[150] Pubbe appaṭisaṁviditena rañño antepuraṁ pavisantassa
pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Āyasmantaṁ ānandaṁ ārabbha. Kismiṁ vatthusminti.
Āyasmā ānando pubbe appaṭisaṁvidito rañño antepuraṁ pāvisi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (kaṭhinake) .pe.

[151] Ratanaṁ uggaṇhantassa pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Aññataraṁ bhikkhuṁ ārabbha.
Kismiṁ vatthusminti. Aññataro bhikkhu ratanaṁ uggahesi tasmiṁ
vatthusmiṁ. Ekā paññatti dve anuppaññattiyo. Channaṁ
āpattisamuṭṭhānānaṁ chahi samuṭṭhānehi samuṭṭhāti .pe.

[152] Santaṁ bhikkhuṁ anāpucchā vikāle gāmaṁ pavisantassa
pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Chabbaggiye bhikkhū ārabbha. Kismiṁ vatthusminti.
Chabbaggiyā bhikkhū santaṁ bhikkhuṁ anāpucchā 2 vikāle gāmaṁ pavisiṁsu
1 Sī. samaggassa padānena puggalassa pariṇāmanāti.
2 Ma. Yu. santaṁ bhikkhuṁ anāpucchāti idaṁ pāṭhattayaṁ natthi.
Tasmiṁ vatthusmiṁ. Ekā paññatti tisso anuppaññattiyo.
Channaṁ āpattisamuṭṭhānānaṁ dvīhi samuṭṭhānehi samuṭṭhāti (kaṭhinake) .pe.

[153] Aṭṭhimayaṁ vā dantamayaṁ vā visāṇamayaṁ vā sūcigharaṁ
kārāpentassa pācittiyaṁ kattha paññattanti. Sakkesu paññattaṁ.
Kaṁ ārabbhāti. Sambahule bhikkhū ārabbha. Kismiṁ vattusminti.
Sambahulā bhikkhū na mattaṁ jānitvā bahū sūcighare viññāpesuṁ
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti .pe.

[154] Pamāṇātikkantaṁ mañcaṁ vā pīṭhaṁ vā kārāpentassa
pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Āyasmantaṁ upanandaṁ sakyaputtaṁ ārabbha. Kismiṁ
vatthusminti. Āyasmā upanando sakyaputto uccaṁ mañcaṁ
kārāpesi 1 tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti .pe.

[155] Mañcaṁ vā pīṭhaṁ vā tūlonaddhaṁ kārāpentassa pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Chabbaggiye bhikkhū ārabbha. Kismiṁ vatthusminti. Chabbaggiyā
bhikkhū mañcaṁpi pīṭhaṁpi 2 tūlonaddhaṁ kārāpesuṁ tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.
1 Ma. Yu. ucce mañce sayi. 2 Ma. mañcaṁ vā pīṭhaṁ vā.

[156] Pamāṇātikkantaṁ nisīdanaṁ kārāpentassa pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Chabbaggiye
bhikkhū ārabbha. Kismiṁ vatthusminti. Chabbaggiyā bhikkhū appamāṇikāni
nisīdanāni kārāpesuṁ 1 tasmiṁ vatthusmiṁ. Ekā paññatti
ekā anuppaññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.

[157] Pamāṇātikkantaṁ kaṇḍupaṭicchādiṁ kārāpentassa pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Chabbaggiye bhikkhū ārabbha. Kismiṁ vatthusminti. Chabbaggiyā
bhikkhū appamāṇikāyo kaṇḍupaṭicchādiyo dhāresuṁ tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.

[158] Pamāṇātikkantaṁ vassikasāṭikaṁ kārāpentassa pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Chabbaggiye bhikkhū ārabbha. Kismiṁ vatthusminti. Chabbaggiyā
bhikkhū appamāṇikāyo vassikasāṭikāyo dhāresuṁ tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.

[159] Sugatacīvarappamāṇaṁ cīvaraṁ kārāpentassa pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Āyasmantaṁ
1 Ma. Yu. dhāresuṁ.
Nandaṁ ārabbha. Kismiṁ vatthusminti. Āyasmā nando sugatacīvarappamāṇaṁ
cīvaraṁ dhāresi tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ chahi samuṭṭhānehi samuṭṭhāti .pe.
Rājavaggo navamo.
Tassuddānaṁ