[60] Yantena bhagavatā jānatā passatā arahatā sammāsambuddhena
sampajānamusāvāde pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Hatthakaṁ sakyaputtaṁ
1 tesaṁ tesaṁ vaggānaṁ avasāne uddānāni yuropiyamarammapotthakes na dissanti.
2 ito paraṁ tesaṁ tesaṁ vaggānaṁ uddānaṁ dassitaṁ taṁ pana visadisaṁ hoti. icchantena
tattha oloketabbaṁ.
Ārabbha. Kismiṁ vatthusminti. Hatthako sakyaputto titthiyehi
saddhiṁ sallapanto avajānitvā paṭijāni paṭijānitvā avajāni
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti siyā kāyato ca cittato ca
samuṭṭhāti na vācato siyā vācato ca cittato ca samuṭṭhāti
na kāyato siyā kāyato ca vācato ca cittato ca
samuṭṭhāti .pe.

[61] Omasavāde pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Chabbaggiye bhikkhū ārabbha. Kismiṁ
vatthusminti. Chabbaggiyā bhikkhū pesalehi bhikkhūhi saddhiṁ bhaṇḍantā
pesale bhikkhū omasiṁsu tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti .pe.

[62] Bhikkhupesuññe pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Chabbaggiye bhikkhū ārabbha. Kismiṁ
vatthusminti. Chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ
vivādāpannānaṁ pesuññaṁ upasaṁhariṁsu tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ tīhi samuṭṭhānehi
samuṭṭhāti .pe.

[63] Anupasampannaṁ padaso dhammaṁ vācentassa pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Chabbaggiye
Bhikkhū ārabbha. Kismiṁ vatthusminti. Chabbaggiyā bhikkhū upāsake
padaso dhammaṁ vācesuṁ tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ dvīhi samuṭṭhānehi samuṭṭhāti siyā
vācato samuṭṭhāti na kāyato na cittato siyā vācato ca
cittato ca samuṭṭhāti na kāyato .pe.

[64] Anupasampannena uttaridvirattatirattaṁ saha seyyaṁ kappentassa
pācittiyaṁ kattha paññattanti. Āḷaviyā paññattaṁ. Kaṁ
ārabbhāti. Sambahule bhikkhū ārabbha. Kismiṁ vatthusminti.
Sambahulā bhikkhū anupasampannena saha seyyaṁ kappesuṁ tasmiṁ
vatthusmiṁ. Ekā paññatti ekā anuppaññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti siyā kāyato
samuṭṭhāti na vācato na cittato siyā kāyato ca cittato
ca samuṭṭhāti na vācato .pe.

[65] Mātugāmena saha seyyaṁ kappentassa pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Āyasmantaṁ
anuruddhaṁ ārabbha. Kismiṁ vatthusminti. Āyasmā anuruddho
mātugāmena saha seyyaṁ kappesi tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ dvīhi samuṭṭhānehi samuṭṭhāti
(eḷakalomake) .pe.

[66] Mātugāmassa uttarichappañcavācāhi dhammaṁ desentassa
Pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Āyasmantaṁ udāyiṁ ārabbha. Kismiṁ vatthusminti.
Āyasmā udāyi mātugāmassa dhammaṁ desesi tasmiṁ vatthusmiṁ.
Ekā paññatti dve anuppaññattiyo. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (padaso dhamme) .pe.

[67] Anupasampannassa uttarimanussadhammaṁ bhūtaṁ ārocentassa
pācittiyaṁ kattha paññattanti. Vesāliyā paññattaṁ. Kaṁ
ārabbhāti. Vaggumudātīriye bhikkhū ārabbha. Kismiṁ vatthusminti.
Vaggumudātīriyā bhikkhū gihīnaṁ aññamaññassa uttarimanussadhammassa
vaṇṇaṁ bhāsiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ tīhi samuṭṭhānehi samuṭṭhāti siyā kāyato
samuṭṭhāti na vācato na cittato siyā vācato samuṭṭhāti
na kāyato na cittato siyā kāyato ca vācato ca samuṭṭhāti
na cittato .pe.

[68] Bhikkhussa duṭṭhullaṁ āpattiṁ anupasampannassa ārocentassa
pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Chabbaggiye bhikkhū ārabbha. Kismiṁ vatthusminti.
Chabbaggiyā bhikkhū bhikkhussa duṭṭhullaṁ āpattiṁ anupasampannassa
ārocesuṁ tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti (adinnādānasamuṭṭhāne) .pe.

[69] Paṭhaviṁ khanantassa pācittiyaṁ kattha paññattanti.
Āḷaviyā paññattaṁ. Kaṁ ārabbhāti. Āḷavike bhikkhū ārabbha.
Kismiṁ vatthusminti. Āḷavikā bhikkhū paṭhaviṁ khaniṁsu tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ tīhi
samuṭṭhānehi samuṭṭhāti .pe.
Musāvādavaggo paṭhamo.
Tassuddānaṁ