[120] Jotiṁ samādahitvā visibbentassa pācittiyaṁ kattha paññattanti.
Bhaggesu paññattaṁ. Kaṁ ārabbhāti. Sambahule bhikkhū
ārabbha. Kismiṁ vatthusminti. Sambahulā bhikkhū jotiṁ samādahitvā
visibbesuṁ tasmiṁ vatthusmiṁ. Ekā paññatti dve anuppaññatti.
Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.

[121] Orenaḍḍhamāsaṁ nhāyantassa pācittiyaṁ kattha paññattanti.
Rājagahe paññattaṁ. Kaṁ ārabbhāti. Sambahule bhikkhū
ārabbha. Kismiṁ vatthusminti. Sambahulā bhikkhū rājānaṁpi passitvā
Na mattaṁ jānitvā nhāyiṁsu tasmiṁ vatthusmiṁ. Ekā paññatti
cha anuppaññattiyo. Sabbattha paññatti padesapaññattīti.
Padesapaññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (eḷakalomake) .pe.

[122] Anādayitvā tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ
navaṁ cīvaraṁ paribhuñjantassa pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Sambahule bhikkhū
ārabbha. Kismiṁ vatthusminti. Sambahulā bhikkhū attano cīvaraṁ na
sañjāniṁsu tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (eḷakalomake) .pe.

[123] Bhikkhussa vā bhikkhuniyā vā sikkhamānāya vā sāmaṇerassa
vā sāmaṇeriyā vā sāmaṁ cīvaraṁ vikappetvā appaccuddhārakaṁ 1
paribhuñjantassa pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Āyasmantaṁ upanandaṁ sakyaputtaṁ ārabbha. Kismiṁ
vatthusminti. Āyasmā upanando sakyaputto bhikkhussa sāmaṁ
cīvaraṁ vikappetvā appaccuddhārakaṁ paribhuñji tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (kaṭhinake) .pe.

[124] Bhikkhussa pattaṁ vā cīvaraṁ vā nisīdanaṁ vā sūcigharaṁ vā
kāyabandhanaṁ vā apanidhentassa pācittiyaṁ kattha paññattanti.
1 Ma. appaccuddhāraṇaṁ.
Sāvatthiyā paññattaṁ. Kaṁ ārabbhāti. Chabbaggiye bhikkhū ārabbha.
Kismiṁ vatthusminti. Chabbaggiyā bhikkhū bhikkhūnaṁ pattaṁpi cīvaraṁpi
nisīdanaṁpi 1 sūcigharaṁpi kāyabandhanaṁpi apanidhesuṁ tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ tīhi samuṭṭhānehi
samuṭṭhāti .pe.
Surāmerayavaggo chaṭṭho.
Tassuddānaṁ

[125] Suraṁ aṅgulipatode udake ca anādare
bhikkhuṁ vā bhiṁsāpanañca jotiñca nhānadubbaṇṇa-
karaṇaṁ vikappañceva cīvaraṁ apanidhena cāti 2 .
-----------

[126] Sañcicca pāṇaṁ jīvitā voropentassa pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Āyasmantaṁ
udāyiṁ ārabbha. Kismiṁ vatthusminti. Āyasmā udāyi sañcicca
pāṇaṁ jīvitā voropesi tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti .pe.

[127] Jānaṁ sappāṇakaṁ udakaṁ paribhuñjantassa pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Chabbaggiye
bhikkhū ārabbha. Kismiṁ vatthusminti. Chabbaggiyā bhikkhū jānaṁ
1 Ma. Yu. nisīdanaṁpi sūcigharaṁpi kāyabandhanaṁpiti ime pāṭhā natthi.
2 idaṁ uddānaṁ sīhalapotthakena visadisaṁ hoti.
Sappāṇakaṁ udakaṁ paribhuñjiṁsu tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti .pe.

[128] Jānaṁ yathādhammaṁ nīhatādhikaraṇaṁ punakammāya ukkoṭentassa
pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Chabbaggiye bhikkhū ārabbha. Kismiṁ vatthusminti.
Chabbaggiyā bhikkhū jānaṁ yathādhammaṁ nīhatādhikaraṇaṁ punakammāya ukkoṭesuṁ
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti .pe.

[129] Bhikkhussa jānaṁ duṭṭhullaṁ āpattiṁ paṭicchādentassa pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Aññataraṁ bhikkhuṁ ārabbha. Kismiṁ vatthusminti. Aññataro bhikkhu
bhikkhussa jānaṁ duṭṭhullaṁ āpattiṁ paṭicchādesi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti kāyato ca vācato ca cittato ca samuṭṭhāti .pe.