พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake parivāro (เล่ม 8)

[110] Taduttariṁ bhesajjaṁ viññāpentassa pācittiyaṁ kattha
paññattanti. Sakkesu paññattaṁ. Kaṁ ārabbhāti. Chabbaggiye
bhikkhū ārabbha. Kismiṁ vatthusminti. Chabbaggiyā bhikkhū mahānāmena
sakkena ajjuṇho bhante āgamethāti vuccamānā nāgamesuṁ
tasmiṁ vatthusmiṁ. Ekā paññatti ekā anuppaññatti 2 .
Channaṁ āpattisamuṭṭhānānaṁ chahi samuṭṭhānehi samuṭṭhāti .pe.

Vinayapiṭake parivāro (เล่ม 8)

[111] Uyyuttaṁ senaṁ dassanāya gacchantassa pācittiyaṁ kattha
1 Ma. Yu. vāsaddadvayaṁ natthi. 2 Ma. Yu. ime dve pāṭhā natthi.
Paññattanti. Sāvatthiyā paññattaṁ. Kaṁ ārabbhāti. Chabbaggiye
bhikkhū ārabbha. Kismiṁ vatthusminti. Chabbaggiyā bhikkhū uyyuttaṁ
senaṁ dassanāya agamaṁsu tasmiṁ vatthusmiṁ. Ekā paññatti
ekā anuppaññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (eḷakalomake) .pe.

Vinayapiṭake parivāro (เล่ม 8)

[112] Atirekatirattaṁ senāya vasantassa pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Chabbaggiye
bhikkhū ārabbha. Kismiṁ vatthusminti. Chabbaggiyā bhikkhū atirekatirattaṁ
senāya vasiṁsu tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (eḷakalomake) .pe.

Vinayapiṭake parivāro (เล่ม 8)

[113] Uyyodhikaṁ gacchantassa pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiye bhikkhū ārabbha.
Kismiṁ vatthusminti. Chabbaggiyā bhikkhū uyyodhikaṁ agamaṁsu tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ dvīhi
samuṭṭhānehi samuṭṭhāti (eḷakalomake) .pe.
Acelakavaggo pañcamo.
Tassuddānaṁ

Vinayapiṭake parivāro (เล่ม 8)

[114] Acelakassa dānena bhikkhūyyojanena ca
sabhojanaṁ kulañceva dve ca raho nisīdanaṁ
santaṁ bhikkhuñca bhesajjaṁ uyyuttaṁ dassanena ca
Atirekatirattañceva uyyodhikagamanena cāti.
------------

Vinayapiṭake parivāro (เล่ม 8)

[115] Surāmerayapāne pācittiyaṁ kattha paññattanti. Kosambiyā
paññattaṁ. Kaṁ ārabbhāti. Āyasmantaṁ sāgataṁ ārabbha. Kismiṁ
vatthusminti. Āyasmā sāgato majjaṁ pivi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti siyā kāyato samuṭṭhāti na vācato na cittato
siyā kāyato ca cittato ca samuṭṭhāti na vācato .pe.

Vinayapiṭake parivāro (เล่ม 8)

[116] Aṅgulipatodake pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Chabbaggiye bhikkhū ārabbha. Kismiṁ
vatthusminti. Chabbaggiyā bhikkhū bhikkhuṁ aṅgulipatodakena hāsesuṁ
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
ekena samuṭṭhānena samuṭṭhāti kāyato ca cittato ca samuṭṭhāti
na vācato .pe.

Vinayapiṭake parivāro (เล่ม 8)

[117] Udake hassadhamme 1 pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Sattarasavaggiye bhikkhū
ārabbha. Kismiṁ vatthusminti. Sattarasavaggiyā bhikkhū aciravatiyā
nadiyā udake kīḷiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ ekena samuṭṭhānena samuṭṭhāti kāyato ca
1 Po. hasanadhamme. Ma. hasadhamme. Yu. hāsadhamme.
Cittato ca samuṭṭhāti na vācato .pe.

Vinayapiṭake parivāro (เล่ม 8)

[118] Anādariye pācittiyaṁ kattha paññattanti. Kosambiyā
paññattaṁ. Kaṁ ārabbhāti. Āyasmantaṁ channaṁ ārabbha. Kismiṁ
vatthusminti. Āyasmā channo anādariyaṁ akāsi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ tīhi samuṭṭhānehi
samuṭṭhāti .pe.

Vinayapiṭake parivāro (เล่ม 8)

[119] Bhikkhuṁ bhiṁsāpentassa pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiye bhikkhū ārabbha.
Kismiṁ vatthusminti. Chabbaggiyā bhikkhū bhikkhuṁ bhiṁsāpesuṁ tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ tīhi
samuṭṭhānehi samuṭṭhāti .pe.