พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake majjhimanikāyassa tatiyo bhāgo (เล่ม 14)

[133] Kathañca bhikkhave asappuriso asaddhammasamannāgato hoti.
Idha bhikkhave asappuriso asaddho hoti ahiriko hoti anottappī
1 Ma. Yu. tuṇhībhūtaṁ tuṇhībhūtaṁ. 2 Ma. Yu. etampi kho.
Hoti appassuto hoti kusīto hoti muṭṭhassatī hoti duppañño
hoti evaṁ kho bhikkhave asappuriso asaddhammasamannāgato hoti.

Suttantapiṭake majjhimanikāyassa tatiyo bhāgo (เล่ม 14)

[134] Kathañca bhikkhave asappuriso asappurisabhattī hoti.
Idha bhikkhave asappurisassa ye te samaṇabrāhmaṇā asaddhā ahirikā
anottappino appassutā kusītā muṭṭhassatino duppaññā tyassa
mittā honti te sahāyā evaṁ kho bhikkhave asappuriso
asappurisabhattī hoti.

Suttantapiṭake majjhimanikāyassa tatiyo bhāgo (เล่ม 14)

[135] Kathañca bhikkhave asappuriso asappurisacintī hoti.
Idha bhikkhave asappuriso attabyābādhāyapi ceteti parabyābādhāyapi
ceteti ubhayabyābādhāyapi ceteti evaṁ kho bhikkhave asappuriso
asappurisacintī hoti.

Suttantapiṭake majjhimanikāyassa tatiyo bhāgo (เล่ม 14)

[136] Kathañca bhikkhave asappuriso asappurisamantī hoti.
Idha bhikkhave asappuriso attabyābādhāyapi manteti parabyābādhāyapi
manteti ubhayabyābādhāyapi manteti evaṁ kho bhikkhave asappuriso
asappurisamantī hoti.

Suttantapiṭake majjhimanikāyassa tatiyo bhāgo (เล่ม 14)

[137] Kathañca bhikkhave asappuriso asappurisavāco hoti.
Idha bhikkhave asappuriso musāvādī hoti pisuṇavāco hoti pharusavāco
hoti samphappalāpī hoti evaṁ kho bhikkhave asappuriso
asappurisavāco hoti.

Suttantapiṭake majjhimanikāyassa tatiyo bhāgo (เล่ม 14)

[138] Kathañca bhikkhave asappuriso asappurisakammanto hoti.
Idha bhikkhave asappuriso pāṇātipātī hoti adinnādāyī hoti
kāmesumicchācārī hoti evaṁ kho bhikkhave asappuriso asappurisakammanto
hoti.

Suttantapiṭake majjhimanikāyassa tatiyo bhāgo (เล่ม 14)

[139] Kathañca bhikkhave asappuriso asappurisadiṭṭhī hoti. Idha
bhikkhave asappuriso evaṁdiṭṭhiko 1 hoti natthi dinnaṁ natthi yiṭṭhaṁ
natthi hutaṁ natthi sukatadukkaṭānaṁ kammānaṁ phalaṁ vipāko natthi ayaṁ
loko natthi paro loko natthi mātā natthi pitā natthi sattā
opapātikā natthi loke samaṇabrāhmaṇā sammaggatā
sammāpaṭipannā ye imañca lokaṁ parañca lokaṁ sayaṁ abhiññā
sacchikatvā pavedentīti evaṁ kho bhikkhave asappuriso asappurisadiṭṭhī
hoti.

Suttantapiṭake majjhimanikāyassa tatiyo bhāgo (เล่ม 14)

[140] Kathañca bhikkhave asappuriso asappurisadānaṁ deti.
Idha bhikkhave asappuriso asakkaccaṁ dānaṁ deti asahatthā dānaṁ
deti acittiṁ katvā dānaṁ deti apaviṭṭhaṁ dānaṁ deti anāgamanadiṭṭhiko
dānaṁ deti evaṁ kho bhikkhave asappuriso asappurisadānaṁ
deti.

Suttantapiṭake majjhimanikāyassa tatiyo bhāgo (เล่ม 14)

[141] Sa 2 kho so bhikkhave asappuriso evaṁ asaddhammasamannāgato
evaṁ asappurisabhattī evaṁ asappurisacintī evaṁ asappurisamantī evaṁ
asappurisavāco evaṁ asappurisakammanto evaṁ asappurisadiṭṭhī evaṁ
asappurisadānaṁ datvā kāyassa bhedā parammaraṇā yā asappurisānaṁ
1 Ma. Yu. evaṁdiṭṭhī. 2 Ma. sa khoti natthi.
Gati tattha uppajjati. Kā ca bhikkhave asappurisānaṁ gati nirayo
vā tiracchānayoni vā.

Suttantapiṭake majjhimanikāyassa tatiyo bhāgo (เล่ม 14)

[142] Jāneyya nu kho bhikkhave sappuriso sappurisaṁ sappuriso
ayambhavanti. Evaṁ bhante. Sādhu bhikkhave ṭhānametaṁ bhikkhave
vijjati yaṁ sappuriso sappurisaṁ jāneyya sappuriso ayambhavanti
jāneyya pana bhikkhave sappuriso asappurisaṁ asappuriso
ayambhavanti. Evaṁ bhante. Sādhu bhikkhave etampi kho bhikkhave ṭhānaṁ
vijjati yaṁ sappuriso asappurisaṁ jāneyya asappuriso ayambhavanti.