[1247] Saññojanasampayuttaṁ akusalaṁ dhammaṁ paṭicca saññojanasampayutto
akusalo dhammo uppajjati nahetupaccayā: vicikicchāsahagate
khandhe paṭicca vicikicchāsahagato moho.

[1248] Nahetuyā dve nādhipatiyā pañca napurejāte
pañca .pe. Nakamme tīṇi .pe. Navippayutte pañca.
Pañhāvāro

[1249] Saññojanasampayutto akusalo dhammo
saññojanasampayuttassa akusalassa dhammassa hetupaccayena paccayo:.
Saññojanavippayutto akusalo dhammo saññojanavippayuttassa
akusalassa dhammassa hetupaccayena paccayo:.

[1250] Hetuyā dve ārammaṇe nava saññojanasampayutto
akusalo dhammo saññojanasampayuttassa akusalassa dhammassa
adhipatipaccayena paccayo: adhipatiyā ekaṁ anantare nava .pe.
Sahajāte pañca .pe. Upanissaye nava āsevane nava kamme
tīṇi .pe. Magge tīṇi sampayutte pañca atthiyā pañca.
-----------
Paṭiccavāro

[1251] Saññojanavippayuttaṁ abyākataṁ dhammaṁ paṭicca
saññojanavippayutto abyākato dhammo uppajjati hetupaccayā:.

[1252] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
Saññojanasampayuttadukakusalattikaṁ niṭṭhitaṁ.
-----------
Saññojanasaññojaniyadukakusalattikaṁ
paṭiccavāro

[1253] Saññojaniyañcevanocasaññojanaṁ kusalaṁ dhammaṁ paṭicca
saññojaniyocevanocasaññojano kusalo dhammo uppajjati hetupaccayā:.

[1254] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
----------------
Paṭiccavāro

[1255] Saññojanañcevasaññojaniyañca akusalaṁ dhammaṁ paṭicca
saññojanocevasaññojaniyoca akusalo dhammo uppajjati hetupaccayā:
tīṇi.

[1256] Hetuyā nava ārammaṇe nava adhipatiyā nava
Avigate nava.