พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ catuttho bhāgo (เล่ม 43)

[804] Arūpāvacaro dhammo arūpāvacarassa dhammassa vipākapaccayena
paccayo:. Nārūpāvacaro dhammo nārūpāvacarassa dhammassa
vipākapaccayena paccayo:. ... Āhārapaccayena paccayo: cattāri
indriyapaccayena paccayo: cattāri jhānapaccayena paccayo: cattāri
maggapaccayena paccayo: cattāri sampayuttapaccayena paccayo: dve.

Abhidhammapiṭake paṭṭhānaṁ catuttho bhāgo (เล่ม 43)

[805] Arūpāvacaro dhammo nārūpāvacarassa dhammassa
vippayuttapaccayena paccayo: sahajātaṁ pacchājātaṁ. Nārūpāvacaro dhammo
nārūpāvacarassa dhammassa vippayuttapaccayena paccayo: sahajātaṁ purejātaṁ
pacchājātaṁ. Nārūpāvacaro dhammo arūpāvacarassa dhammassa
vippayuttapaccayena paccayo: purejātaṁ: vatthu arūpāvacarānaṁ khandhānaṁ
vippayuttapaccayena paccayo.

Abhidhammapiṭake paṭṭhānaṁ catuttho bhāgo (เล่ม 43)

[806] Arūpāvacaro dhammo arūpāvacarassa dhammassa atthipaccayena
paccayo: sahajātaṁ. Arūpāvacaro dhammo nārūpāvacarassa dhammassa
atthipaccayena paccayo: sahajātaṁ pacchājātaṁ. Arūpāvacaro dhammo
arūpāvacarassa ca nārūpāvacarassa ca dhammassa atthipaccayena paccayo:
Sahajātaṁ. Nārūpāvacaro dhammo nārūpāvacarassa dhammassa atthipaccayena
paccayo: sahajātaṁ purejātaṁ pacchājātaṁ āhāraṁ indriyaṁ.
Nārūpāvacaro dhammo arūpāvacarassa dhammassa atthipaccayena paccayo:
purejātaṁ: vatthu arūpāvacarānaṁ khandhānaṁ atthipaccayena paccayo.
Arūpāvacaro ca nārūpāvacaro ca dhammā arūpāvacarassa dhammassa
atthipaccayena paccayo: sahajātaṁ purejātaṁ. Sahajāto: arūpāvacaro
eko khandho ca vatthu ca tiṇṇannaṁ khandhānaṁ atthipaccayena paccayo
dve khandhā .... Arūpāvacaro ca nārūpāvacaro ca dhammā nārūpāvacarassa
dhammassa atthipaccayena paccayo: sahajātaṁ pacchājātaṁ āhāraṁ
indriyaṁ. Sahajātā: arūpāvacarā khandhā ca mahābhūtā ca
cittasamuṭṭhānānaṁ rūpānaṁ atthipaccayena paccayo. Pacchājātā:
arūpāvacarā khandhā ca kabaḷiṁkāro āhāro ca imassa kāyassa
atthipaccayena paccayo. Pacchājātā: arūpāvacarā khandhā ca
rūpajīvitindriyañca kaṭattārūpānaṁ atthipaccayena paccayo. ... Natthipaccayena
paccayo: vigatapaccayena paccayo: avigatapaccayena paccayo:.

Abhidhammapiṭake paṭṭhānaṁ catuttho bhāgo (เล่ม 43)

[807] Hetuyā cattāri ārammaṇe tīṇi adhipatiyā cattāri
anantare cattāri samanantare cattāri sahajāte pañca aññamaññe
dve nissaye satta upanissaye cattāri purejāte dve
pacchājāte dve āsevane tīṇi kamme cattāri vipāke dve
āhāre cattāri indriye cattāri jhāne cattāri magge
Cattāri sampayutte dve vippayutte tīṇi atthiyā satta
natthiyā cattāri vigate cattāri avigate satta.

Abhidhammapiṭake paṭṭhānaṁ catuttho bhāgo (เล่ม 43)

[808] Arūpāvacaro dhammo arūpāvacarassa dhammassa ārammaṇapaccayena
paccayo: sahajātapaccayena paccayo: upanissayapaccayena
paccayo: kammapaccayena paccayo:. Arūpāvacaro dhammo nārūpāvacarassa
dhammassa ārammaṇapaccayena paccayo: sahajātapaccayena
paccayo: upanissayapaccayena paccayo: pacchājātapaccayena
paccayo:. Arūpāvacaro dhammo arūpāvacarassa ca nārūpāvacarassa ca
dhammassa sahajātapaccayena paccayo:. Nārūpāvacaro dhammo
nārūpāvacarassa dhammassa ārammaṇapaccayena paccayo: sahajātapaccayena
paccayo: upanissayapaccayena paccayo: purejātapaccayena paccayo:
pacchājātapaccayena paccayo: kammapaccayena paccayo: āhārapaccayena
paccayo: indriyapaccayena paccayo:. Nārūpāvacaro dhammo
arūpāvacarassa dhammassa upanissayapaccayena paccayo: purejātapaccayena
paccayo:. Arūpāvacaro ca nārūpāvacaro ca dhammā
arūpāvacarassa dhammassa sahajātapaccayena paccayo: purejātapaccayena
paccayo:. Arūpāvacaro ca nārūpāvacaro ca dhammā nārūpāvacarassa
dhammassa sahajātapaccayena paccayo: pacchājātapaccayena paccayo:
āhārapaccayena paccayo: indriyapaccayena paccayo:.

Abhidhammapiṭake paṭṭhānaṁ catuttho bhāgo (เล่ม 43)

[809] Nahetuyā satta nāarammaṇe satta nādhipatiyā
Satta nānantare satta nasamanantare satta nasahajāte pañca
nāññamaññe pañca nanissaye pañca naupanissaye satta
napurejāte cha napacchājāte satta nasampayutte pañca
navippayutte cattāri noatthiyā cattāri nonatthiyā satta
novigate satta noavigate cattāri.

Abhidhammapiṭake paṭṭhānaṁ catuttho bhāgo (เล่ม 43)

[810] Hetupaccayā nāarammaṇe cattāri ... Nādhipatiyā cattāri
nānantare nasamanantare cattāri nāññamaññe dve naupanissaye
cattāri nasampayutte dve navippayutte dve nonatthiyā cattāri
novigate cattāri.

Abhidhammapiṭake paṭṭhānaṁ catuttho bhāgo (เล่ม 43)

[811] Nahetupaccayā ārammaṇe tīṇi ... Adhipatiyā cattāri.
Anulomamātikā vitthāretabbā. ... Avigate satta.
Arūpāvacaradukaṁ niṭṭhitaṁ.
----------------
Pariyāpannadukaṁ
paṭiccavāro

Abhidhammapiṭake paṭṭhānaṁ catuttho bhāgo (เล่ม 43)

[812] Pariyāpannaṁ dhammaṁ paṭicca pariyāpanno dhammo uppajjati
hetupaccayā: pariyāpannaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Paṭisandhi.
Yathā cūḷantaraduke lokiyadukaṁ evaṁ imampi dukaṁ kātabbaṁ
ninnānākaraṇaṁ.
Pariyāpannadukaṁ niṭṭhitaṁ.
-----------
Niyyānikadukaṁ
paṭiccavāro

Abhidhammapiṭake paṭṭhānaṁ catuttho bhāgo (เล่ม 43)

[813] Niyyānikaṁ dhammaṁ paṭicca niyyāniko dhammo uppajjati
hetupaccayā: niyyānikaṁ ekaṁ khandhaṁ paṭicca tayo khandhā dve
khandhe .... Niyyānikaṁ dhammaṁ paṭicca aniyyāniko dhammo uppajjati
hetupaccayā: niyyānike khandhe paṭicca cittasamuṭṭhānaṁ rūpaṁ. Niyyānikaṁ
dhammaṁ paṭicca niyyāniko ca aniyyāniko ca dhammā uppajjanti
hetupaccayā: niyyānikaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe .... Aniyyānikaṁ dhammaṁ paṭicca
aniyyāniko dhammo uppajjati hetupaccayā: aniyyānikaṁ ekaṁ
khandhaṁ paṭicca tayo khandhā cittasamuṭṭhānañca rūpaṁ dve khandhe ...
Paṭisandhikkhaṇe khandhe paṭicca vatthu vatthuṁ paṭicca khandhā ekaṁ
mahābhūtaṁ .... Niyyānikañca aniyyānikañca dhammaṁ paṭicca aniyyāniko
dhammo uppajjati hetupaccayā: niyyānike khandhe ca mahābhūte ca
paṭicca cittasamuṭṭhānaṁ rūpaṁ.