[824] Nahetuyā ekaṁ nāarammaṇe tīṇi nādhipatiyā
cattāri nānantare tīṇi naupanissaye tīṇi napurejāte cattāri
napacchājāte nava nāasevane tīṇi nakamme cattāri navipāke
nava nāahāre ekaṁ naindriye ekaṁ najhāne ekaṁ namagge
ekaṁ nasampayutte tīṇi navippayutte dve nonatthiyā tīṇi
novigate tīṇi.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[825] Niyyānikaṁ dhammaṁ saṁsaṭṭho niyyāniko dhammo uppajjati
hetupaccayā: niyyānikaṁ ekaṁ khandhaṁ saṁsaṭṭhā tayo khandhā dve
khandhe .... Aniyyānikaṁ dhammaṁ saṁsaṭṭho aniyyāniko dhammo uppajjati
hetupaccayā: aniyyānikaṁ ekaṁ khandhaṁ saṁsaṭṭhā tayo khandhā dve
khandhe ... Paṭisandhi.

[826] Hetuyā dve ārammaṇe dve sabbattha dve
vipāke ekaṁ avigate dve.

[827] Nahetuyā ekaṁ nādhipatiyā dve napurejāte dve
napacchājāte dve nāasevane ekaṁ nakamme dve navipāke
dve najhāne ekaṁ namagge ekaṁ navippayutte dve.
Evaṁ itare dve gaṇanāpi sampayuttavāropi kātabbā.
Pañhāvāro

[828] Niyyāniko dhammo niyyānikassa dhammassa hetupaccayena
paccayo: niyyānikā hetū sampayuttakānaṁ khandhānaṁ hetupaccayena
paccayo. Mūlaṁ niyyānikā hetū cittasamuṭṭhānānaṁ rūpānaṁ
hetupaccayena paccayo. Mūlaṁ niyyānikā hetū sampayuttakānaṁ khandhānaṁ
cittasamuṭṭhānānañca rūpānaṁ hetupaccayena paccayo. Aniyyāniko
dhammo aniyyānikassa dhammassa hetupaccayena paccayo: aniyyānikā
hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena
Paccayo paṭisandhi.

[829] Niyyāniko dhammo aniyyānikassa dhammassa ārammaṇapaccayena
paccayo: ariyā maggā vuṭṭhahitvā maggaṁ paccavekkhanti
cetopariyañāṇena niyyānikacittasamaṅgissa cittaṁ jānanti niyyānikā
khandhā cetopariyañāṇassa pubbe .pe. Anāgataṁsañāṇassa āvajjanāya
ārammaṇapaccayena paccayo. Aniyyāniko dhammo aniyyānikassa
dhammassa ārammaṇapaccayena paccayo: dānaṁ ... Sīlaṁ ... Uposathakammaṁ
katvā taṁ paccavekkhati assādeti abhinandati taṁ ārabbha rāgo
.pe. Domanassaṁ uppajjati pubbe suciṇṇāni ... Jhānā .pe.
Ariyā phalaṁ paccavekkhanti nibbānaṁ paccavekkhanti nibbānaṁ
gotrabhussa vodānassa phalassa āvajjanāya ārammaṇapaccayena paccayo
ariyā pahīne kilese ... Vikkhambhite kilese ... Pubbe samudāciṇṇe ...
Cakkhuṁ ... Vatthuṁ ... Aniyyānike khandhe aniccato .pe. Domanassaṁ
uppajjati dibbena cakkhunā rūpaṁ passati dibbāya sotadhātuyā
saddaṁ suṇāti cetopariyañāṇena aniyyānikacittasamaṅgissa cittaṁ
jānāti ākāsānañcāyatanaṁ viññāṇañcāyatanassa ākiñcaññāyatanaṁ
nevasaññānāsaññāyatanassa rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa aniyyānikā khandhā iddhividhañāṇassa
cetopariyañāṇassa pubbenivāsānussatiñāṇassa yathākammupagañāṇassa
anāgataṁsañāṇassa āvajjanāya ārammaṇapaccayena paccayo.
Aniyyāniko dhammo niyyānikassa dhammassa ārammaṇapaccayena
paccayo: nibbānaṁ maggassa ārammaṇapaccayena paccayo.

[830] Niyyāniko dhammo niyyānikassa dhammassa adhipatipaccayena
paccayo: sahajātādhipati: niyyānikā adhipati sampayuttakānaṁ khandhānaṁ
adhipatipaccayena paccayo. Niyyāniko dhammo aniyyānikassa dhammassa
adhipatipaccayena paccayo: ārammaṇādhipati sahajātādhipati. Ārammaṇādhipati:
ariyā maggā vuṭṭhahitvā maggaṁ garuṁ katvā paccavekkhanti.
Sahajātādhipati: niyyānikā adhipati cittasamuṭṭhānānaṁ rūpānaṁ
adhipatipaccayena paccayo. Mūlaṁ niyyānikā adhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.
Aniyyāniko dhammo aniyyānikassa dhammassa adhipatipaccayena paccayo:
ārammaṇādhipati sahajātādhipati. Ārammaṇādhipati: dānaṁ ... Sīlaṁ ...
Uposathakammaṁ katvā taṁ garuṁ katvā paccavekkhati assādeti
abhinandati taṁ garuṁ katvā rāgo ... Diṭṭhi uppajjati pubbe
suciṇṇāni ... Jhānā vuṭṭhahitvā .pe. Ariyā phalaṁ garuṁ katvā
paccavekkhanti nibbānaṁ garuṁ katvā paccavekkhanti nibbānaṁ
gotrabhussa vodānassa phalassa adhipatipaccayena paccayo cakkhuṁ ...
Vatthuṁ ... Aniyyānike khandhe garuṁ katvā assādeti abhinandati taṁ
garuṁ katvā rāgo uppajjati diṭṭhi uppajjati. Sahajātādhipati:
aniyyānikā adhipati sampayuttakānaṁ khandhānaṁ cittasamuṭṭhānānañca
Rūpānaṁ adhipatipaccayena paccayo. Aniyyāniko dhammo niyyānikassa
dhammassa adhipatipaccayena paccayo: ārammaṇādhipati: nibbānaṁ
maggassa adhipatipaccayena paccayo.

[831] Niyyāniko dhammo aniyyānikassa dhammassa
anantarapaccayena paccayo: maggo phalassa anantarapaccayena paccayo.
Aniyyāniko dhammo aniyyānikassa dhammassa anantarapaccayena paccayo:
purimā purimā aniyyānikā khandhā pacchimānaṁ pacchimānaṁ
aniyyānikānaṁ khandhānaṁ anantarapaccayena paccayo anulomaṁ gotrabhussa
vodānassa phalaṁ phalassa anulomaṁ phalasamāpattiyā nirodhā
vuṭṭhahantassa nevasaññānāsaññāyatanaṁ phalasamāpattiyā anantarapaccayena
paccayo. Aniyyāniko dhammo niyyānikassa dhammassa
anantarapaccayena paccayo: gotrabhu maggassa vodānaṁ maggassa
anantarapaccayena paccayo. ... Samanantarapaccayena paccayo:
sahajātapaccayena paccayo: pañca aññamaññapaccayena paccayo: dve
nissayapaccayena paccayo: satta.

[832] Niyyāniko dhammo niyyānikassa dhammassa
upanissayapaccayena paccayo: pakatūpanissayo: paṭhamo maggo dutiyassa
maggassa upanissayapaccayena paccayo .pe. Tatiyo maggo catutthassa
maggassa upanissayapaccayena paccayo. Niyyāniko dhammo aniyyānikassa
dhammassa upanissayapaccayena paccayo: ārammaṇūpanissayo
Anantarūpanissayo pakatūpanissayo .pe. Pakatūpanissayo: ariyā
maggaṁ upanissāya anuppannaṁ samāpattiṁ uppādenti uppannaṁ
samāpajjanti saṅkhāre aniccato vipassanti maggo ariyānaṁ
atthapaṭisambhidāya dhammapaṭisambhidāya niruttipaṭisambhidāya
paṭibhānapaṭisambhidāya ṭhānāṭhānakosallassa upanissayapaccayena paccayo
maggo phalasamāpattiyā upanissayapaccayena paccayo. Aniyyāniko
dhammo aniyyānikassa dhammassa upanissayapaccayena paccayo:
ārammaṇūpanissayo anantarūpanissayo pakatūpanissayo .pe.
Pakatūpanissayo: aniyyānikaṁ saddhaṁ upanissāya dānaṁ ... Sīlaṁ
uposathakammaṁ jhānaṁ vipassanaṁ abhiññaṁ ... Samāpattiṁ uppādeti mānaṁ
jappeti diṭṭhiṁ gaṇhāti aniyyānikaṁ sīlaṁ ... Paññaṁ rāgaṁ patthanaṁ
utuṁ bhojanaṁ ... Senāsanaṁ upanissāya dānaṁ deti .pe. Samāpattiṁ
uppādeti pāṇaṁ hanati .pe. Saṅghaṁ bhindati aniyyānikā saddhā
.pe. Senāsanaṁ aniyyānikāya saddhāya .pe. Patthanāya .pe.
Kāyikassa sukhassa kāyikassa dukkhassa phalasamāpattiyā upanissayapaccayena
paccayo. Aniyyāniko dhammo niyyānikassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: paṭhamassa maggassa parikammaṁ
paṭhamassa maggassa upanissayapaccayena paccayo .pe. Catutthassa
maggassa parikammaṁ catutthassa maggassa upanissayapaccayena paccayo.

[833] Aniyyāniko dhammo aniyyānikassa dhammassa
purejātapaccayena paccayo: dve arūpadukasadisā kātabbā. ...
Pacchājātapaccayena paccayo: dve āsevanapaccayena paccayo: dve.