พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake parivāro (เล่ม 8)

[490] Asantaṁ abhūtaṁ uttarimanussadhammaṁ ullapanapaccayā kati
āpattiyo āpajjati. Asantaṁ abhūtaṁ uttarimanussadhammaṁ ullapanapaccayā
tisso āpattiyo āpajjati pāpiccho icchāpakato
asantaṁ abhūtaṁ uttarimanussadhammaṁ ullapati āpatti pārājikassa
Yo te vihāre vasati so bhikkhu arahāti bhaṇati paṭivijānantassa
āpatti thullaccayassa nappaṭivijānantassa āpatti
dukkaṭassa asantaṁ abhūtaṁ uttarimanussadhammaṁ ullapanapaccayā imā
tisso āpattiyo āpajjati.

Vinayapiṭake parivāro (เล่ม 8)

[491] Upakkamitvā asuciṁ mocanapaccayā kati āpattiyo
āpajjati. Upakkamitvā asuciṁ mocanapaccayā tisso āpattiyo
āpajjati ceteti upakkamati muccati āpatti saṅghādisesassa
ceteti upakkamati na muccati āpatti thullaccayassa payoge
dukkaṭaṁ. 1

Vinayapiṭake parivāro (เล่ม 8)

[492] [2]- Kāyasaṁsaggaṁ samāpajjanapaccayā pañca āpattiyo
āpajjati avassutā bhikkhunī avassutassa purisapuggalassa adhakkhakaṁ
ubbhajānumaṇḍalaṁ gahaṇaṁ sādiyati āpatti pārājikassa bhikkhu
kāyena kāyaṁ āmasati āpatti saṅghādisesassa kāyena kāyapaṭibaddhaṁ
āmasati āpatti thullaccayassa kāyapaṭibaddhena kāyapaṭibaddhaṁ
āmasati āpatti dukkaṭassa aṅgulipatodake pācittiyaṁ kāyasaṁsaggaṁ
samāpajjanapaccayā imā pañca āpattiyo āpajjati.

Vinayapiṭake parivāro (เล่ม 8)

[493] Mātugāmaṁ duṭṭhullāhi vācāhi obhāsanapaccayā tisso
āpattiyo āpajjati vaccamaggaṁ passāvamaggaṁ ādissa vaṇṇampi
bhaṇati avaṇṇampi bhaṇati āpatti saṅghādisesassa vaccamaggaṁ
passāvamaggaṁ ṭhapetvā adhakkhakaṁ ubbhajānumaṇḍalaṁ ādissa vaṇṇampi
1 Ma. ito paraṁ upakkamitvā asucimocanapaccayā imā tisso āpattiyo āpajjati.
2 Po. Ma. kāyasaṁsaggaṁ samāpajjanapaccayā kati āpattiyo āpajjati.
Bhaṇati avaṇṇampi bhaṇati āpatti thullaccayassa kāyapaṭibaddhaṁ
ādissa vaṇṇampi bhaṇati avaṇṇampi bhaṇati āpatti dukkaṭassa.

Vinayapiṭake parivāro (เล่ม 8)

[494] Attakāmapāricariyāya vaṇṇaṁ bhāsanapaccayā tisso
āpattiyo āpajjati mātugāmassa santike attakāmapāricariyāya
vaṇṇaṁ bhāsati āpatti saṅghādisesassa paṇḍakassa santike
attakāmapāricariyāya vaṇṇaṁ bhāsati āpatti thullaccayassa
tiracchānagatassa santike attakāmapāricariyāya vaṇṇaṁ bhāsati āpatti
dukkaṭassa.

Vinayapiṭake parivāro (เล่ม 8)

[495] Sañcarittaṁ samāpajjanapaccayā tisso āpattiyo
āpajjati paṭiggaṇhāti vīmaṁsati paccāharati āpatti saṅghādisesassa
paṭiggaṇhāti vīmaṁsati na paccāharati āpatti thullaccayassa
paṭiggaṇhāti na vīmaṁsati na paccāharati āpatti dukkaṭassa.

Vinayapiṭake parivāro (เล่ม 8)

[496] Saññācikāya kuṭiṁ kārāpanapaccayā tisso āpattiyo
āpajjati kārāpeti payoge dukkaṭaṁ ekapiṇḍe anāgate
āpatti thullaccayassa tasmiṁ piṇḍe āgate āpatti saṅghādisesassa.

Vinayapiṭake parivāro (เล่ม 8)

[497] Mahallakaṁ vihāraṁ kārāpanapaccayā tisso āpattiyo
āpajjati kārāpeti payoge dukkaṭaṁ ekapiṇḍe anāgate
āpatti thullaccayassa tasmiṁ piṇḍe āgate āpatti saṅghādisesassa.

Vinayapiṭake parivāro (เล่ม 8)

[498] Bhikkhuṁ amūlakena pārājikena dhammena anuddhaṁsanapaccayā
tisso āpattiyo āpajjati anokāsaṁ kārāpetvā cāvanādhippāyo
Vadeti āpatti saṅghādisesena dukkaṭassa okāsaṁ
kārāpetvā akkosādhippāyo vadeti āpatti omasavādassa.

Vinayapiṭake parivāro (เล่ม 8)

[499] Bhikkhuṁ aññabhāgiyassa adhikaraṇassa kiñci desaṁ lesamattaṁ
upādāya pārājikena dhammena anuddhaṁsanapaccayā tisso āpattiyo
āpajjati anokāsaṁ kārāpetvā cāvanādhippāyo vadeti āpatti
saṅghādisesena dukkaṭassa okāsaṁ kārāpetvā akkosādhippāyo
vadeti āpatti omasavādassa.