พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake parivāro (เล่ม 8)

[1270] Kativācikā upasampadā katīnaṁ paccuṭṭhātabbaṁ
katīnaṁ āsanaṁ dātabbaṁ bhikkhunovādako katīhi.
Aṭṭhavācikā upasampadā aṭṭhannaṁ paccuṭṭhātabbaṁ
1 Ma. nijjhāyantassa. 2 deseyya. 3 Ma. Yu. sammāvattanā.
Aṭṭhannaṁ āsanaṁ dātabbaṁ bhikkhunovādako aṭṭhahi.

Vinayapiṭake parivāro (เล่ม 8)

[1271] Katīnaṁ chejjaṁ hoti katīnaṁ thullaccayaṁ
katīnañceva anāpatti sabbesaṁ ekavatthukā.
Ekassa chejjaṁ hoti catunnaṁ thullaccayaṁ
catunnañceva anāpatti sabbesaṁ ekavatthukā.

Vinayapiṭake parivāro (เล่ม 8)

[1272] Kati āghātavatthūni katīhi saṅgho bhijjati
katettha paṭhamāpattikā ñattiyā karaṇā kati.
Nava āghātavatthūni navahi saṅgho bhijjati
navettha paṭhamāpattikā ñattiyā karaṇā nava.

Vinayapiṭake parivāro (เล่ม 8)

[1273] Kati puggalā nābhivādetabbā añjalisāmicena ca
katīnaṁ dukkaṭaṁ hoti kati cīvaradhāraṇā.
Dasa puggalā nābhivādetabbā añjalisāmicena ca
dasannaṁ dukkaṭaṁ hoti dasa cīvaradhāraṇā.

Vinayapiṭake parivāro (เล่ม 8)

[1274] Katīnaṁ vassaṁ vutthānaṁ dātabbaṁ idha cīvaraṁ
katīnaṁ sante dātabbaṁ katīnañceva na dātabbaṁ.
Pañcannaṁ vassaṁ vutthānaṁ dātabbaṁ idha cīvaraṁ
sattannaṁ sante dātabbaṁ soḷasannaṁ na dātabbaṁ.

Vinayapiṭake parivāro (เล่ม 8)

[1275] Katisataṁ rattisataṁ āpattiṁ 1 chādayitvāna
kati rattiyo vasitvāna mucceyya pārivāsiko.
Dasasataṁ rattisataṁ āpattiṁ 1 chādayitvāna
1 Ma. Yu. āpattiyo.
Dasa rattiyo vasitvāna mucceyya pārivāsiko.

Vinayapiṭake parivāro (เล่ม 8)

[1276] Kati kammadosā vuttā buddhenādiccabandhunā
campāyaṁ vinayavatthusmiṁ sabbe 1 adhammikā kati.
Dvādasa kammadosā vuttā buddhenādiccabandhunā
campāyaṁ vinayavatthusmiṁ sabbe 1 adhammikā katā.

Vinayapiṭake parivāro (เล่ม 8)

[1277] Kati kammasampattiyo vuttā buddhenādiccabandhunā
campāyaṁ vinayavatthusmiṁ sabbe va dhammikā kati.
Catasso kammasampattiyo vuttā buddhenādiccabandhunā
campāyaṁ vinayavatthusmiṁ sabbe va dhammikā katā.

Vinayapiṭake parivāro (เล่ม 8)

[1278] Kati kammāni vuttāni buddhenādiccabandhunā
campāyaṁ vinayavatthusmiṁ dhammikā adhammikā kati.
Cha kammāni vuttāni buddhenādiccabandhunā
campāyaṁ vinayavatthusmiṁ ekettha dhammikā katā
pañca adhammikā vuttā buddhenādiccabandhunā.

Vinayapiṭake parivāro (เล่ม 8)

[1279] Kati kammāni vuttāni buddhenādiccabandhunā
campāyaṁ vinayavatthusmiṁ dhammikā adhammikā kati.
Cattāri kammāni vuttāni buddhenādiccabandhunā
campāyaṁ vinayavatthusmiṁ ekettha dhammikā katā
tayo adhammikā vuttā buddhenādiccabandhunā.