[336] Satta puggalā dakkhiṇeyyā ubhatobhāgavimutto
paññāvimutto kāyasakkhi 1 diṭṭhippatto saddhāvimutto dhammānusārī
saddhānusārī.

[337] Satta anusayā kāmarāgānusayo paṭighānusayo diṭṭhānusayo
vicikicchānusayo mānānusayo bhavarāgānusayo avijjānusayo.

[338] Satta saññojanāni kāmasaññojanaṁ paṭighasaññojanaṁ
diṭṭhisaññojanaṁ vicikicchāsaññojanaṁ mānasaññojanaṁ bhavarāgasaññojanaṁ
avijjāsaññojanaṁ.

[339] Satta adhikaraṇasamathā uppannuppannānaṁ adhikaraṇānaṁ
samathāya vūpasamāya sammukhāvinayo dātabbo sativinayo dātabbo
amūḷhavinayo dātabbo paṭiññāya kāretabbaṁ yebhuyyasikā tassapāpiyasikā
tiṇavatthārako. Ime kho āvuso tena bhagavatā jānatā
passatā arahatā sammāsambuddhena satta dhammā sammadakkhātā tattha
sabbeheva saṅgāyitabbaṁ .pe. Atthāya hitāya sukhāya devamanussānaṁ.
Saṅgītiyasattakaṁ niṭṭhitaṁ 2 .
1 Yu. kāyasakkhī. 2 Ma. dutiyabhāṇavāro niṭṭhito. Yu. dutiyakabhāṇavāraṁ.

[340] Atthi kho āvuso tena bhagavatā jānatā passatā arahatā
sammāsambuddhena aṭṭha dhammā sammadakkhātā tattha sabbeheva
saṅgāyitabbaṁ .pe. Atthāya hitāya sukhāya devamanussānaṁ. Katame
aṭṭha. Aṭṭha micchattā micchādiṭṭhi micchāsaṅkappo micchāvācā
micchākammanto micchāājīvo micchāvāyāmo micchāsati
micchāsamādhi.

[341] Aṭṭha sammattā sammādiṭṭhi sammāsaṅkappo
sammāvācā sammākammanto sammāājīvo sammāvāyāmo sammāsati
sammāsamādhi.

[342] Aṭṭha puggalā dakkhiṇeyyā sotāpanno sotāpattiphalasacchikiriyāya
paṭipanno sakadāgāmī sakadāgāmiphalasacchikiriyāya
paṭipanno anāgāmī anāgāmiphalasacchikiriyāya paṭipanno
arahā arahattasacchikiriyāya 1 paṭipanno.

[343] Aṭṭha kusītavatthūni idhāvuso bhikkhunā kammaṁ kātabbaṁ 2
hoti tassa evaṁ hoti kammaṁ kho me kātabbaṁ bhavissati
kammaṁ kho pana me karontassa kāyo kilamissati handāhaṁ
nipajjāmīti. So nipajjati na viriyaṁ ārabhati appattassa
pattiyā anadhigatassa adhigamāya asacchikatassa sacchikiriyāya idaṁ
paṭhamaṁ kusītavatthu 3 . Puna caparaṁ āvuso bhikkhunā kammaṁ kataṁ hoti
tassa evaṁ hoti ahaṁ kho kammaṁ akāsiṁ kammaṁ kho pana me
1 Yu. arahattāya. 2 Yu. kattabbaṁ. 3 Yu. kusītavatthuṁ.
Karontassa kāyo kilanto handāhaṁ nipajjāmīti. So nipajjati
na viriyaṁ ārabhati ... Idaṁ dutiyaṁ kusītavatthu. Puna caparaṁ āvuso
bhikkhunā maggo gantabbo hoti tassa evaṁ hoti maggo
kho me gantabbo bhavissati maggaṁ kho pana me gacchantassa
kāyo kilamissati handāhaṁ nipajjāmīti. So nipajjati na
viriyaṁ ārabhati ... Idaṁ tatiyaṁ kusītavatthu. Puna caparaṁ āvuso
bhikkhunā maggo gato hoti tassa evaṁ hoti ahaṁ kho maggaṁ
agamāsiṁ maggaṁ kho pana me gacchantassa kāyo kilanto handāhaṁ
nipajjāmīti. So nipajjati na viriyaṁ ārabhati ... Idaṁ catutthaṁ kusītavatthu.
Puna caparaṁ āvuso bhikkhu gāmaṁ vā nigamaṁ vā piṇḍāya
caranto na labhati lūkhassa vā paṇītassa vā bhojanassa yāvadatthaṁ
pāripūriṁ tassa evaṁ hoti ahaṁ kho gāmaṁ vā nigamaṁ vā
piṇḍāya caranto nālatthaṁ lūkhassa vā paṇītassa vā bhojanassa
yāvadatthaṁ pāripūriṁ tassa me kāyo kilanto akammañño handāhaṁ
nipajjāmīti. So nipajjati na viriyaṁ ārabhati ... Idaṁ pañcamaṁ kusītavatthu.
Puna caparaṁ āvuso bhikkhu gāmaṁ vā nigamaṁ vā piṇḍāya
caranto labhati lūkhassa vā paṇītassa vā bhojanassa yāvadatthaṁ
pāripūriṁ tassa evaṁ hoti ahaṁ kho gāmaṁ vā nigamaṁ vā
piṇḍāya caranto alatthaṁ lūkhassa vā paṇītassa vā bhojanassa
yāvadatthaṁ pāripūriṁ tassa me kāyo garuko akammañño māsācitaṁ
Maññe handāhaṁ nipajjāmīti. So nipajjati na viriyaṁ ārabhati ...
Idaṁ chaṭṭhaṁ kusītavatthu. Puna caparaṁ āvuso bhikkhuno uppanno
hoti appamattako ābādho tassa evaṁ hoti uppanno kho
me ayaṁ 1 appamattako ābādho atthi kappo nipajjituṁ handāhaṁ
nipajjāmīti. So nipajjati na viriyaṁ ārabhati ... Idaṁ sattamaṁ
kusītavatthu. Puna caparaṁ āvuso bhikkhu gilānā vuṭṭhito hoti aciravuṭṭhito
gelaññā tassa evaṁ hoti ahaṁ kho gilānā vuṭṭhito
aciravuṭṭhito gelaññā tassa me kāyo dubbalo akammañño
handāhaṁ nipajjāmīti. So nipajjati na viriyaṁ ārabhati appattassa
pattiyā anadhigatassa adhigamāya asacchikatassa sacchikiriyāya idaṁ
aṭṭhamaṁ kusītavatthu.

[344] Aṭṭha ārabbhavatthūni idhāvuso bhikkhunā kammaṁ kātabbaṁ
hoti tassa evaṁ hoti kammaṁ kho me kātabbaṁ bhavissati kammaṁ
kho pana 2 karontena na sukaraṁ buddhānaṁ sāsanaṁ manasikātuṁ handāhaṁ
viriyaṁ ārabhāmi appattassa pattiyā anadhigatassa adhigamāya asacchikatassa
sacchikiriyāyāti. So viriyaṁ ārabhati appattassa pattiyā
anadhigatassa adhigamāya asacchikatassa sacchikiriyāya idaṁ paṭhamaṁ ārabbhavatthu 3 .
Puna caparaṁ āvuso bhikkhunā kammaṁ kataṁ hoti tassa
evaṁ hoti ahaṁ kho kammaṁ akāsiṁ kammaṁ kho panāhaṁ karonto
nāsakkhiṁ buddhānaṁ sāsanaṁ manasikātuṁ handāhaṁ viriyaṁ ārabhāmi .pe.
1 Yu. ayaṁ na dissati. 2 Ma. Yu. pana me. 3 Yu. ārabbhavatthuṁ.
So viriyaṁ ārabhati ... Idaṁ dutiyaṁ ārabbhavatthu 1 . Puna caparaṁ āvuso
bhikkhunā maggo gantabbo hoti tassa evaṁ hoti maggo kho
me gantabbo bhavissati maggaṁ kho pana 2 gacchantena na sukaraṁ
buddhānaṁ sāsanaṁ manasikātuṁ handāhaṁ viriyaṁ ārabhāmi .pe. So
viriyaṁ ārabhati ... Idaṁ tatiyaṁ ārabbhavatthu. Puna caparaṁ āvuso
bhikkhunā maggo gato hoti tassa evaṁ hoti ahaṁ kho maggaṁ
agamāsiṁ maggaṁ kho panāhaṁ gacchanto nāsakkhiṁ buddhānaṁ sāsanaṁ
manasikātuṁ handāhaṁ viriyaṁ ārabhāmi .pe. So viriyaṁ ārabhati ...
Idaṁ catutthaṁ ārabbhavatthu. Puna caparaṁ āvuso bhikkhu gāmaṁ vā
nigamaṁ vā piṇḍāya caranto na labhati lūkhassa vā paṇītassa vā
bhojanassa yāvadatthaṁ pāripūriṁ tassa evaṁ hoti ahaṁ kho gāmaṁ
vā nigamaṁ vā piṇḍāya caranto nālatthaṁ lūkhassa vā paṇītassa vā
bhojanassa yāvadatthaṁ pāripūriṁ tassa me kāyo lahuko kammañño
handāhaṁ viriyaṁ ārabhāmi .pe. So viriyaṁ ārabhati ... Idaṁ pañcamaṁ
ārabbhavatthu. Puna caparaṁ āvuso bhikkhu gāmaṁ vā nigamaṁ vā
piṇḍāya caranto labhati lūkhassa vā paṇītassa vā bhojanassa
yāvadatthaṁ pāripūriṁ tassa evaṁ hoti ahaṁ kho gāmaṁ vā nigamaṁ
vā piṇḍāya caranto alatthaṁ lūkhassa vā paṇītassa vā bhojanassa
yāvadatthaṁ pāripūriṁ tassa me kāyo balavā kammañño handāhaṁ
viriyaṁ ārabhāmi .pe. So viriyaṁ ārabhati ... Idaṁ chaṭṭhaṁ ārabbhavatthu.
1 Yu. ārabbhavatthuṁ. 2 Ma. Yu. pana me.
Puna caparaṁ āvuso bhikkhuno uppanno hoti appamattako
ābādho tassa evaṁ hoti uppanno kho me ayaṁ appamattako
ābādho ṭhānaṁ kho panetaṁ vijjati yaṁ me ābādho pavaḍḍheyya 1
handāhaṁ viriyaṁ ārabhāmi .pe. So viriyaṁ ārabhati ... Idaṁ sattamaṁ
ārabbhavatthu. Puna caparaṁ āvuso bhikkhu gilānā vuṭṭhito hoti
aciravuṭṭhito gelaññā tassa evaṁ hoti ahaṁ kho gilānā
vuṭṭhito aciravuṭṭhito gelaññā ṭhānaṁ kho panetaṁ vijjati yaṁ
me ābādho paccudāvatteyya handāhaṁ viriyaṁ ārabhāmi appattassa
pattiyā anadhigatassa adhigamāya asacchikatassa sacchikiriyāyāti. So
viriyaṁ ārabhati appattassa pattiyā anadhigatassa adhigamāya asacchikatassa
sacchikiriyāya idaṁ aṭṭhamaṁ ārabbhavatthu.

[345] Aṭṭha dānavatthūni āsajja dānaṁ deti bhayā dānaṁ
deti adāsi meti dānaṁ deti dassati meti dānaṁ deti sādhu 2
dānanti dānaṁ deti ahaṁ pacāmi ime na pacanti nārahāmi
pacanto apacantānaṁ dānaṁ na dātunti 3 dānaṁ deti idaṁ me
dānaṁ dadato kalyāṇo kittisaddo abbhuggacchatīti dānaṁ deti
cittālaṅkāracittaparikkhāratthaṁ dānaṁ deti.