[50] Ūnapañcabandhanena pattena aññaṁ navaṁ pattaṁ cetāpentassa
nissaggiyaṁ pācittiyaṁ kattha paññattanti. Sakkesu
paññattaṁ. Kaṁ ārabbhāti. Chabbaggiye bhikkhū ārabbha. Kismiṁ
vatthusminti. Chabbaggiyā bhikkhū appamattakenapi bhinnena appamattakenapi
khaṇḍena vilikhitamattenapi bahū patte viññāpesuṁ tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ chahi
samuṭṭhānehi samuṭṭhāti .pe.

[51] Bhesajjāni paṭiggahetvā sattāhaṁ atikkāmentassa nissaggiyaṁ
pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Sambahule bhikkhū ārabbha. Kismiṁ vatthusminti.
Sambahulā bhikkhū bhesajjāni paṭiggahetvā sattāhaṁ atikkāmesuṁ
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (kaṭhinake) .pe.

[52] Atirekamāse sese gimhānaṁ 1 vassikasāṭikacīvaraṁ pariyesantassa
nissaggiyaṁ pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Chabbaggiye bhikkhū ārabbha. Kismiṁ
vatthusminti. Chabbaggiyā bhikkhū atirekamāse sese gimhānaṁ 1
vassikasāṭikacīvaraṁ pariyesiṁsu tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ chahi samuṭṭhānehi samuṭṭhāti .pe.

[53] Bhikkhussa sāmaṁ cīvaraṁ datvā kupitena anattamanena
acchintantassa nissaggiyaṁ pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Āyasmantaṁ upanandaṁ sakyaputtaṁ
ārabbha. Kismiṁ vatthusminti. Āyasmā upanando sakyaputto
bhikkhussa sāmaṁ cīvaraṁ datvā kupito anattamano acchindi tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ tīhi
samuṭṭhānehi samuṭṭhāti .pe.

[54] Sāmaṁ suttaṁ viññāpetvā tantavāyehi cīvaraṁ vāyāpentassa
nissaggiyaṁ pācittiyaṁ kattha paññattanti. Rājagahe paññattaṁ.
Kaṁ ārabbhāti. Chabbaggiye bhikkhū ārabbha. Kismiṁ vatthusminti.
Chabbaggiyā bhikkhū sāmaṁ suttaṁ viññāpetvā tantavāyehi cīvaraṁ
vāyāpesuṁ tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti .pe.

[55] Pubbe appavāritena 2 aññātakassa gahapatikassa tantavāye
1 Ma. Yu. gimhāne. 2 Po. Ma. appavāritassa.
Upasaṅkamitvā cīvare vikappaṁ āpajjantassa nissaggiyaṁ pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Āyasmantaṁ upanandaṁ sakyaputtaṁ ārabbha. Kismiṁ vatthusminti.
Āyasmā upanando sakyaputto pubbe appavārito aññātakassa
gahapatikassa tantavāye upasaṅkamitvā cīvare vikappaṁ āpajji
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti .pe.

[56] Accekacīvaraṁ paṭiggahetvā cīvarakālasamayaṁ atikkāmentassa
nissaggiyaṁ pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Sambahule bhikkhū ārabbha. Kismiṁ vatthusminti.
Sambahulā bhikkhū accekacīvaraṁ paṭiggahetvā cīvarakālasamayaṁ atikkāmesuṁ
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (kaṭhinake) .pe.

[57] Tiṇṇaṁ cīvarānaṁ aññataraṁ cīvaraṁ antaraghare nikkhipitvā
atirekachārattaṁ vippavasantassa nissaggiyaṁ pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Sambahule
bhikkhū ārabbha. Kismiṁ vatthusminti. Sambahulā bhikkhū tiṇṇaṁ
cīvarānaṁ aññataraṁ cīvaraṁ antaraghare nikkhipitvā atirekachārattaṁ
vippavasiṁsu tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (kaṭhinake) .pe.

[58] Jānaṁ saṅghikaṁ lābhaṁ pariṇataṁ attano pariṇāmentassa
nissaggiyaṁ pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Chabbaggiye bhikkhū ārabbha. Kismiṁ vatthusminti.
Chabbaggiyā bhikkhū jānaṁ saṅghikaṁ lābhaṁ pariṇataṁ attano pariṇāmesuṁ
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti .pe.
Pattavaggo tatiyo.
Tassuddānaṁ

[59] Atirekañca pattañca ūnena bandhanena ca
bhesajjaṁ sāṭakañceva kupitena achindanaṁ
duve tantavāyā ceva accekacīvarena ca
chārattaṁ vippavāsena attano pariṇāmanāti 1 .
Tiṁsa nissaggiyā pācittiyā niṭṭhitā 2 .
---------