พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake mahāvibhaṅgassa paṭhamo bhāgo (เล่ม 1)

[480] Māturakkhitā bhikkhuṁ pahiṇati gaccha bhante itthannāmaṁ
brūhi homi itthannāmassa bhariyā dhanakkītā ca chandavāsinī ca
bhogavāsinī ca paṭavāsinī ca odapattakinī ca obhatacumbaṭā ca
dāsī ca bhariyā ca kammakārī ca bhariyā ca dhajāhaṭā ca muhuttikā
cāti paṭiggaṇhāti vīmaṁsati paccāharati āpatti saṅghādisesassa.

Vinayapiṭake mahāvibhaṅgassa paṭhamo bhāgo (เล่ม 1)

[481] Piturakkhitā bhikkhuṁ pahiṇati. Mātāpiturakkhitā bhikkhuṁ
pahiṇati. Bhāturakkhitā bhikkhuṁ pahiṇati. Bhaginīrakkhitā bhikkhuṁ pahiṇati.
Ñātirakkhitā bhikkhuṁ pahiṇati. Gottarakkhitā bhikkhuṁ pahiṇati. Dhammarakkhitā
bhikkhuṁ pahiṇati. Sārakkhā bhikkhuṁ pahiṇati. Saparidaṇḍā bhikkhuṁ
pahiṇati gaccha bhante itthannāmaṁ brūhi homi itthannāmassa bhariyā
dhanakkītāti paṭiggaṇhāti vīmaṁsati paccāharati āpatti saṅghādisesassa.
Saparidaṇḍā bhikkhuṁ pahiṇati gaccha bhante itthannāmaṁ brūhi homi
itthannāmassa bhariyā chandavāsinī. Bhogavāsinī paṭavāsinī odapattakinī
obhatacumbaṭā dāsī ca bhariyā ca kammakārī ca bhariyā ca dhajāhaṭā.
Muhuttikāti paṭiggaṇhāti vīmaṁsati paccāharati āpatti saṅghādisesassa.
Nikkhepapadāni.

Vinayapiṭake mahāvibhaṅgassa paṭhamo bhāgo (เล่ม 1)

[482] Saparidaṇḍā bhikkhuṁ pahiṇati gaccha bhante itthannāmaṁ
brūhi homi itthannāmassa bhariyā dhanakkītā ca chandavāsinī ca
.pe. Dhanakkītā ca muhuttikā cāti paṭiggaṇhāti vīmaṁsati
paccāharati āpatti saṅghādisesassa.
Khaṇḍacakkaṁ.

Vinayapiṭake mahāvibhaṅgassa paṭhamo bhāgo (เล่ม 1)

[483] Saparidaṇḍā bhikkhuṁ pahiṇati gaccha bhante itthannāmaṁ
brūhi homi itthannāmassa bhariyā chandavāsinī ca bhogavāsinī ca
.pe. Chandavāsinī ca muhuttikā ca. Chandavāsinī ca dhanakkītā cāti
paṭiggaṇhāti vīmaṁsati paccāharati āpatti saṅghādisesassa.
Baddhacakkaṁ.
Mūlaṁ saṅkhittaṁ.

Vinayapiṭake mahāvibhaṅgassa paṭhamo bhāgo (เล่ม 1)

[484] Saparidaṇḍā bhikkhuṁ pahiṇati gaccha bhante itthannāmaṁ
brūhi homi itthannāmassa bhariyā muhuttikā ca dhanakkītā ca .pe.
Muhuttikā ca dhajāhaṭā cāti paṭiggaṇhāti vīmaṁsati paccāharati
āpatti saṅghādisesassa.
Ekamūlakaṁ niṭṭhitaṁ.
Dumūlakādīni evameva kātabbāni.
Idaṁ dasamūlakaṁ.

Vinayapiṭake mahāvibhaṅgassa paṭhamo bhāgo (เล่ม 1)

[485] Saparidaṇḍā bhikkhuṁ pahiṇati gaccha bhante itthannāmaṁ
brūhi homi itthannāmassa bhariyā dhanakkītā ca chandavāsinī ca
bhogavāsinī ca paṭavāsinī ca odapattakinī ca obhatacumbaṭā ca
dāsī ca bhariyā ca kammakārī ca bhariyā ca dhajāhaṭā ca muhuttikā
cāti paṭiggaṇhāti vīmaṁsati paccāharati āpatti saṅghādisesassa.
Sabbaṁ cakkapeyyālaṁ 1 niṭṭhitaṁ.

Vinayapiṭake mahāvibhaṅgassa paṭhamo bhāgo (เล่ม 1)

[486] Paṭiggaṇhāti vīmaṁsati paccāharati āpatti saṅghādisesassa.
Paṭiggaṇhāti vīmaṁsati nappaccāharati āpatti thullaccayassa.
Paṭiggaṇhāti na vīmaṁsati paccāharati āpatti thullaccayassa.
Paṭiggaṇhāti na vīmaṁsati nappaccāharati āpatti dukkaṭassa.
Nappaṭiggaṇhāti vīmaṁsati paccāharati āpatti thullaccayassa.
1 idha cakkapeyyālavidhi yebhuyyena visadiso hoti. patthayantena
tesu tesu potthakesu oloketabbaṁ.
Nappaṭiggaṇhāti vīmaṁsati nappaccāharati āpatti dukkaṭassa.
Nappaṭiggaṇhāti na vīmaṁsati paccāharati āpatti dukkaṭassa.
Nappaṭiggaṇhāti na vīmaṁsati nappaccāharati anāpatti.

Vinayapiṭake mahāvibhaṅgassa paṭhamo bhāgo (เล่ม 1)

[487] Puriso sambahule bhikkhū āṇāpeti gacchatha bhante
itthannāmaṁ itthiṁ vīmaṁsathāti sabbe paṭiggaṇhanti sabbe vīmaṁsanti
sabbe paccāharanti āpatti sabbesaṁ saṅghādisesassa. Puriso
sambahule bhikkhū āṇāpeti gacchatha bhante itthannāmaṁ itthiṁ vīmaṁsathāti
sabbe paṭiggaṇhanti sabbe vīmaṁsanti ekaṁ paccāharāpenti āpatti
sabbesaṁ saṅghādisesassa. Puriso sambahule bhikkhū āṇāpeti gacchatha
bhante itthannāmaṁ itthiṁ vīmaṁsathāti sabbe paṭiggaṇhanti ekaṁ
vīmaṁsāpetvā sabbe paccāharanti āpatti sabbesaṁ saṅghādisesassa.
Puriso sambahule bhikkhū āṇāpeti gacchatha bhante itthannāmaṁ itthiṁ
vīmaṁsathāti sabbe paṭiggaṇhanti ekaṁ vīmaṁsāpetvā ekaṁ paccāharāpenti
āpatti sabbesaṁ saṅghādisesassa. Puriso bhikkhuṁ āṇāpeti
gaccha bhante itthannāmaṁ itthiṁ vīmaṁsāti paṭiggaṇhāti vīmaṁsati paccāharati
āpatti saṅghādisesassa. Puriso bhikkhuṁ āṇāpeti gaccha bhante
itthannāmaṁ itthiṁ vīmaṁsāti paṭiggaṇhāti vīmaṁsati antevāsiṁ paccāharāpeti
āpatti saṅghādisesassa. Puriso bhikkhuṁ āṇāpeti gaccha
bhante itthannāmaṁ itthiṁ vīmaṁsāti paṭiggaṇhāti antevāsiṁ vīmaṁsāpetvā
attanā paccāharati āpatti saṅghādisesassa. Puriso bhikkhuṁ
Āṇāpeti gaccha bhante itthannāmaṁ itthiṁ vīmaṁsāti paṭiggaṇhāti
antevāsiṁ vīmaṁsāpeti antevāsī vīmaṁsitvā bahiddhā paccāharati
āpatti ubhinnaṁ thullaccayassa.

Vinayapiṭake mahāvibhaṅgassa paṭhamo bhāgo (เล่ม 1)

[488] Gacchanto sampādeti āgacchanto visaṁvādeti āpatti
thullaccayassa. Gacchanto visaṁvādeti āgacchanto sampādeti
āpatti thullaccayassa. Gacchanto sampādeti āgacchanto sampādeti
āpatti saṅghādisesassa. Gacchanto visaṁvādeti āgacchanto visaṁvādeti
anāpatti.

Vinayapiṭake mahāvibhaṅgassa paṭhamo bhāgo (เล่ม 1)

[489] Anāpatti saṅghassa vā cetiyassa vā gilānassa vā
karaṇīyena gacchati ummattakassa ādikammikassāti.