[1227] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
-----------
Paṭiccavāro

[1228] Nosaññojanaṁ abyākataṁ dhammaṁ paṭicca nosaññojano
abyākato dhammo uppajjati hetupaccayā:.

[1229] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
Saññojanadukakusalattikaṁ niṭṭhitaṁ.
----------
Saññojaniyadukakusalattikaṁ
paṭiccavāro

[1230] Saññojaniyaṁ kusalaṁ dhammaṁ paṭicca saññojaniyo kusalo
dhammo uppajjati hetupaccayā:. Asaññojaniyaṁ kusalaṁ dhammaṁ paṭicca
asaññojaniyo kusalo dhammo uppajjati hetupaccayā:.

[1231] Hetuyā dve ārammaṇe dve.
Yathā cūḷantaraduke lokiyalokuttaradukagamanaṁ evaṁ imampi
ñātabbaṁ. Sahajātavāropi pañhāvāropi vitthāretabbā.
-----------
Paṭiccavāro

[1232] Saññojaniyaṁ akusalaṁ dhammaṁ paṭicca saññojaniyo
akusalo dhammo uppajjati hetupaccayā:.

[1233] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
----------
Paṭiccavāro

[1234] Saññojaniyaṁ abyākataṁ dhammaṁ paṭicca saññojaniyo
abyākato dhammo uppajjati hetupaccayā:. Asaññojaniyaṁ abyākataṁ
dhammaṁ paṭicca asaññojaniyo abyākato dhammo uppajjati
Hetupaccayā: asaññojaniyaṁ abyākataṁ dhammaṁ paṭicca saññojaniyo
abyākato dhammo uppajjati hetupaccayā: asaññojaniyaṁ abyākataṁ
dhammaṁ paṭicca saññojaniyo abyākato ca asaññojaniyo abyākato
ca dhammā uppajjanti hetupaccayā:. Saññojaniyaṁ abyākatañca
asaññojaniyaṁ abyākatañca dhammaṁ paṭicca saññojaniyo abyākato
dhammo uppajjati hetupaccayā:.

[1235] Hetuyā pañca ārammaṇe dve adhipatiyā pañca
avigate pañca.
Cūḷantaraduke lokiyalokuttaradukasadisaṁ
sahajātavāropi .pe. Sampayuttavāropi vitthāretabbā.
Pañhāvāro

[1236] Saññojaniyo abyākato dhammo saññojaniyassa
abyākatassa dhammassa hetupaccayena paccayo:. Asaññojaniyo
abyākato dhammo asaññojaniyassa abyākatassa dhammassa hetupaccayena
paccayo: tīṇi.