[1257] Nahetuyā tīṇi nādhipatiyā nava napurejāte nava
napacchājāte nava nāasevane nava nakamme tīṇi navipāke
nava navippayutte nava.
Sahajātavāropi sampayuttavāropi paṭiccavārasadisā.
Pañhāvāro

[1258] Saññojanocevasaññojaniyoca akusalo dhammo
saññojanassacevasaññojaniyassaca akusalassa dhammassa hetupaccayena
paccayo:.

[1259] Hetuyā tīṇi ārammaṇe nava adhipatiyā nava
avigate nava.

[1260] Nahetuyā nava nāarammaṇe nava.

[1261] Hetupaccayā nāarammaṇe tīṇi.

[1262] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
---------
Paṭiccavāro

[1263] Saññojaniyañcevanocasaññojanaṁ abyākataṁ dhammaṁ paṭicca
saññojaniyocevanocasaññojano abyākato dhammo uppajjati hetupaccayā:.

[1264] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
Saññojanasaññojaniyadukakusalattikaṁ niṭṭhitaṁ.
---------
Saññojanasaññojanasampayuttadukakusalattikaṁ
paṭiccavāro

[1265] Saññojanañcevasaññojanasampayuttañca akusalaṁ dhammaṁ
paṭicca saññojanocevasaññojanasampayuttoca akusalo dhammo
uppajjati hetupaccayā: tīṇi.

[1266] Saññojanasampayuttañcevanocasaññojanaṁ akusalaṁ dhammaṁ
paṭicca saññojanasampayuttocevanocasaññojano akusalo dhammo
uppajjati hetupaccayā:.