumicchācārā paṭiviratehi saddhiṁ saṁsandanti samenti musāvādā
paṭiviratā musāvādā paṭiviratehi saddhiṁ saṁsandanti samenti
surāmerayamajjapamādaṭṭhānā paṭiviratā surāmerayamajjapamādaṭṭhānā
paṭiviratehi saddhiṁ saṁsandanti samentīti. Tatiyaṁ.

Suttantapiṭake saṁyuttanikāyassa dutiyo bhāgo (เล่ม 16)

[395] Sāvatthiyaṁ viharati ... Tatra kho bhagavā ... Dhātusova
bhikkhave sattā saṁsandanti samenti pāṇātipātino pāṇātipātīhi
Saddhiṁ saṁsandanti samenti adinnādāyino adinnādāyīhi saddhiṁ
saṁsandanti samenti kāmesumicchācārino kāmesumicchācārīhi saddhiṁ
saṁsandanti samenti musāvādino musāvādīhi saddhiṁ saṁsandanti samenti
pisuṇavācā pisuṇavācehi saddhiṁ saṁsandanti samenti pharusavācā
pharusavācehi saddhiṁ saṁsandanti samenti samphappalāpino
samphappalāpīhi saddhiṁ saṁsandanti samenti.

Suttantapiṭake saṁyuttanikāyassa dutiyo bhāgo (เล่ม 16)

[396] Pāṇātipātā paṭiviratā ... Adinnādānā paṭiviratā ...
Kāmesumicchācārā paṭiviratā ... Musāvādā paṭiviratā ... Pisuṇāya
vācāya paṭiviratā pisuṇāya vācāya paṭiviratehi saddhiṁ saṁsandanti
samenti pharusāya vācāya paṭiviratā pharusāya vācāya paṭiviratehi
saddhiṁ saṁsandanti samenti samphappalāpā paṭiviratā samphappalāpā
paṭiviratehi saddhiṁ saṁsandanti samentīti. Catutthaṁ.

Suttantapiṭake saṁyuttanikāyassa dutiyo bhāgo (เล่ม 16)

[397] Sāvatthiyaṁ viharati ... Tatra kho bhagavā ... Dhātusova
bhikkhave sattā saṁsandanti samenti pāṇātipātino pāṇātipātīhi
saddhiṁ saṁsandanti samenti adinnādāyino ... Kāmesumicchācārino ...
Musāvādino ... Pisuṇavācā ... Pharusavācā ... Samphappalāpino
samphappalāpīhi saddhiṁ saṁsandanti samenti abhijjhāluno abhijjhālūhi
saddhiṁ saṁsandanti samenti byāpannacittā byāpannacittehi saddhiṁ
saṁsandanti samenti micchādiṭṭhikā micchādiṭṭhikehi saddhiṁ saṁsandanti
samenti.

Suttantapiṭake saṁyuttanikāyassa dutiyo bhāgo (เล่ม 16)

[398] Pāṇātipātā paṭiviratā pāṇātipātā paṭiviratehi saddhiṁ
saṁsandanti samenti adinnādānā paṭiviratā ... Kāmesumicchācārā
paṭiviratā ... Pisuṇāya vācāya ... Pharusāya vācāya ... Samphappalāpā
paṭiviratā samphappalāpā paṭiviratehi saddhiṁ saṁsandanti samenti
anabhijjhāluno anabhijjhālūhi saddhiṁ saṁsandanti samenti abyāpannacittā
abyāpannacittehi saddhiṁ saṁsandanti samenti sammādiṭṭhikā
sammādiṭṭhikehi saddhiṁ saṁsandanti samentīti. Pañcamaṁ.