[132] Tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ
karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā
añjaliṁ paggahetvā evamassa vacanīyo ayaṁ me bhante patto
ūnapañcabandhanena pattena cetāpito nissaggiyo imāhaṁ saṅghassa
nissajjāmīti. Nissajjitvā āpatti desetabbā. Byattena
bhikkhunā paṭibalena āpatti paṭiggahetabbā. Pañcahaṅgehi
samannāgato bhikkhu pattagāhāpako sammannitabbo yo na chandāgatiṁ
gaccheyya na dosāgatiṁ gaccheyya na mohāgatiṁ gaccheyya na
bhayāgatiṁ gaccheyya gahitāgahitañca jāneyya. Evañca pana bhikkhave
sammannitabbo. Paṭhamaṁ bhikkhu yācitabbo. Yācitvā byattena
bhikkhunā paṭibalena saṅgho ñāpetabbo suṇātu me bhante saṅgho
yadi saṅghassa pattakallaṁ saṅgho itthannāmaṁ bhikkhuṁ pattagāhāpakaṁ
sammanneyya. Esā ñatti. Suṇātu me bhante saṅgho saṅgho
itthannāmaṁ bhikkhuṁ pattagāhāpakaṁ sammannati. Yassāyasmato khamati
itthannāmassa bhikkhuno pattagāhāpakassa sammati so tuṇhassa
yassa nakkhamati so bhāseyya. Sammato saṅghena itthannāmo
bhikkhu pattagāhāpako. Khamati saṅghassa. Tasmā tuṇhī evametaṁ
dhārayāmīti. Tena sammatena bhikkhunā patto gāhetabbo. Thero
vattabbo gaṇhātu bhante thero pattanti. Sace thero gaṇhāti
therassa patto dutiyassa gāhetabbo na ca tassa anuddayatāya
Na gahetabbo yo na gaṇheyya āpatti dukkaṭassa.
Apattakassa na gāhetabbo. Eteneva upāyena yāva saṅghanavakā
gāhetabbo. Yo ca tassā bhikkhuparisāya pattapariyanto so ca
tassa bhikkhuno padātabbo ayante bhikkhu patto yāva bhedanāya
dhāretabboti. Tena bhikkhunā so patto na adese nikkhipitabbo na
abhogena paribhuñjitabbo na vissajjetabbo kathāyaṁ patto nasseyya
vā vinasseyya vā bhijjeyya vāti sace adese vā nikkhipati abhogena
vā paribhuñjati vissajjeti vā āpatti dukkaṭassa. Ayaṁ tattha
sāmīcīti ayaṁ tattha anudhammatā.

[133] Abandhanena pattena abandhanaṁ pattaṁ cetāpeti nissaggiyaṁ
pācittiyaṁ. Abandhanena pattena ekabandhanaṁ pattaṁ cetāpeti
nissaggiyaṁ pācittiyaṁ. Abandhanena pattena dvibandhanaṁ pattaṁ
cetāpeti nissaggiyaṁ pācittiyaṁ. Abandhanena pattena tibandhanaṁ
pattaṁ cetāpeti nissaggiyaṁ pācittiyaṁ. Abandhanena pattena
catubbandhanaṁ pattaṁ cetāpeti nissaggiyaṁ pācittiyaṁ. Ekabandhanena
pattena abandhanaṁ pattaṁ cetāpeti nissaggiyaṁ pācittiyaṁ.
Ekabandhanena pattena ekabandhanaṁ pattaṁ cetāpati nissaggiyaṁ
pācittiyaṁ. Ekabandhanena pattena dvibandhanaṁ pattaṁ cetāpeti
nissaggiyaṁ pācittiyaṁ. Ekabandhanena pattena tibandhanaṁ pattaṁ
cetāpeti nissaggiyaṁ pācittiyaṁ. Ekabandhanena pattena catubbandhanaṁ
Pattaṁ cetāpeti nissaggiyaṁ pācittiyaṁ. Dvibandhanena pattena
abandhanaṁ pattaṁ cetāpeti nissaggiyaṁ pācittiyaṁ. Dvibandhanena
pattena ekabandhanaṁ pattaṁ cetāpeti nissaggiyaṁ pācittiyaṁ.
Dvibandhanena pattena dvibandhanaṁ pattaṁ cetāpeti nissaggiyaṁ
pācittiyaṁ. Dvibandhanena pattena tibandhanaṁ pattaṁ cetāpeti
nissaggiyaṁ pācittiyaṁ. Dvibandhanena pattena catubbandhanaṁ pattaṁ
cetāpeti nissaggiyaṁ pācittiyaṁ. Tibandhanena pattena abandhanaṁ
pattaṁ cetāpeti nissaggiyaṁ pācittiyaṁ. Tibandhanena pattena
ekabandhanaṁ pattaṁ cetāpeti nissaggiyaṁ pācittiyaṁ. Tibandhanena
pattena dvibandhanaṁ pattaṁ cetāpeti nissaggiyaṁ pācittiyaṁ.
Tibandhanena pattena tibandhanaṁ pattaṁ cetāpeti nissaggiyaṁ pācittiyaṁ.
Tibandhanena pattena catubbandhanaṁ pattaṁ cetāpeti nissaggiyaṁ
pācittiyaṁ. Catubbandhanena pattena abandhanaṁ pattaṁ cetāpeti
nissaggiyaṁ pācittiyaṁ. Catubbandhanena pattena ekabandhanaṁ pattaṁ
cetāpeti nissaggiyaṁ pācittiyaṁ. Catubbandhanena pattena dvibandhanaṁ
pattaṁ cetāpeti nissaggiyaṁ pācittiyaṁ. Catubbandhanena pattena
tibandhanaṁ pattaṁ cetāpeti nissaggiyaṁ pācittiyaṁ. Catubbandhanena
pattena catubbandhanaṁ pattaṁ cetāpeti nissaggiyaṁ pācittiyaṁ.

[134] Abandhanena pattena abandhanokāsaṁ pattaṁ ... Ekabandhanokāsaṁ
pattaṁ ... Dvibandhanokāsaṁ pattaṁ ... Tibandhanokāsaṁ pattaṁ ...
Catubbandhanokāsaṁ pattaṁ cetāpeti nissaggiyaṁ pācittiyaṁ. Ekabandhanena
pattena abandhanokāsaṁ pattaṁ ... Ekabandhanokāsaṁ pattaṁ ...
Dvibandhanokāsaṁ pattaṁ ... Tibandhanokāsaṁ pattaṁ ... Catubbandhanokāsaṁ
pattaṁ cetāpeti nissaggiyaṁ pācittiyaṁ. Dvibandhanena abandhanokāsaṁ
pattaṁ ... Ekabandhanokāsaṁ pattaṁ ... Dvibandhanokāsaṁ pattaṁ ...
Tibandhanokāsaṁ pattaṁ ... Catubbandhanokāsaṁ pattaṁ cetāpeti nissaggiyaṁ
pācittiyaṁ. Tibandhanena pattena abandhanokāsaṁ pattaṁ ... Ekabandhanokāsaṁ
pattaṁ ... Dvibandhanokāsaṁ pattaṁ ... Tibandhanokāsaṁ pattaṁ ...
Catubbandhanokāsaṁ pattaṁ cetāpeti nissaggiyaṁ pācittiyaṁ. Catubbandhanena
pattena abandhanokāsaṁ pattaṁ ... Ekabandhanokāsaṁ pattaṁ ...
Dvibandhanokāsaṁ pattaṁ ... Tibandhanokāsaṁ pattaṁ ... Catubbandhanokāsaṁ
pattaṁ cetāpeti nissaggiyaṁ pācittiyaṁ.

[135] Abandhanokāsena pattena abandhanaṁ pattaṁ ... Ekabandhanaṁ
pattaṁ ... Dvibandhanaṁ pattaṁ ... Tibandhanaṁ pattaṁ ... Catubbandhanaṁ pattaṁ
cetāpeti nissaggiyaṁ pācittiyaṁ. Ekabandhanokāsena pattena
abandhanaṁ pattaṁ ... Ekabandhanaṁ pattaṁ ... Dvibandhanaṁ pattaṁ ... Tibandhanaṁ
pattaṁ ... Catubbandhanaṁ pattaṁ cetāpeti nissaggiyaṁ pācittiyaṁ.
Dvibandhanokāsena pattena abandhanaṁ pattaṁ ... Ekabandhanaṁ pattaṁ ...
Dvibandhanaṁ pattaṁ ... Tibandhanaṁ pattaṁ ... Catubbandhanaṁ pattaṁ cetāpeti
nissaggiyaṁ pācittiyaṁ. Tibandhanokāsena pattena abandhanaṁ pattaṁ ...
Ekabandhanaṁ pattaṁ ... Dvibandhanaṁ pattaṁ ... Tibandhanaṁ pattaṁ ... Catubbandhanaṁ
pattaṁ cetāpeti nissaggiyaṁ pācittiyaṁ. Catubbandhanokāsena
pattena abandhanaṁ pattaṁ ... Ekabandhanaṁ pattaṁ ... Dvibandhanaṁ
pattaṁ ... Tibandhanaṁ pattaṁ ... Catubbandhanaṁ pattaṁ cetāpeti nissaggiyaṁ
pācittiyaṁ.

[136] Abandhanokāsena pattena abandhanokāsaṁ pattaṁ ...
Ekabandhanokāsaṁ pattaṁ ... Dvibandhanokāsaṁ pattaṁ ... Tibandhanokāsaṁ
pattaṁ ... Catubbandhanokāsaṁ pattaṁ cetāpeti nissaggiyaṁ pācittiyaṁ.
Ekabandhanokāsena pattena abandhanokāsaṁ pattaṁ ... Ekabandhanokāsaṁ
pattaṁ ... Dvibandhanokāsaṁ pattaṁ ... Tibandhanokāsaṁ pattaṁ ...
Catubbandhanokāsaṁ pattaṁ cetāpeti nissaggiyaṁ pācittiyaṁ. Dvibandhanokāsena
pattena abandhanokāsaṁ pattaṁ ... Ekabandhanokāsaṁ pattaṁ ...
Dvibandhanokāsaṁ pattaṁ ... Tibandhanokāsaṁ pattaṁ ... Catubbandhanokāsaṁ
pattaṁ cetāpeti nissaggiyaṁ pācittiyaṁ. Tibandhanokāsena pattena
abandhanokāsaṁ pattaṁ ... Ekabandhanokāsaṁ pattaṁ ... Dvibandhanokāsaṁ
pattaṁ ... Tibandhanokāsaṁ pattaṁ ... Catubbandhanokāsaṁ pattaṁ cetāpeti
nissaggiyaṁ pācittiyaṁ. Catubbandhanokāsena pattena abandhanokāsaṁ
pattaṁ ... Ekabandhanokāsaṁ pattaṁ ... Dvibandhanokāsaṁ pattaṁ ...
Tibandhanokāsaṁ pattaṁ ... Catubbandhanokāsaṁ pattaṁ cetāpeti nissaggiyaṁ
pācittiyaṁ.

[137] Anāpatti naṭṭhapattassa bhinnapattassa ñātakānaṁ
pavāritānaṁ aññassatthāya attano dhanena ummattakassa
ādikammikassāti.
Dutiyasikkhāpadaṁ niṭṭhitaṁ.
-------
Tatiyasikkhāpadaṁ

[138] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena āyasmā
pilindavaccho rājagahe pabbhāraṁ sodhāpeti lenaṁ kattukāmo.
Athakho rājā māgadho seniyo bimbisāro yenāyasmā pilindavaccho
tenupasaṅkami upasaṅkamitvā āyasmantaṁ pilindavacchaṁ abhivādetvā
ekamantaṁ nisīdi. Ekamantaṁ nisinno kho rājā māgadho seniyo
bimbisāro āyasmantaṁ pilindavacchaṁ etadavoca kiṁ bhante thero
kārāpetīti. Pabbhāraṁ mahārāja sodhāpemi lenaṁ kattukāmoti.
Attho bhante ayyassa ārāmikenāti. Na kho mahārāja bhagavatā
ārāmiko anuññātoti. Tenahi bhante bhagavantaṁ paṭipucchitvā
mama āroceyyāthāti. Evaṁ mahārājāti kho āyasmā pilindavaccho
rañño māgadhassa seniyassa bimbisārassa paccassosi. Athakho
āyasmā pilindavaccho rājānaṁ māgadhaṁ seniyaṁ bimbisāraṁ dhammiyā
kathāya sandassesi samādapesi samuttejesi sampahaṁsesi. Athakho
rājā māgadho seniyo bimbisāro āyasmatā pilindavacchena dhammiyā
kathāya sandassito samādapito samuttejito sampahaṁsito uṭṭhāyāsanā
āyasmantaṁ pilindavacchaṁ abhivādetvā padakkhiṇaṁ katvā pakkāmi.
Athakho āyasmā pilindavaccho bhagavato santike dūtaṁ pāhesi rājā
Bhante māgadho seniyo bimbisāro ārāmikaṁ dātukāmo kathaṁ nu
kho bhante paṭipajjitabbanti. Athakho bhagavā etasmiṁ nidāne
etasmiṁ pakaraṇe bhikkhusaṅghaṁ sannipātāpetvā 1 dhammiṁ kathaṁ katvā
bhikkhū āmantesi anujānāmi bhikkhave ārāmikanti. Dutiyampi
kho rājā māgadho seniyo bimbisāro yenāyasmā pilindavaccho
tenupasaṅkami upasaṅkamitvā āyasmantaṁ pilindavacchaṁ abhivādetvā
ekamantaṁ nisīdi. Ekamantaṁ nisinno kho rājā māgadho seniyo
bimbisāro āyasmantaṁ pilindavacchaṁ etadavoca anuññāto bhante
bhagavatā ārāmikoti. Evaṁ mahārājāti. Tenahi bhante ayyassa
ārāmikaṁ dammīti. Athakho rājā māgadho seniyo bimbisāro
āyasmato pilindavacchassa ārāmikaṁ paṭissuṇitvā vissaritvā cirena
satiṁ paṭilabhitvā aññataraṁ sabbatthakaṁ mahāmattaṁ āmantesi yo
mayā bhaṇe ayyassa ārāmiko paṭissuto dinno so ārāmikoti.
Na kho deva ayyassa ārāmiko dinnoti. Kīvaciraṁ nu kho bhaṇe
ito ratti 2 hotīti. Athakho so mahāmatto rattiyo gaṇetvā 3
rājānaṁ māgadhaṁ seniyaṁ bimbisāraṁ etadavoca pañca deva rattisatānīti.
Tenahi bhaṇe ayyassa pañca ārāmikasatāni dehīti 4 .
Evaṁ devāti kho so mahāmatto rañño māgadhassa seniyassa
bimbisārassa paṭissuṇitvā āyasmato pilindavacchassa pañca ārāmikasatāni
1 Ma. Yu. idaṁ pāṭhadvayaṁ natthi. 2 Ma. hi taṁ. Yu. hitaṁ.
3 Ma. Yu. vigaṇetvā. 4 Yu. dethāti.
Adāsi 1 . Pāṭiyekko gāmo nivisi. Ārāmikagāmakotipi naṁ
āhaṁsu pilindavacchagāmakotipi 2 naṁ āhaṁsu.

[139] Tena kho pana samayena āyasmā pilindavaccho tasmiṁ
gāmake kulupako hoti. Athakho āyasmā pilindavaccho pubbaṇhasamayaṁ
nivāsetvā pattacīvaramādāya pilindavacchagāmakaṁ piṇḍāya
pāvisi. Tena kho pana samayena tasmiṁ gāmake ussavo hoti.
Dārakā 3 alaṅkatā mālākitā kīḷanti. Athakho āyasmā pilindavaccho
pilindavacchagāmake sapadānaṁ piṇḍāya caramāno yena
aññatarassa ārāmikassa nivesanaṁ tenupasaṅkami upasaṅkamitvā
paññatte āsane nisīdi. Tena kho pana samayena tassā
ārāmikiniyā dhītā aññe dārake alaṅkate mālākite passitvā
rodati mālaṁ me detha alaṅkāraṁ me dethāti. Athakho āyasmā
pilindavaccho taṁ ārāmikiniṁ etadavoca kissāyaṁ dārikā rodatīti.
Ayaṁ bhante dārikā aññe dārake alaṅkate mālākite passitvā
rodati mālaṁ me detha alaṅkāraṁ me dethāti kuto amhākaṁ
duggatānaṁ mālā kuto alaṅkāroti. Athakho āyasmā pilindavaccho
aññataraṁ tiṇaṇḍūpakaṁ 4 gahetvā taṁ ārāmikiniṁ etadavoca
handimaṁ tiṇaṇḍūpakaṁ tassā dārikāya sīse paṭimuñcāhīti 5 . Athakho
1 Ma. Yu. pādāsi. 2 Ma. Yu. pilindagāmakotipi. 3 Ma. Yu. dārikā.
4 Ma. Yu. tiṇaṇḍupakaṁ. evamuparipi. 5 Ma. Yu. paṭimuñcāti.
Sā ārāmikinī taṁ tiṇaṇḍūpakaṁ gahetvā tassā dārikāya sīse
paṭimuñci. Sā ahosi suvaṇṇamālā abhirūpā dassanīyā
pāsādikā. Natthi tādisā raññopi antepure suvaṇṇamālā.
Manussā rañño māgadhassa seniyassa bimbisārassa ārocesuṁ
amukassa deva ārāmikassa ghare suvaṇṇamālā abhirūpā dassanīyā
pāsādikā natthi tādisā devassāpi antepure suvaṇṇamālā
kuto tassa duggatassa nissaṁsayaṁ corikāya ābhatāti. Athakho
rājā māgadho seniyo bimbisāro taṁ ārāmikakulaṁ bandhāpesi.
Dutiyampi kho āyasmā pilindavaccho pubbaṇhasamayaṁ nivāsetvā
pattacīvaramādāya pilindavacchagāmakaṁ piṇḍāya pāvisi pilindavacchagāmake
sapadānaṁ piṇḍāya caramāno yena tassa ārāmikassa
nivesanaṁ tenupasaṅkami upasaṅkamitvā paṭivissake pucchi kahaṁ
idaṁ ārāmikakulaṁ gatanti. Etissā bhante suvaṇṇamālāya
kāraṇā raññā bandhāpitanti. Athakho āyasmā pilindavaccho
yena rañño māgadhassa seniyassa bimbisārassa nivesanaṁ tenupasaṅkami
upasaṅkamitvā paññatte āsane nisīdi. Athakho
rājā māgadho seniyo bimbisāro yenāyasmā pilindavaccho
tenupasaṅkami upasaṅkamitvā āyasmantaṁ pilindavacchaṁ abhivādetvā
ekamantaṁ nisīdi. Ekamantaṁ nisinnaṁ kho rājānaṁ māgadhaṁ seniyaṁ
bimbisāraṁ āyasmā pilindavaccho etadavoca kissa mahārāja
Ārāmikakulaṁ bandhāpitanti. Tassa bhante ārāmikassa ghare suvaṇṇamālā
abhirūpā dassanīyā pāsādikā natthi tādisā amhākaṁpi
antepure suvaṇṇamālā kuto tassa duggatassa nissaṁsayaṁ corikāya
ābhatāti. Athakho āyasmā pilindavaccho rañño māgadhassa
seniyassa bimbisārassa pāsādaṁ suvaṇṇanti adhimucci. So
ahosi sabbasovaṇṇamayo. Idaṁ pana te mahārāja tāvabahuṁ
suvaṇṇaṁ kutoti. Aññātaṁ bhante ayyasseveso 1 iddhānubhāvoti
taṁ ārāmikakulaṁ muñcāpesi.

[140] Manussā ayyena kira pilindavacchena sarājikāya parisāya
uttarimanussadhammaṁ iddhipāṭihāriyaṁ 2 dassitanti attamanā abhippasannā
āyasmato pilindavacchassa pañca bhesajjāni abhihariṁsu seyyathīdaṁ
sappi navanītaṁ telaṁ madhu phāṇitaṁ. Pakatiyāpicāyasmā pilindavaccho
lābhī hoti pañcannaṁ bhesajjānaṁ laddhaṁ laddhaṁ parisāya vissajjeti.
Parisā cassa hoti bāhullikā laddhaṁ laddhaṁ kolambepi ghaṭepi
pūretvā paṭisāmeti parissāvanānipi thavikāyopi pūretvā vātapānesu
laggeti. Tāni olīnavilīnāni tiṭṭhanti. Undurehipi vihārā
okiṇṇavikiṇṇā honti. Manussā vihāracārikaṁ āhiṇḍantā
passitvā ujjhāyanti khīyanti vipācenti antokoṭṭhāgārikā
ime samaṇā sakyaputtiyā seyyathāpi rājā māgadho seniyo
1 Yu. ayyassa so. 2 iddhippāṭihāriyanti amhākaṁ mati.
Bimbisāroti. Assosuṁ kho bhikkhū tesaṁ manussānaṁ ujjhāyantānaṁ
khīyantānaṁ vipācentānaṁ. Ye te bhikkhū appicchā .pe. Te
ujjhāyanti khīyanti vipācenti kathaṁ hi nāma bhikkhū evarūpāya
bāhullāya cetessantīti. Athakho te bhikkhū bhagavato etamatthaṁ
ārocesuṁ. Saccaṁ kira bhikkhave bhikkhū evarūpāya bāhullāya
cetentīti. Saccaṁ bhagavāti. Vigarahi buddho bhagavā kathaṁ hi
nāma te bhikkhave moghapurisā evarūpāya bāhullāya cetessanti
netaṁ bhikkhave appasannānaṁ vā pasādāya pasannānaṁ vā bhiyyobhāvāya
.pe. Evañca pana bhikkhave imaṁ sikkhāpadaṁ uddiseyyātha yāni
kho pana tāni gilānānaṁ bhikkhūnaṁ paṭisāyanīyāni bhesajjāni seyyathīdaṁ
sappi navanītaṁ telaṁ madhu phāṇitaṁ. Tāni paṭiggahetvā sattāhaparamaṁ
sannidhikārakaṁ paribhuñjitabbāni taṁ atikkāmayato nissaggiyaṁ
pācittiyanti.

[141] Yāni kho pana tāni gilānānaṁ bhikkhūnaṁ paṭisāyanīyāni
bhesajjānīti sappi nāma gosappi vā ajikāsappi vā mahisasappi 1
vā. Yesaṁ maṁsaṁ kappati tesaṁ sappi. Navanītaṁ nāma tesaṁyeva
navanītaṁ. Telaṁ nāma tilatelaṁ sāsapatelaṁ madhukatelaṁ eraṇḍatelaṁ
vasātelaṁ. Madhu nāma makkhikāmadhu. Phāṇitaṁ nāma ucchumhā
nibbattaṁ. Tāni paṭiggahetvā sattāhaparamaṁ sannidhikārakaṁ paribhuñjitabbānīti
sattāhaparamatā paribhuñjitabbāni. Taṁ atikkāmayato
1 Ma. mahiṁsasappi. Yu. māhisaṁ vā sappi.
Nissaggiyaṁ hoti 1 aṭṭhame aruṇuggamane nissaggiyaṁ hoti nissajjitabbaṁ
saṅghassa vā gaṇassa vā puggalassa vā. Evañca pana
bhikkhave nissajjitabbaṁ .pe. Idaṁ me bhante bhesajjaṁ sattāhātikkantaṁ
nissaggiyaṁ imāhaṁ saṅghassa nissajjāmīti .pe. Dadeyyāti
.pe. Dadeyyunti .pe. Āyasmato dammīti.