[794] Arūpāvacaraṁ dhammaṁ saṁsaṭṭho arūpāvacaro dhammo uppajjati
hetupaccayā: arūpāvacaraṁ ekaṁ khandhaṁ saṁsaṭṭhā tayo khandhā dve
khandhe ... Paṭisandhi. Nārūpāvacaraṁ dhammaṁ saṁsaṭṭho nārūpāvacaro
dhammo uppajjati hetupaccayā: nārūpāvacaraṁ ekaṁ khandhaṁ saṁsaṭṭhā
tayo khandhā dve khandhe ... Paṭisandhi.

[795] Hetuyā dve avigate dve.

[796] Nahetuyā ekaṁ nādhipatiyā dve napurejāte dve
napacchājāte dve nāasevane dve nakamme dve navipāke
dve najhāne ekaṁ namagge ekaṁ navippayutte dve.
Evaṁ itare dve gaṇanāpi sampayuttavāropi kātabbā.
Pañhāvāro

[797] Arūpāvacaro dhammo arūpāvacarassa dhammassa hetupaccayena
paccayo: arūpāvacarā hetū sampayuttakānaṁ khandhānaṁ hetupaccayena
paccayo paṭisandhi. Mūlaṁ arūpāvacarā hetū cittasamuṭṭhānānaṁ
rūpānaṁ hetupaccayena paccayo. Mūlaṁ arūpāvacarā hetū sampayuttakānaṁ
khandhānaṁ cittasamuṭṭhānānañca rūpānaṁ hetupaccayena paccayo.
Nārūpāvacaro dhammo nārūpāvacarassa dhammassa hetupaccayena paccayo:
nārūpāvacarā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhi.

[798] Arūpāvacaro dhammo arūpāvacarassa dhammassa
ārammaṇapaccayena paccayo: ākāsānañcāyatanaṁ viññāṇañcāyatanassa
ārammaṇapaccayena paccayo ākiñcaññāyatanaṁ nevasaññānāsaññāyatanassa
ārammaṇapaccayena paccayo. Arūpāvacaro dhammo
nārūpāvacarassa dhammassa ārammaṇapaccayena paccayo: ākāsānañcāyatanaṁ
paccavekkhati viññāṇañcāyatanaṁ ... Ākiñcaññāyatanaṁ ...
Nevasaññānāsaññāyatanaṁ paccavekkhati arūpāvacare khandhe aniccato
.pe. Domanassaṁ uppajjati cetopariyañāṇena arūpāvacaracittasamaṅgissa
cittaṁ jānāti arūpāvacarā khandhā cetopariyañāṇassa
pubbenivāsānussatiñāṇassa yathākammupagañāṇassa anāgataṁsañāṇassa
āvajjanāya ārammaṇapaccayena paccayo. Nārūpāvacaro dhammo
Nārūpāvacarassa dhammassa ārammaṇapaccayena paccayo: dānaṁ ...
Sīlaṁ ... Uposathakammaṁ katvā taṁ paccavekkhati assādeti abhinandati
taṁ ārabbha rāgo .pe. Domanassaṁ uppajjati pubbe suciṇṇāni ...
Jhānā .pe. Ariyā maggā vuṭṭhahitvā maggaṁ paccavekkhanti phalaṁ
paccavekkhanti nibbānaṁ paccavekkhanti nibbānaṁ gotrabhussa
vodānassa maggassa phalassa āvajjanāya ārammaṇapaccayena paccayo
ariyā pahīne kilese paccavekkhanti vikkhambhite kilese ... Pubbe ...
.pe. Cakkhuṁ ... Vatthuṁ ... Nārūpāvacare khandhe aniccato .pe.
Domanassaṁ uppajjati dibbena cakkhunā rūpaṁ passati dibbāya
sotadhātuyā saddaṁ suṇāti cetopariyañāṇena nārūpāvacaracittasamaṅgissa
cittaṁ jānāti rūpāyatanaṁ cakkhuviññāṇassa phoṭṭhabbāyatanaṁ ...
Nārūpāvacarā khandhā iddhividhañāṇassa cetopariyañāṇassa
pubbenivāsānussatiñāṇassa yathākammupagañāṇassa anāgataṁsañāṇassa
āvajjanāya ārammaṇapaccayena paccayo.

[799] Arūpāvacaro dhammo arūpāvacarassa dhammassa
adhipatipaccayena paccayo: sahajātādhipati: arūpāvacarā adhipati
sampayuttakānaṁ khandhānaṁ adhipatipaccayena paccayo. Arūpāvacaro dhammo
nārūpāvacarassa dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: ākāsānañcāyatanaṁ garuṁ katvā
paccavekkhati .pe. Nevasaññānāsaññāyatanaṁ garuṁ katvā paccavekkhati
Arūpāvacare khandhe garuṁ katvā assādeti abhinandati taṁ garuṁ katvā
rāgo uppajjati diṭṭhi uppajjati. Sahajātādhipati: arūpāvacarā
adhipati cittasamuṭṭhānānaṁ rūpānaṁ adhipatipaccayena paccayo. Mūlaṁ
arūpāvacarā adhipati sampayuttakānaṁ khandhānaṁ cittasamuṭṭhānānañca
rūpānaṁ adhipatipaccayena paccayo. Nārūpāvacaro dhammo nārūpāvacarassa
dhammassa adhipatipaccayena paccayo: ārammaṇādhipati sahajātādhipati.
Ārammaṇādhipati: dānaṁ ... Sīlaṁ ... Uposathakammaṁ katvā taṁ
garuṁ katvā paccavekkhati assādeti abhinandati taṁ garuṁ katvā
rāgo uppajjati diṭṭhi ... Pubbe suciṇṇāni ... Jhānā .pe.
Ariyā maggā vuṭṭhahitvā maggaṁ garuṁ katvā paccavekkhanti phalaṁ ...
Nibbānaṁ paccavekkhanti nibbānaṁ gotrabhussa vodānassa maggassa
phalassa adhipatipaccayena paccayo cakkhuṁ ... Vatthuṁ ... Nārūpāvacare khandhe
garuṁ katvā assādeti abhinandati taṁ garuṁ katvā rāgo uppajjati
diṭṭhi uppajjati. Sahajātādhipati: nārūpāvacarā adhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.

[800] Arūpāvacaro dhammo arūpāvacarassa dhammassa anantarapaccayena
paccayo: purimā purimā arūpāvacarā khandhā pacchimānaṁ
pacchimānaṁ arūpāvacarānaṁ khandhānaṁ anantarapaccayena paccayo.
Arūpāvacaro dhammo nārūpāvacarassa dhammassa anantarapaccayena paccayo:
arūpāvacaraṁ cuticittaṁ nārūpāvacarassa upapatticittassa arūpāvacaraṁ
Bhavaṅgaṁ āvajjanāya arūpāvacarā khandhā nārūpāvacarassa vuṭṭhānassa
nirodhā vuṭṭhahantassa nevasaññānāsaññāyatanaṁ phalasamāpattiyā
anantarapaccayena paccayo. Nārūpāvacaro dhammo nārūpāvacarassa
dhammassa anantarapaccayena paccayo: purimā purimā nārūpāvacarā
khandhā pacchimānaṁ pacchimānaṁ nārūpāvacarānaṁ khandhānaṁ anantarapaccayena
paccayo anulomaṁ gotrabhussa anulomaṁ phalasamāpattiyā anantarapaccayena
paccayo. Nārūpāvacaro dhammo arūpāvacarassa dhammassa
anantarapaccayena paccayo: nārūpāvacaraṁ cuticittaṁ arūpāvacarassa
upapatticittassa anantarapaccayena paccayo nārūpāvacarā khandhā
arūpāvacarassa vuṭṭhānassa anantarapaccayena paccayo ākāsānañcāyatanassa
parikammaṁ ākāsānañcāyatanassa anantarapaccayena paccayo
viññāṇañcāyatanassa ... Ākiñcaññāyatanassa ... Nevasaññānāsaññāyatanassa
parikammaṁ nevasaññānāsaññāyatanassa anantarapaccayena
paccayo. ... Samanantarapaccayena paccayo: sahajātapaccayena paccayo:
pañca aññamaññapaccayena paccayo: dve nissayapaccayena
paccayo: satta.

[801] Arūpāvacaro dhammo arūpāvacarassa dhammassa upanissayapaccayena
paccayo: anantarūpanissayo pakatūpanissayo .pe.
Pakatūpanissayo: ākāsānañcāyatanaṁ viññāṇañcāyatanassa
upanissayapaccayena paccayo: viññāṇañcāyatanaṁ ākiñcaññāyatanassa
Ākiñcaññāyatanaṁ nevasaññānāsaññāyatanassa upanissayapaccayena
paccayo. Arūpāvacaro dhammo nārūpāvacarassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo
.pe. Pakatūpanissayo: arūpāvacaraṁ saddhaṁ upanissāya dānaṁ deti
sīlaṁ ... Uposathakammaṁ nārūpāvacaraṁ jhānaṁ vipassanaṁ maggaṁ
abhiññaṁ ... Samāpattiṁ uppādeti mānaṁ jappeti diṭṭhiṁ gaṇhāti
arūpāvacaraṁ sīlaṁ ... Paññaṁ upanissāya dānaṁ deti .pe. Samāpattiṁ
uppādeti mānaṁ jappeti diṭṭhiṁ gaṇhāti arūpāvacarā saddhā .pe.
Paññā nārūpāvacarāya saddhāya .pe. Paññāya rāgassa patthanāya
kāyikassa sukhassa kāyikassa dukkhassa maggassa phalasamāpattiyā
upanissayapaccayena paccayo. Nārūpāvacaro dhammo nārūpāvacarassa
dhammassa upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: nārūpāvacaraṁ
saddhaṁ upanissāya dānaṁ deti sīlaṁ ... Uposathakammaṁ nārūpāvacaraṁ
jhānaṁ vipassanaṁ maggaṁ abhiññaṁ ... Samāpattiṁ uppādeti mānaṁ jappeti
diṭṭhiṁ gaṇhāti nārūpāvacaraṁ sīlaṁ ... Paññaṁ rāgaṁ patthanaṁ kāyikaṁ
sukhaṁ kāyikaṁ dukkhaṁ utuṁ bhojanaṁ ... Senāsanaṁ upanissāya dānaṁ deti
.pe. Samāpattiṁ uppādeti pāṇaṁ hanati .pe. Saṅghaṁ bhindati
nārūpāvacarā saddhā .pe. Senāsanaṁ nārūpāvacarāya saddhāya
patthanāya kāyikassa sukhassa kāyikassa dukkhassa maggassa
Phalasamāpattiyā upanissayapaccayena paccayo. Nārūpāvacaro dhammo
arūpāvacarassa dhammassa upanissayapaccayena paccayo: anantarūpanissayo
pakatūpanissayo .pe. Pakatūpanissayo: ākāsānañcāyatanassa
parikammaṁ ākāsānañcāyatanassa upanissayapaccayena paccayo .pe.
Nevasaññānāsaññāyatanassa parikammaṁ nevasaññānāsaññāyatanassa
upanissayapaccayena paccayo.

[802] Nārūpāvacaro dhammo nārūpāvacarassa dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato .pe. Domanassaṁ uppajjati
dibbena cakkhunā rūpaṁ passati dibbāya sotadhātuyā saddaṁ suṇāti
rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa.
Vatthupurejātaṁ: cakkhāyatanaṁ cakkhuviññāṇassa kāyāyatanaṁ ... Vatthu
nārūpāvacarānaṁ khandhānaṁ purejātapaccayena paccayo. Nārūpāvacaro
dhammo arūpāvacarassa dhammassa purejātapaccayena paccayo: vatthupurejātaṁ:
vatthu arūpāvacarānaṁ khandhānaṁ purejātapaccayena paccayo.
... Pacchājātapaccayena paccayo: dve āsevanapaccayena paccayo: tīṇi.

[803] Arūpāvacaro dhammo arūpāvacarassa dhammassa kammapaccayena
paccayo: sahajātā nānākhaṇikā .pe. Arūpāvacaro dhammo
nārūpāvacarassa dhammassa kammapaccayena paccayo: arūpāvacarā
cetanā cittasamuṭṭhānānaṁ arūpāvacarānaṁ khandhānaṁ kammapaccayena
Paccayo. Mūlaṁ arūpāvacarā cetanā sampayuttakānaṁ khandhānaṁ
cittasamuṭṭhānānañca rūpānaṁ kammapaccayena paccayo. Nārūpāvacaro
dhammo nārūpāvacarassa dhammassa kammapaccayena paccayo: sahajātā
nānākhaṇikā. Sahajātā: nārūpāvacarā cetanā sampayuttakānaṁ
khandhānaṁ kammapaccayena paccayo. Saṅkhittaṁ.