[30] Aññātikāya bhikkhuniyā purāṇacīvaraṁ dhovāpentassa nissaggiyaṁ
pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Āyasmantaṁ udāyiṁ ārabbha. Kismiṁ vatthusminti.
1 Ma. Yu. ekā anupaññatti.
Āyasmā udāyi aññātikāya bhikkhuniyā purāṇacīvaraṁ dhovāpesi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti .pe.

[31] Aññātikāya bhikkhuniyā hatthato cīvaraṁ paṭiggaṇhantassa
nissaggiyaṁ pācittiyaṁ kattha paññattanti. Rājagahe paññattaṁ.
Kaṁ ārabbhāti. Āyasmantaṁ udāyiṁ ārabbha. Kismiṁ vatthusminti.
Āyasmā udāyi aññātikāya bhikkhuniyā hatthato cīvaraṁ paṭiggahesi
tasmiṁ vatthusmiṁ. Ekā paññatti ekā anuppaññatti.
Channaṁ āpattisamuṭṭhānānaṁ chahi samuṭṭhānehi samuṭṭhāti .pe.

[32] Aññātakaṁ gahapatiṁ vā gahapatāniṁ vā cīvaraṁ viññāpentassa
nissaggiyaṁ pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Āyasmantaṁ upanandaṁ sakyaputtaṁ ārabbha. Kismiṁ
vatthusminti. Āyasmā upanando sakyaputto aññātakaṁ seṭṭhiputtaṁ
cīvaraṁ viññāpesi tasmiṁ vatthusmiṁ. Ekā paññatti
ekā anuppaññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.

[33] Aññātakaṁ gahapatiṁ vā gahapatāniṁ vā taduttariṁ cīvaraṁ
viññāpentassa nissaggiyaṁ pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiye bhikkhū ārabbha.
Kismiṁ vatthusminti. Chabbaggiyā bhikkhū na mattaṁ jānitvā bahuṁ
Cīvaraṁ viññāpesuṁ tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ chahi samuṭṭhānehi samuṭṭhāti .pe.

[34] Pubbe appavāritena 1 aññātakaṁ gahapatikaṁ upasaṅkamitvā
cīvare vikappaṁ āpajjantassa nissaggiyaṁ pācittiyaṁ kattha
paññattanti. Sāvatthiyā paññattaṁ. Kaṁ ārabbhāti.
Āyasmantaṁ upanandaṁ sakyaputtaṁ ārabbha. Kismiṁ vatthusminti.
Āyasmā upanando sakyaputto pubbe appavārito aññātakaṁ
gahapatikaṁ upasaṅkamitvā cīvare vikappaṁ āpajji tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.

[35] Pubbe appavāritena 2 aññātake gahapatike upasaṅkamitvā
cīvare vikappaṁ āpajjantassa nissaggiyaṁ pācittiyaṁ kattha
paññattanti. Sāvatthiyā paññattaṁ. Kaṁ ārabbhāti.
Āyasmantaṁ upanandaṁ sakyaputtaṁ ārabbha. Kismiṁ vatthusminti.
Āyasmā upanando sakyaputto pubbe appavārito aññātake
gahapatike upasaṅkamitvā cīvare vikappaṁ āpajji tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti .pe.

[36] Atirekatikkhattuṁ codanāya atirekachakkhattuṁ ṭhānena cīvaraṁ
abhinipphādentassa nissaggiyaṁ pācittiyaṁ kattha paññattanti.
1 Po. appavāritaṁ. Ma. appavāritassa. 2 Po. appavārite. Ma. appavāritassa.
Sāvatthiyā paññattaṁ. Kaṁ ārabbhāti. Āyasmantaṁ upanandaṁ
sakyaputtaṁ ārabbha. Kismiṁ vatthusminti. Āyasmā upanando
sakyaputto upāsakena ajjuṇho bhante āgamehīti vuccamāno
nāgamesi tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti .pe.
Kaṭhinavaggo paṭhamo.
Tassuddānaṁ

[37] Atirekekarattañca akālaporāṇadhovanaṁ
paṭiggahaṇapañcamañceva viññatti ca taduttari
dve appavāritā ceva tikkhattuṁ codanāya cāti.
---------

[38] Kosiyamissakaṁ santhataṁ kārāpentassa nissaggiyaṁ pācittiyaṁ
kattha paññattanti. Āḷaviyā paññattaṁ. Kaṁ ārabbhāti.
Chabbaggiye bhikkhū ārabbha. Kismiṁ vatthusminti. Chabbaggiyā
bhikkhū kosiyakārake upasaṅkamitvā evamāhaṁsu bahū āvuso kosakārake 1
pacatha amhākaṁpi dassatha mayaṁpi icchāma kosiyamissakaṁ
santhataṁ kārāpetunti 2 tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ chahi samuṭṭhānehi samuṭṭhāti .pe.

[39] Suddhakāḷakānaṁ eḷakalomānaṁ santhataṁ kārāpentassa nissaggiyaṁ
pācittiyaṁ kattha paññattanti. Vesāliyā paññattaṁ. Kaṁ
1 Po. kosiyakārake. 2 Ma. Yu. kātunti.
Ārabbhāti. Chabbaggiye bhikkhū ārabbha. Kismiṁ vatthusminti.
Chabbaggiyā bhikkhū suddhakāḷakānaṁ eḷakalomānaṁ santhataṁ kārāpesuṁ
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti .pe.