[203] Evamme sutaṁ ekaṁ samayaṁ bhagavā rājagahe viharati
veḷuvane kalandakanivāpe. Tena kho pana samayena golissāni
nāma bhikkhu āraññako 1 padarasamācāro saṅghamajjhe osaṭo hoti
kenacideva karaṇīyena.

[204] Tatra kho āyasmā sārīputto golissāniṁ nāma
bhikkhuṁ ārabbha bhikkhū āmantesi āraññakenāvuso bhikkhunā
saṅghagatena saṅghe viharantena sabrahmacārīsu sagāravena bhavitabbaṁ
sappatissena. Sace āvuso āraññako bhikkhu saṅghagato saṅghe
viharanto sabrahmacārīsu agāravo hoti appatisso tassa bhavanti
vattāro kimpanimassāyasmato āraññakassa ekassāraññe
serivihārena yo ayamāyasmā sabrahmacārīsu agāravo hoti appatissoti
tassa 2 bhavanti vattāro tasmā āraññakena bhikkhunā
saṅghagatena saṅghe viharantena sabrahmacārīsu sagāravena bhavitabbaṁ
sappatissena.

[205] Āraññakenāvuso bhikkhunā saṅghagatena saṅghe viharantena
āsanakusalena bhavitabbaṁ iti there ca bhikkhū nānupajajja nisīdissāmi
nave ca bhikkhū na āsanena paṭibāhissāmīti. Sace āvuso
1 Po. āraññiko. 2 Yu. agāravo appatissotissa.
Āraññako bhikkhu saṅghagato saṅghe viharanto na āsanakusalo
hoti tassa bhavanti vattāro kimpanimassāyasmato āraññakassa
ekassāraññe serivihārena yo ayamāyasmā 1 abhisamācārikampi
dhammaṁ na jānātīti tassa 2 bhavanti vattāro tasmā āraññakena
bhikkhunā saṅghagatena saṅghe viharantena āsanakusalena bhavitabbaṁ 3 .

[206] Āraññakenāvuso bhikkhunā saṅghagatena saṅghe viharantena
nātikālena gāmo pavisitabbo na 4 divā paṭikkamitabbaṁ sace
āvuso āraññako bhikkhu saṅghagato saṅghe viharanto atikālena
gāmaṁ pavisati divā paṭikkamatīti 5 tassa bhavanti vattāro kimpanimassāyasmato
āraññakassa ekassāraññe serivihārena yo
ayamāyasmā atikālena gāmaṁ pavisati divā paṭikkamatīti tassa 6
bhavanti vattāro tasmā āraññakena bhikkhunā saṅghagatena saṅghe
viharantena nātikālena gāmo pavisitabbo na 7 divā paṭikkamitabbaṁ.

[207] Āraññakenāvuso bhikkhunā saṅghagatena saṅghe viharantena
1 ito paraṁ āsanakusalo na hotīti vacanaṁ marammapotthake dissati. 2 Yu. jānātītissa.
3 ito paraṁ abhisamācārikopi dhammo jānitabbo sace āvuso āraññako bhikkhu ...
abhisamācārikampi dhammaṁ na jānāti tassa bhavanti vattāro kimpanimassāyasmato ... na
jānātīti tassa bhavanti vattāro tasmā āraññakena bhikkhunā ... abhisamācāro dhammo
jānitabboti vacanaṁ marammapotthake dissati. 4-7 Po. nātidivā. 5 Ma. itisaddo
natthi. 6 Yu. paṭikkamatītissa.
Na purebhattaṁ pacchābhattaṁ kulesu cārittaṁ āpajjitabbaṁ. Sace
āvuso āraññako bhikkhu saṅghagato saṅghe viharanto purebhattaṁ
pacchābhattaṁ kulesu cārittaṁ āpajjati tassa bhavanti vattāro
ayannūnimassāyasmato 1 āraññakassa ekassāraññe serivihārena
viharato vikāle cariyā bahulīkatā tamenaṁ saṅghagatampi samudācaratīti
tassa 2 bhavanti vattāro tasmā āraññakena bhikkhunā saṅghagatena
saṅghe viharantena na purebhattaṁ pacchābhattaṁ kulesu cārittaṁ
āpajjitabbaṁ.

[208] Āraññakenāvuso bhikkhunā saṅghagatena saṅghe viharantena
anuddhatena bhavitabbaṁ acapalena. Sace āvuso āraññako bhikkhu
saṅghagato saṅghe viharanto uddhato hoti capalo tassa bhavanti
vattāro idannūnimassāyasmato 1 āraññakassa ekassāraññe
serivihārena viharato uddhaccaṁ cāpalyaṁ bahulīkataṁ tamenaṁ saṅghagataṁpi
samudācaratīti tassa 2 bhavanti vattāro tasmā āraññakena bhikkhunā
saṅghagatena saṅghe viharantena anuddhatena bhavitabbaṁ acapalena.

[209] Āraññakenāvuso bhikkhunā saṅghagatena saṅghe viharantena
amukharena bhavitabbaṁ avikiṇṇavācena. Sace āvuso āraññako
bhikkhu saṅghagato saṅghe viharanto mukharo hoti vikiṇṇavāco
tassa bhavanti vattāro kimpanimassāyasmato āraññakassa ekassāraññe
serivihārena yo ayamāyasmā mukharo vikiṇṇavācoti tassa 3
1 Po. kimpanimassāyasmato. 2 Yu. samudācaratītissa. 3 Yu. vikiṇṇavācotissa.
Bhavanti vattāro tasmā āraññakena bhikkhunā saṅghagatena saṅghe
viharantena amukharena bhavitabbaṁ avikiṇṇavācena.

[210] Āraññakenāvuso bhikkhunā saṅghagatena saṅghe viharantena
suvacena bhavitabbaṁ kalyāṇamittena. Sace āvuso āraññako
bhikkhu saṅghagato saṅghe viharanto dubbaco hoti pāpamitto tassa
bhavanti vattāro kimpanimassāyasmato āraññakassa ekassāraññe
serivihārena yo ayamāyasmā dubbaco pāpamittoti tassa bhavanti
vattāro tasmā āraññakena bhikkhunā saṅghagatena saṅghe viharantena
suvacena bhavitabbaṁ kalyāṇamittena.

[211] Āraññakenāvuso bhikkhunā indriyesu guttadvārena
bhavitabbaṁ. Sace āvuso āraññako bhikkhu indriyesu guttadvāro
na hoti 1 tassa bhavanti vattāro kimpanimassāyasmato āraññakassa
ekassāraññe serivihārena yo ayamāyasmā indriyesu guttadvāro
na hotīti tassa 2 bhavanti vattāro tasmā āraññakena
bhikkhunā indriyesu guttadvārena bhavitabbaṁ.

[212] Āraññakenāvuso bhikkhunā bhojane mattaññunā bhavitabbaṁ.
Sace āvuso 3 āraññako bhikkhu bhojane amattaññū hoti
tassa bhavanti vattāro kimpanimassāyasmato āraññakassa ekassāraññe
serivihārena yo ayamāyasmā bhojane amattaññū 4 hotīti
tassa 5 bhavanti vattāro tasmā āraññakena bhikkhunā bhojane
1 Yu. aguttadvāro hoti. 2 Yu. aguttadvārotissa. 3 Ma. āvusoti natthi.
4 Ma. amattaññūti. 5 Yu. amattaññatissa.
Mattaññunā bhavitabbaṁ.